ଶକ୍ତିଶାଳୀ ଭୂକମ୍ପ ଝଟକାରେ ଦୋହଲିଲା ତାଇୱାନ । ଆଜି ସକାଳେ ତାଇୱାନର ରାଜଧାନୀ ତାଇପେଇରେ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି । ଭୂମିକମ୍ପ ଯୋଗୁଁ ଖୁବ ଭୟଙ୍କର ପରିସ୍ଥିତି ଦେଖାଯାଇଥିଲା । କେନ୍ଦ୍ରୀୟ ପାଣିପାଗ ପ୍ରଶାସନ ଭୂମିକମ୍ପର ତୀବ୍ରତା ୫.୮ ରେକର୍ଡ ମାପିଛି । ଭୂମିକମ୍ପ ଯୋଗୁଁ ତାଇପେରେ କୋଠାଗୁଡ଼ିକ କିଛି ସେକେଣ୍ଡ ପାଇଁ କମ୍ପିତ ହୋଇଥିଲା । ଆମେରିକାର ଭୂତତ୍ତ୍ୱ ସର୍ଭେ ଅନୁଯାୟୀ, ଭୂକମ୍ପର କେନ୍ଦ୍ରସ୍ଥଳ ଉତ୍ତର-ପୂର୍ବ ଉପକୂଳରେ ୟିଲାନରୁ ପ୍ରାୟ ୨୧ କିଲୋମିଟର ଦକ୍ଷିଣ-ଦକ୍ଷିଣପୂର୍ବରେ ଥିଲା । ଏହା ପୃଥିବୀ ପୃଷ୍ଠରୁ ୬୯ କିଲୋମିଟର ତଳେ ଗଭୀରତାରେ ଥିଲା ।