ସୁନା ଦର ମଙ୍ଗଳବାର ୨,୦୦୦ ଟଙ୍କା ବୃଦ୍ଧି ପାଇ ଦିଲ୍ଲୀରେ ୧୦ ଗ୍ରାମ ପ୍ରତି ମୂଲ୍ୟ ସର୍ବାଧିକ ୯୪,୧୫୦ ଟଙ୍କାରେ ପହଞ୍ଚିଛି | ଅନ୍ତର୍ଜାତୀୟ ବଜାରରେ ସୁନା ଦର ଅଧିକ ରହିଛି। ଏଥିସହ ଶେୟାର ବଜାର ଖସୁଥିବାରୁ ବିକଳ୍ପ ନିବେଶ ଭାବେ ସୁନା ଚାହିଦା ବେଶି ବଢ଼ିଛି। ଏହି କାରଣରୁ ସୁନା ଦର ବୃଦ୍ଧି ପାଉଥିବା ଅଲ୍ ଇଣ୍ଡିଆ ସରାଫ ଆସୋସିଏଶନ କହିଛି। ଗତ ଶୁକ୍ରବାର ୯୯.୯% ଶୁଦ୍ଧ ସୁନା ଦର ୧୦ ଗ୍ରାମ ପ୍ରତି ୯୨,୧୫୦ ଟଙ୍କା ରହିଥିଲା। ସେହିପରି ୯୯.୫% ଶୁଦ୍ଧ ସୁନା ଦର ଶୁକ୍ରବାର ୯୧,୭୦୦ ଟଙ୍କା ଥିବାବେଳେ ମଙ୍ଗଳବାର ୨,୦୦୦ ଟଙ୍କା ବଢ଼ି ୯୩,୭୦୦ ଟଙ୍କା ହୋଇଛି।
