ଆଜି ରାଜ୍ୟସଭାରେ ଉପସ୍ଥାପିତ ହୋଇଛି ୱାକଫ ସଂଶୋଧନ ବିଲ୍। ଲୋକସଭାରେ ଗତକାଲି ୱାକଫ ସଂଶୋଧନ ବିଲ୍ ଉପରେ ଦୀର୍ଘ ସାଢ଼େ ୧୦ ଘଣ୍ଟା ଆଲୋଚନା କରାଯିବା ପରେ ବିଳମ୍ବିତ ରାତିରେ ଏହା ଗୃହୀତ ହୋଇଛି। ୱାକଫ ସଂଶୋଧନ ବିଲ୍ ୨୦୨୫ ଏବଂ ମୁସଲମାନ୍ ୱାକଫ୍ ପ୍ରତ୍ୟାହାର ବିଲ୍ ୨୦୨୪ ଗୃହୀତ ହୋଇଛି। ଏହି ବିଲ୍ ସପକ୍ଷରେ ୨୮୮ ଜଣ ମତ ଦେଇଥିଲାବେଳେ ବିପକ୍ଷରେ ୨୩୨ ଜଣ ମତ ଦେଇଥିଲେ। ଗତକାଲି ଲୋକସଭାରେ ୱାକଫ ସଂଶୋଧନ ବିଲ୍ ଉପସ୍ଥାପିତ ହେବ ପରେ ଆଜି ରାଜ୍ୟସଭାରେ ଉପସ୍ଥାପିତ କରାଯାଇଛି ।
ଗୁରୁବାର ଦିନ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ୱାକଫ ବୋର୍ଡ ଉପରେ ସିଧାସଳଖ ଆକ୍ରମଣ କରି ଏହା ଉପରେ ଜମି ଜବରଦଖଲ କରିବାର ଅଭିଯୋଗ ଆଣିଛନ୍ତି ଏବଂ କହିଛନ୍ତି ଯେ ସାର୍ବଜନୀନ ଏବଂ ଐତିହାସିକ ସ୍ଥାନଗୁଡ଼ିକ ଉପରେ ଏହାର ମନମୁଖୀ ଦାବିକୁ ଅଧିକ ଦିନ ପର୍ଯ୍ୟନ୍ତ ବରଦାସ୍ତ କରାଯିବ ନାହିଁ।
ଶ୍ରୀଙ୍ଗବେରପୁରରେ ଏକ ସାଧାରଣ ସଭାକୁ ସମ୍ବୋଧିତ କରି ସେ କହିଥିଲେ, “ଆପଣ ଏଠାରେ ନିଷାଦରାଜଙ୍କ ପୌରାଣିକ ଭୂମିର ଦଖଲ ଦେଖୁଛନ୍ତି। ସହରର ଅନେକ ସ୍ଥାନରେ ୱାକଫ ନାମରେ ଜବରଦଖଲ ହୋଇଛି। କୁମ୍ଭ ସମୟରେ ମଧ୍ୟ କୁମ୍ଭର ଜମି ମଧ୍ୟ ୱାକଫର ବୋଲି ବୟାନ ଦିଆଯାଇଥିଲା। ଆମେ ପଚାରିଥିଲୁ- ୱାକଫ ବୋର୍ଡ କ’ଣ ଭୂମି ମାଫିଆ ହୋଇଗଲାଣି?”
