କାମ ହେଉଛି କମେଡି ସୋ କରିବା । କିନ୍ତୁ ଏହି କମେଡିରେ ସେ ମୋଦି ସରକାରଙ୍କୁ ଏବଂ ହିନ୍ଦୁ ଧର୍ମକୁ ଉପହାସ କରୁଥିବାରୁ ସୋସିଆଲ ମିଡିଆ ୟୁଜରମାନେ ଅନେକ ସମୟରେ କମେଡିଆନ କୁନାଲ କାମରାଙ୍କୁ ସମାଲୋଚନା କରିଥାନ୍ତି । ଏପରିକି ତାଙ୍କ ଫଟୋରେ ସେ ଗୋଟିଏ ହାତରେ ସମ୍ବିଧାନ ଧରିଥିଲେ ମଧ୍ୟ ଅନେକ ସମୟରେ ସୁପ୍ରିମ କୋର୍ଟଙ୍କ ରାୟକୁ ଉପହାସ କରିଥାନ୍ତି । ସେ ଏପରି କଂଗ୍ରେସ ଏବଂ ବାମପନ୍ଥୀଙ୍କ ଇସାରାରେ କରୁଥିବା ହିନ୍ଦୁ ସଙ୍ଗଠନମାନେ ଅଭିଯୋଗ କରନ୍ତି । ତେବେ ଗତ ସପ୍ତାହରେ ସେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଉପରେ ଗଦ୍ଦାର ମନ୍ତବ୍ୟ ଦେଇଥିଲେ ଯାହାକୁ ନେଇ ବଡ଼ ବିବାଦ ଚାଲିଛି । ଅଭିନେତା କୁନାଲ କାମରାଙ୍କ ଉପରେ ମହାରାଷ୍ଟ୍ର ସରକାର ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।
ଏହ ଷ୍ଟାଣ୍ଡ ଅପ୍ କମେଡିଆନ ଅନେକ ସମୟରେ ଜାଣି ଶୁଣି ମୋଦି ସରକାରଙ୍କୁ ଅପମାନ କରିଥାନ୍ତି, ପରିହାସ କରିଥାନ୍ତି ବୋଲି ଅଭିଯୋଗ ହୁଏ । ସିନ୍ଦେଙ୍କୁ ଗଦ୍ଦାର କହିଥିବାରୁ ଚାରିଆଡ଼ୁ ସମାଲୋଚନା ହେବା ପରେ କ୍ଷମା ମାଗିବାକୁ କହିଥିଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । ତେବେ ସେ କ୍ଷମା ମାଗିବେ ନାହିଁ ବୋଲି କହିଛନ୍ତି କୁନାଲ ।
ଗତ କିଛିଦିନ ହେଲା ସୋସିଆଲ ମିଡିଆରେ ତାଙ୍କୁ ଟ୍ରୋଲ କରାଯାଉଛି । ସେ ଜାଣି ଶୁଣି ମୋଦି ସରକାର ଏବଂ ତାଙ୍କ ସହଯୋଗୀ ଦଳଙ୍କୁ ଉପହାସ କରିଥାନ୍ତି ବୋଲି ୟୁଜର କହିଛନ୍ତି । ଏପରିକି ସୁପ୍ରିମକୋର୍ଟଙ୍କ ଅନେକ ରାୟକୁ ସେ ଉପହାସ କରିଥିବା ତାଙ୍କ ପୂର୍ବ ଟୁଇଟକୁ ଏବେ ସେୟାର କରୁଛନ୍ତି ଅନେକ ୟୁଜର
ଗତ କିଛି ଦିନ ହେଲା ପୁଣି ବିବାଦରେ ଅଛନ୍ତି ହାସ୍ୟ ଅଭିନେତା କୁନାଲ କାମରା। ତାଙ୍କ ସୋ’ରେ କୁନାଲ ବଲିଉଡ୍ ଫିଲ୍ମ ‘ଦିଲ୍ ତୋ ପାଗଲ୍ ହେ’ ଗୀତର ଏକ ନକଲ କରିଥିଲେ, ଯେଉଁଥିରେ ସେ ସିନ୍ଦେଙ୍କୁ ଦେଶଦ୍ରୋହୀ ବୋଲି କହିଥିଲେ। ଯାହାକୁ ନେଇ ମହାରାଷ୍ଟ୍ର ରାଜନୀତି ଜୋର ଧରିଛି । ନିଜ ହାତରେ ସମ୍ବିଧାନର ଫଟୋ ଧରି ଏହି ହାସ୍ୟ ଅଭିନେତାଙ୍କ ଏଭଳି ବୟାନବାଜିକୁ ଲୋକେ ସମାଲୋଚନା କରିବା ଆରମ୍ଭ କରିଛନ୍ତି । କଂଗ୍ରେସକୁ ସମର୍ଥନ କରୁଥିବା ଏହି ଅଭିନେତା ନିଜ ବକ୍ତବ୍ୟକୁ ସ୍ବାଧୀନତାର ଅଭିବ୍ୟକ୍ତି କହୁଥିବା ବେଳେ ସମ୍ବିଧାନରେ ମଧ୍ୟ କତେ ପର୍ଯ୍ୟନ୍ତ ଆପଣଙ୍କୁ ସ୍ବାଧୀନତା ଦିଆଯାଇଛି ନିଜ କଥା କହିବା ପାଇଁ ତାହା ଲେଖା ଯାଇଛି । ସମ୍ବିଧାନର ସେହି ସବୁ ଧାରାକୁ କୁନାଲ ପଢ଼ିନଥିବା ୟୁଜରମାନେ କହୁଛନ୍ତି । ଏପରିକି କିଛି ଶିବସେନା ସମର୍ଥକ କୁନାଲଙ୍କ ଇଣ୍ଟରଭ୍ୟୁରେ ଦିଆଯାଇଥିବା ମନ୍ତବ୍ୟକୁ ନେଇ କମେଡି ସୋ ଷ୍ଯୁଡିଓ ଭଂଗାରୁଜା କରି ଗିରଫ ହୋଇଛନ୍ତି ।
କୁନାଲ ପ୍ରଥମ ଥର ଏପରି ବିବାଦୀୟ କଥା କହିନାହାଁନ୍ତି । ଅନେକ ସମୟରେ ସେ ହିନ୍ଦୁ ଧର୍ମ, ସୁପ୍ରିମ କୋର୍ଟ, ମୋଦିଙ୍କୁ ଅନେକ ସମୟରେ କମେଡି କରିଥାନ୍ତି କୁନାଲ । ସମ୍ବିଧାନ ଧରିଥିବା ଫଟୋ ଥିବା ଏକ୍ସ ଆକାଉଣ୍ଟରୁ ସେ ବାରମ୍ବାର ବିବାଦୀୟ ପୋଷ୍ଟ କରିଥାନ୍ତି । ଯାହାକୁ ନେଇ ସୋସିଆଲ ମିଡିଆରେ ତାଙ୍କୁ ସମାଲୋଚନା କରାଯାଉଛି ।
ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଉପରେ ମନ୍ତବ୍ୟ ଦେବା ପାଇଁ ହାସ୍ୟ ଅଭିନେତା କୁନାଲ କାମରାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯ।ଇଛି । କାମରା ତାଙ୍କ ଅପମାନ ପାଇଁ କ୍ଷମା ପ୍ରାର୍ଥନା କରିବାକୁ ମନା କରିଥିବାରୁ ଏହି ମାମଲା ଏବେ କୋର୍ଟରେ ବିଚାର ହେବ । ଏକନାଥ ସିନ୍ଦେଜୀଙ୍କୁ ଅପମାନିତ କରାଯାଇଛି କି ନାହିଁ କୋର୍ଟ ନିଷ୍ପତ୍ତି ନେବେ । ବିରୋଧୀଦଳ ନେତାମାନେ କାମରାଙ୍କୁ ସମର୍ଥନ କରୁଥିବା ବେଳେ ସରକାରୀ ଦଳର ନେତାମାନେ ଏହା ସେ ଜାଣିଶୁଣି କରୁଥିବା ଅଭିଯୋଗ କରିଛନ୍ତି ।
କୌଣସି ଷ୍ଟାଣ୍ଡ-ଅପ୍ କମେଡିଆନଙ୍କୁ ଏତେ ବଡ଼ ନେତାଙ୍କୁ ଦେଶଦ୍ରୋହୀ କହିବାର ଅଧିକାର ରହିବା ଉଚିତ୍ ନୁହେଁ। ଯଦିଓ ସେମାନଙ୍କର ଥଟ୍ଟା କରିବାର ଅଧିକାର ଅଛି, ଯଦି କେହି ଜାଣିଶୁଣି ଏହି ଉପାୟରେ ବଡ଼ ନେତାମାନଙ୍କୁ ଅପମାନିତ କରନ୍ତି କିମ୍ବା ବଦନାମ କରନ୍ତି, ତେବେ ଆଇନ ଅନୁଯାୟୀ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଆବଶ୍ୟକ ମନେକରାଯାଏ । ଏହା ଦ୍ବାରା ଯେଉଁ ଅଭିନେତାମାନେ ଟଙ୍କା ନେଇ ଦଳ ପାଇଁ କାମ କରୁଛନ୍ତି ଏବଂ ନେତାଙ୍କୁ ଅପମାନିତ କରୁଛନ୍ତି ତାହା ଏକ ଉଦାହରଣ ହୋଇ ରହିବ । ଏହି ପ୍ରସଙ୍ଗ ଅଭିବ୍ୟକ୍ତିର ଆଜାଦି ନାମରେ ସବୁ ସୀମା ଟପିଯିବା ଅଭିନେତାଙ୍କ ପାଇଁ ଏକ ଶିକ୍ଷା ହୋଇପାରେ ।
