IAS ସୁଜାତା କାର୍ତ୍ତିକେୟନ ପାଣ୍ଡିଆନ ବିଦେଶ ଚାଲିଯିବା ନେଇ ଚର୍ଚା ଜୋର ଧରିଛି ।  IAS ଚାକିରିରୁ ଅବସର ନେବା ପରେ ପାଣ୍ଡିଆନ ଫ୍ୟାମିଲ କଣ କରିବେ ତାହା ନେଇ ରାଜନୀତି ମହଲରେ ଚର୍ଚା ହେଉଛି ।  ସୁଜାତା ୨୦୦୦ବ୍ୟାଚର ଆଇଏଏସ ଅଧିକାରୀ। କେନ୍ଦ୍ର ସରକାର ଭିଆରଏସକୁ କେନ୍ଦ୍ର ଅନୁମୋଦନ କରିଥିବା ସୂଚନା ମିଳିଛି। ଏବେ ସ୍ବେଚ୍ଛାକୃତ ଅବସର ଗ୍ରହଣ କରିବା ଖବର ପରେ ଏବେ ତାଙ୍କର ଆଗାମୀ କାର୍ଯ୍ୟକଳାପ ଉପରେ ସମସ୍ତଙ୍କ ନଜର ରହିଛି ।

ଭିକେ ପାଣ୍ଡିଆନ ଓ ସୁଜାତା କାର୍ତ୍ତିକେୟନ  ଓଡ଼ିଶା ଛାଡ଼ି ଲଣ୍ଡନରେ ଚାକିରି କରିବେ ବୋଲି ଆଲୋଚନା ହେଉଛି । ଯଦିଓ ଏପର୍ଯ୍ୟନ୍ତ କୌଣସି ଅଧିକୃତ ସୂଚନା ମିଳିନାହିଁ, ତଥାପି ଏହି ଚର୍ଚ୍ଚା ରାଜନୈତିକ ଏବଂ ପ୍ରଶାସନିକ ମହଳରେ ଜୋରଦେଇ ଚଲିଛି।

ସୁଜାତା କାର୍ତ୍ତିକେୟନ,  ୨୦୨୪ର ଜୁନ୍ ମାସରେ ଛଅ ମାସର ଛୁଟି ଅନୁମତି ନେଇଥିଲେ। ଏହି ଛୁଟି ପରେ ସେ କାର୍ଯ୍ୟରେ ଯୋଗ ଦେଇଥିଲେ । ପରେ ସରକାରଙ୍କ ଚାପରେ ହେଉ କି ଅନ୍ୟ କେଉଁ କାରଣ ପାଇଁ ଭିଆରଏସ ନେଇଛନ୍ତି । ଭିକେ ପାଣ୍ଡିଆନ, ନବୀନ ପଟ୍ଟନାୟକଙ୍କ ଘନିଷ୍ଠ ସହଯୋଗୀ। ସେ ଗତ ୨୦୨୩ ଅକ୍ଟୋବରରେ ୫ଟି ଓ ନବୀନ ଓଡ଼ିଶା ଅଧ୍ୟକ୍ଷ ପଦବୀ ଅଳଙ୍କୃତ କରି ଚର୍ଚାରେ ଥିଲେ । ପାଣ୍ଡିଆନ ଏବେ ରାଜନୀତିରେ ନାହାଁନ୍ତି, ଚାକିରି ବି ନାହିଁ । ଦଳରେ ତାଙ୍କୁ କେହି ପଚାରୁନାହାଁନ୍ତି । ତେଣୁ ସେ ଲଣ୍ଡନକୁ ଯାଇପାରନ୍ତି ବୋଲି ଆଲୋଚନାର ବିଷୟ ହୋଇଛି। ଯଦି ଏହା ସତ୍ୟ ହୁଏ, ତେବେ ରାଜନୈତିକ କ୍ଷେତ୍ରରେ ବଡ଼ ପରିବର୍ତ୍ତନ ଦେଖିବାକୁ ମିଳିପାରେ।  ଆସନ୍ତା କିଛି ଦିନରେ ସ୍ପଷ୍ଟ ହେବ, ସେମାନେ ଓଡ଼ିଶାରେ ରହିବେ କି ବ୍ରିଟେନରେ ।