ହରିୟାଣାରେ ୨୦୨୫ ନଗର ନିଗମ ନିର୍ବାଚନର ଫଳାଫଳ କଂଗ୍ରେସକୁ ଶୂନ୍ୟ କରିଦେଇଛି। ଭାରତୀୟ ଜନତା ପାର୍ଟି (ବିଜେପି) ୧୦ଟି ନଗର ନିଗମରୁ ୯ଟି ଦଖଲ କରିଛି । କଂଗ୍ରେସ ସମ୍ପୂର୍ଣ୍ଣ ନିଶ୍ଚିହ୍ନ ହୋଇଯାଇଛି। କେବଳ ମାନେସରରେ ସ୍ୱାଧୀନ ପ୍ରାର୍ଥୀ ଡକ୍ଟର ଇନ୍ଦ୍ରଜିତ ଯାଦବ ଜିତିଛନ୍ତି।
ବିଜେପିର ଏହି ମହାନ ବିଜୟ ଯୋଗୁଁ ଦଳରେ ଖୁସିର ଲହରୀ ଖେଳିଯାଇଥିବା ବେଳେ କଂଗ୍ରେସକୁ ଏକ ବଡ଼ ଝଟକା ଲାଗିଛି। ହରିୟାଣା ବିଜେପି ସଭାପତି ମୋହନ ଲାଲ ବାଡୋଲି ଏବଂ ମୁଖ୍ୟମନ୍ତ୍ରୀ ନାଇବ ସିଂହ ସାଇନି ଏହାକୁ ‘ଟ୍ରିପଲ୍ ଇଞ୍ଜିନ୍ ସରକାରଙ୍କ’ ବିଜୟ ବୋଲି କହିଛନ୍ତି। ସେ କହିଛନ୍ତି ଯେ ଜନସାଧାରଣ ନାଏବ ସାଇନି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ବିକଶିତ ଭାରତ’ ଦୃଷ୍ଟିକୋଣ ଉପରେ ଆସ୍ଥା ପ୍ରକାଶ କରିଛନ୍ତି।
ପାନିପତରେ ବିଜେପିର କୋମଲ ସୈନି 1,62,075 ଭୋଟ ପାଇ କଂଗ୍ରେସର ସବିତା ଗର୍ଗଙ୍କୁ 1,23,170 ଭୋଟରେ ପରାସ୍ତ କରିଛନ୍ତି। ଗୁରୁଗ୍ରାମରେ ରାଜରାଣୀ ମାଲହୋତ୍ରା, ରୋହତକରେ ରାମ ଅବତାର ବାଲ୍ମିକି (୧,୦୨,୨୬୯ ଭୋଟ), ହିସାରରେ ପ୍ରବୀଣ ପୋପଲି (୯୬,୩୨୯ ଭୋଟ), କର୍ଣ୍ଣଲରେ ରେଣୁ ବାଲା ଗୁପ୍ତା (୮୩,୬୩୦ ଭୋଟ), ଅମ୍ବାଲାରେ ଶୈଳଜା ସଚଦେବ (୪୦,୬୨୦ ଭୋଟ), ସୋନିପତରେ ରାଜୀବ ଜୈନ (୫୭,୮୫୮ ଭୋଟ), ଫରିଦାବାଦରେ ପ୍ରବୀଣ ବାତ୍ରା ଜୋଶୀ ଏବଂ ଯମୁନା ନଗରରେ ସୁମନ ବାହାମଣୀ ବିଜୟୀ ହୋଇଛନ୍ତି।