ଭାରତର ଅର୍ଥନୀତିକୁ ନେଇ ଅନେକ ସଂସ୍ଥା ଭଲ ରେଟିଂ କରୁଛନ୍ତି । ମୋଦିଙ୍କ ରଣନୀତି ପାଇଁ ଭାରତ ଗତ କିଛି ବର୍ଷ ହେଲା ଭଲ ପ୍ରଦର୍ଶନ କରୁଛି । ଅନେକ କ୍ଷେତ୍ରରେ ଆର୍ଥିକ ସୁଧାର, ପୁଂଜି ନିବେଶ ଭାରତର ଅର୍ଥନୀତିକୁ ଆଗକୁ ନେଇଛି । ଏବେ ମୋଦି କହୁଛନ୍ତି ଭାରତ 5 ଟ୍ରିଲିୟନ ଅର୍ଥନୀତି ଆଗାମୀ ଦିନରେ ପହଁଚିବ ।
ବିଶ୍ବର ଅନେକ ଆର୍ଥୀିକ ସର୍ଭେ ସଂସ୍ଥା ଭାରତକୁ ଭଲ ରେଟିଂ ଦେଉଛନ୍ତି । ଏହି କ୍ରମରେ ଅନ୍ତର୍ଜାତୀୟ ମୁଦ୍ରା ପାଣ୍ଠି(IMF) ତଥ୍ୟ ଅନୁଯାୟୀ, ଭାରତ ଗତ ୧୦ ବର୍ଷ ମଧ୍ୟରେ ୧୦୫ ପ୍ରତିଶତ ଅଭିବୃଦ୍ଧି ସହିତ ଏହାର GDP (ମୋଟ ଘରୋଇ ଉତ୍ପାଦ) ଦ୍ୱିଗୁଣିତ କରିଛି । ଯେଉଁଥି ପାଇଁ ଭାରତର ଅର୍ଥୀନିତି ଦ୍ରୁତ ଗତିରେ ବୃଦ୍ଧି ପାଉଛି ।
IMF ତଥ୍ୟ ଅନୁଯାୟୀ, ଭାରତ ଖୁବ୍ ଶୀଘ୍ର ଜାପାନକୁ ପଛରେ ପକାଇବାକୁ ଯାଉଛି। ଗତ ଦଶନ୍ଧିରେ ଯୁକ୍ତରାଜ୍ୟର GDP 28 ପ୍ରତିଶତ ବୃଦ୍ଧି ପାଇଛି, ଯେତେବେଳେ ଫ୍ରାନ୍ସର GDP ରେ ୩୮ ପ୍ରତିଶତ ଅଭିବୃଦ୍ଧି ଘଟିଛି, ୨୦୧୫ ରେ ୨.୪ଟ୍ରିଲିୟନ ଡଲାରରୁ ୨୦୨୫ ରେ ୩.୩ ଟ୍ରିଲିୟନ ଡଲାର ହୋଇଛି। ୫୦ ପ୍ରତିଶତରୁ ଅଧିକ GDP ଅଭିବୃଦ୍ଧି ସହିତ ଅନ୍ୟାନ୍ୟ ଶ୍ରେଷ୍ଠ ଅର୍ଥନୀତିଗୁଡ଼ିକ ହେଲେ ରୁଷ (୫୭ ପ୍ରତିଶତ), ଅଷ୍ଟ୍ରେଲିଆ (୫୮ ପ୍ରତିଶତ) ଏବଂ ସ୍ପେନ୍ (୫୦ ପ୍ରତିଶତ)।
ଯାହା ୨୦୧୫ ରେ ୨.୧ ଟ୍ରିଲିୟନ ଡଲାରରୁ ୨୦୨୫ ରେ ୪.୩ ଟ୍ରିଲିୟନ ଡଲାର ହୋଇଛି। ଆଗାମୀ ବର୍ଷରେ ଏହା ପାଂଚ ଟ୍ରିଲିୟନ ହେବାକୁ ଯାଉଛି । ଭାରତ ତୁଳନାରେ, ସମାନ ସମୟ ମଧ୍ୟରେ ଆମେରିକା ର ପ୍ରଦର୍ଶନ ନିରାଶାଜନକ ରହିଛି । ଆମେରିକାରେ ଗତ ଦଶ ବର୍ଷରେ ଦୁଇ ଥର ସରକାର ପରିବର୍ତ୍ତନ ହୋଇସାରିଛି । କିନ୍ତୁ ଭାରତରେ ଏପରି ହୋଇନାହିଁ । ଯାହା ଫଳରେ ନିବେଶକମାନେ ଭାରତ ବଜାର ଉପରେ ଭରସା ରଖିଛନ୍ତି ।
ସେହିପରି ଚାଇନାର GDP ଏହି ଦଶ ବର୍ଷରେ ସେତେ ବୃଦ୍ଧି ପାଇନାହିଁ । ଚାଇନା ଯଥାକ୍ରମେ ୬୬ ପ୍ରତିଶତ ଏବଂ ୪୪ ପ୍ରତିଶତ ବୃଦ୍ଧି ପାଇଛି। ଏହା ସହିତ, ଭାରତ ବର୍ତ୍ତମାନ ଯୁକ୍ତରାଷ୍ଟ୍ର (୩୦.୩ ଟ୍ରିଲିୟନ ଡଲାର), ଚାଇନା (୧୯.୫ ଟ୍ରିଲିୟନ ଡଲାର), ଜର୍ମାନୀ (୪.୯ ଟ୍ରିଲିୟନ ଡଲାର) ଏବଂ ଜାପାନ (୪.୪ ଟ୍ରିଲିୟନ ଡଲାର) ପରେ ବିଶ୍ୱର GDP ଦୃଷ୍ଟିରୁ ପଞ୍ଚମ ବୃହତ ଦେଶ ହେବାକୁ ଯାଉଛି ।
ଏହି କ୍ରମରେ ଅମିତ ମାଲବ୍ୟ କହିଛନ୍ତି ଭାରତ ଏକ ଅର୍ଥନୈତିକ ମାଇଲଖୁଣ୍ଟ ହାସଲ କରିଛି, ୨୦୧୫ ରେ ଏହାର GDP ୨.୧ ଟ୍ରିଲିୟନ ଡଲାରରୁ ୨୦୨୫ ରେ ୪.୩ ଟ୍ରିଲିୟନ ଡଲାର ହୋଇଛି – ଏହା ଅନ୍ୟ କୌଣସି ପ୍ରମୁଖ ବିଶ୍ୱ ଅର୍ଥନୀତି ଦ୍ୱାରା ଅତୁଳନୀୟ ୧୦୫ % ଅଭିବୃଦ୍ଧି। ଏହି ଅସାଧାରଣ ସଫଳତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ଣ୍ଣାୟକ ନେତୃତ୍ୱ ଯୋଗୁଁ ସମ୍ଭବ ହୋଇଛି ।
“ସକ୍ରିୟ ଅର୍ଥନୈତିକରେ କେନ୍ଦ୍ର ସରକାର ଏହି ଦଶ ବର୍ଷରେ ଟ୍ୟାକ୍ସକୁ ସରଳ କରିବା ସହ ବ୍ୟବସାୟ କରିବାର ଭଲ ବାତାବରଣ ସୃଷ୍ଟି କରିଛନ୍ତି । ମୋଦି ସରକାରଙ୍କ ନୀତି ଭାରତକୁ ବିଶ୍ୱର ସବୁଠାରୁ ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତିର ସ୍ଥାନକୁ ନେଇଯାଇଛି – ସ୍ୱାଧୀନତା ପରଠାରୁ ପୂର୍ବ କୌଣସି ସରକାର ଏପରି ପୁରସ୍କାର ପାଇ ନଥିଲେ।
