‘ଏକ୍ସ’ କୁ ବିକ୍ରି କରି ଦେଇଛନ୍ତି ଦୁନିଆର ସବୁଠାରୁ ଧନୀ ବ୍ୟକ୍ତି ଏଲନ୍ ମସ୍କ। ଏନେଇ ଏଲନ ମସ୍କ ନିଜେ ଏକ୍ସରେ ପୋଷ୍ଟ କରି ଏହି ସୂଚନା ଦେଇଛନ୍ତି। ଏହି ପ୍ଲାଟଫର୍ମକୁ କୃତ୍ରିମ ବୁଦ୍ଧିମତ୍ତା କମ୍ପାନୀ ଏକ୍ସ ଏଆଇ କୁ ବିକ୍ରି କରିଛନ୍ତି।
ଏଲୋନ୍ ମସ୍କ ଯେଉଁ କମ୍ପାନୀକୁ ଏକ୍ସକୁ ବିକ୍ରି କରିଛନ୍ତି, ତାହା ମଧ୍ୟ ତାଙ୍କ ନିଜର ଅନ୍ୟ ଏକ କମ୍ପାନୀ। ଯାହା ଏକ୍ସ ଏଆଇ ନାମରେ ଜଣାଶୁଣା। ଏକ୍ସକୁ କିଣିବା ପାଇଁ ଏକ୍ସଏଆଇ ୩୩ ବିଲିୟନ ଡଲାର ଖର୍ଚ୍ଚ କରିଛି। ସମ୍ପୂର୍ଣ୍ଣ ଷ୍ଟକ୍ କାରବାରରେ ଏହି କିଣାବିକା ହୋଇଛି। ଏନେଇ ମସ୍କ କହିଛନ୍ତି ଏକ୍ସ ଓ ଏକ୍ସଏଆଇର ଭବିଷ୍ୟତ ଅଙ୍ଗାଅଙ୍ଗୀ ଭାବେ ଜଡିତ। ଏକ୍ସଏଆଇକୁ ଆଗକୁ ବଢାଇବାକୁ ଏଭଳି ନିଷ୍ପତ୍ତି ନେଇଛନ୍ତି ମସ୍କ। ଏଆଇର ଦକ୍ଷତା ସହ ଏକ୍ସକୁ ଆହୁରି ଉନ୍ନତ ଓ ଅତ୍ୟାଧୁନିକ ଜ୍ଞାନ କୌଶଳ ସହ ଆହୁରି ସ୍ମାର୍ଟ କରିବାକୁ ଯୋଜନା କରାଯାଇଛି।
