ଦୁଷ୍କର୍ମ ମାମଲାରେ ଖ୍ରୀଷ୍ଟିଆନ ଧର୍ମଗୁରୁ ପାଦ୍ରୀ ବଜିନ୍ଦର ସିଂହଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି। ମୋହାଲି ଜିଲ୍ଲା ଅଦାଲତ ଏହି ଆଦେଶ ଦେଇଛନ୍ତି। ତିନି ଦିନ ତଳେ ମୋହାଲି କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ, ଯାହା ପରେ ତାଙ୍କୁ ପଟିଆଲା ଜେଲକୁ ପଠାଇ ଦିଆଯାଇଥିଲା। ଜଣେ ମହିଳାଙ୍କ ଅଭିଯୋଗକୁ ଭିତ୍ତି କରି ଜିରକପୁର ଥାନାରେ ୨୦୧୮ରେ ମାମଲା ରୁଜୁ ହୋଇଥିଲା। ଅଭିଯୋଗକାରିଣୀ କହିଛନ୍ତି ଯେ ବଜିନ୍ଦର ସିଂହ ତାଙ୍କୁ ବିଦେଶ ନେବାକୁ ପ୍ରଲୋଭନ ଦେଖାଇ ମୋହାଲିର ସେକ୍ଟର ୬୩ସ୍ଥିତ ତାଙ୍କ ବାସଭବନରେ ଦୁଷ୍କର୍ମ କରିଥିଲେ। ଯଦି ସେ ତାଙ୍କ କଥାରେ ରାଜି ନ ହୁଅନ୍ତି ତେବେ ସେ ରେକର୍ଡ ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରିଦେବେ ବୋଲି ଧମକ ଦେଇଥିବା ମହିଳା ଜଣକ ଅଭିଯୋଗ କରିଛନ୍ତି।