ଆଇପିଏଲ ୨୪ତମ ମ୍ୟାଚରେ ଗୁରୁବାର ବାଙ୍ଗାଲୁରୁକୁ ଦିଲ୍ଲୀ କ୍ୟାପିଟାଲ୍ସ ୬ ୱିକେଟ୍‌ସରେ ପରାସ୍ତ କରିଛି। କେଏଲ ରାହୁଲ ୯୩ ରନ କରି ଅପରାଜିତ ରହି ଦିଲ୍ଲୀକୁ ବିଜୟ ଭେଟି ଦେଇଛନ୍ତି । ଦିଲ୍ଲୀକୁ ଜିତିବା ପାଇଁ ଆରସିବି ୧୬୪ ରନ୍‌ର ଟାର୍ଗେଟ ଦେଇଥିଲା। ଜବାବରେ ଦିଲ୍ଲୀ ୧୭.୫ ଓଭରରେ ଲକ୍ଷ୍ୟ ହାସଲ କରିଥିଲା। ଟ୍ରିଷ୍ଟାନ ଷ୍ଟବସ୍ ଅପରାଜିତ ୩୮ ରନ୍‌ କରିଥିଲାବେଳେ ଅକ୍ଷର ପଟେଲ ୧୫ ରନ୍ କରିଥିଲେ ।
ପ୍ରଥମେ ବ୍ୟାଟିଂ କରି ବାଙ୍ଗାଲୁରୁ ୨୦ ଓଭରରେ ୭ ୱିକେଟ ହରାଇ ୧୬୩ ରନ କରିଥିଲା। ସଲ୍ଟ ୩୭ ରନ କରିଥିବା ବେଳେ ଟିମ୍ ଡେଭିଡ୍ ୩୭ ରନ୍ କରି ଅପରାଜିତ ରହିଥିଲେ। ସେହିପରି ବିରାଟ କୋହଲି ୨୨ ରନ୍ କରିଥିଲେ। ରଜତ ପାଟିଦାର ୨୫ ରନ୍ କରିଥିଲେ। ଦିଲ୍ଲୀ ଚାରିଟି ମ୍ୟାଚରୁ ଚାରିଟି ବିଜୟ ହାସଲ କରିଛି । ବାଙ୍ଗାଲୋର 5ଟିରୁ ତିନୋଟି ବିଜୟ ହାସଲ କରିଛି ।