ବାଲୁଚ ବିଦ୍ରୋହୀମାନେ କାହିଁକି ପାକିସ୍ତାନ ସେନାକୁ ବିରୋଧ କରୁଛନ୍ତି? ବାଲୁଚ ବିଦ୍ରୋହୀ ମାନେ କଣ ଚାହୁଁଛନ୍ତି । ବର୍ଷ ବର୍ଷ ଧରି ସେମାନଙ୍କ ମୂଖ୍ୟ ଦାବିଗୁଡ଼ିକ କଣ ଯାହା ପାକିସ୍ତାନ ଶୁଣୁନାହିଁ । ଏସବୁ ବିଷୟରେ ଆଲୋଚନା କରିବାର ସମୟ ଆସିଛି । ସ୍ବାଧୀନତା ପରଠାରୁ ପାକିସ୍ତାନ ଏହି ଅଂଚଳରେ ନିଜର ଅତ୍ୟାଚାର ଚଳାଇଆସିଛି । ବାଲୁଚ ଲୋକଙ୍କ ସଂସ୍କୃତି, ପରମ୍ପରାକୁ ହତାଦର କରିଛି । ସେମାନଙ୍କ ବିକାଶ ଅପେକ୍ଷା ସେମାନଙ୍କୁ ଲୁଣ୍ଠନ କରାଯାଉଥିବା ବିଦ୍ରୋହୀମାନେ କହୁଛନ୍ତି ।
ବାଲୁଚ ବିଦ୍ରୋହୀଙ୍କୁ ଅପହରଣ ପରେ ହତ୍ୟା: ବର୍ଷ ବର୍ଷ ଧରି ପାକିସ୍ତାନ ସେନା ବିଦ୍ରୋହୀମାନଙ୍କୁ ବଳପୂର୍ବକ ଅପହରଣ କରିନେଇ ହତ୍ୟା କରୁଛି । ଏନେଇ ଯେତେ ଅଭିଯୋଗ କଲେ ତାହାର ଫଳ ମିଳୁନାହିଁ ।
ସ୍ୱାଧୀନତା ଓ ସ୍ଵଶାସନ: ବାଲୁଚ ବିଦ୍ରୋହୀମାନେ ପାକିସ୍ତାନରୁ ସ୍ଵାଧୀନ ରାଷ୍ଟ୍ର ଗଠନ କରିବାକୁ ଚାହୁଁଛନ୍ତି। ଦୀର୍ଘ 75 ବର୍ଷ ହେଲା ସେମାନେ ଏଥିପାଇଁ ଆନ୍ଦୋଳନ ଚଳାଇ ଆସୁଛନ୍ତି । ସେମାନଙ୍କ ମତରେ, ବାଲୁଚସ୍ତାନକୁ ବଳପୂର୍ବକ ପାକିସ୍ତାନ ମଧ୍ୟରେ ଅନ୍ତର୍ଭୂକ୍ତ କରାଯାଇଥିଲା, ଏବଂ ଏହା ସମ୍ପୂର୍ଣ୍ଣ ଅନ୍ୟାୟ। ଆଉ ସେମାନେ ନ୍ୟାୟ ଚାହୁଁଛନ୍ତି ।
ପ୍ରାକୃତିକ ସମ୍ପଦର ନିୟନ୍ତ୍ରଣ: ବାଲୁଚସ୍ତାନ ତେଲ, ଗ୍ୟାସ, ଏବଂ ଖଣିଜ ସମ୍ପଦରେ ପ୍ରଚୁର। ବିଦ୍ରୋହୀମାନେ ଦାବି କରୁଛନ୍ତି ଯେ ପାକିସ୍ତାନ ସରକାର ଏହି ସମ୍ପଦଗୁଡ଼ିକୁ ଦୁର୍ବ୍ୟବହାର କରୁଛି, ଏବଂ ବାଲୁଚ ଲୋକମାନେ ଏହାର ଉପକାର ପାଉନାହାନ୍ତି। ସେମାନେ ଏହି ସମ୍ପତ୍ତିର ନିୟନ୍ତ୍ରଣ ନିଜେଇଁ ଚାହୁଁଛନ୍ତି।
ମାନବ ଅଧିକାର ସୁରକ୍ଷା: ବାଲୁଚ ଅଞ୍ଚଳରେ ମନ୍ଦିର, ମଦରସା, ଏବଂ ଦେଶୀୟ ଚିହ୍ନଗୁଡ଼ିକୁ ନଷ୍ଟ କରାଯାଉଛି ବୋଲି ସେମାନେ ଅଭିଯୋଗ କରୁଛନ୍ତି। ସେମାନଙ୍କ ଦାବି ରହିଛି ଯେ ପାକିସ୍ତାନୀ ସୁରକ୍ଷା ବାହିନୀ ଏଠି ଅଧିକାର ଲଂଘନ କରୁଛନ୍ତି, ମଣିଷମାନଙ୍କୁ ଗୋଟିଏ ଜେଲ ଭିତରେ ରଖାଯାଉଛି ।
ସଂସ୍କୃତି ଓ ଭାଷାର ସୁରକ୍ଷା: ସେମାନେ ଦାବି କରୁଛନ୍ତି ଯେ ପାକିସ୍ତାନୀ ଅଧିକାରୀମାନେ ବାଲୁଚ ଭାଷା ଓ ସଂସ୍କୃତିକୁ ଦମନ କରିବାକୁ ଚାହୁଁଛନ୍ତି। ଏହି ଅଞ୍ଚଳର ଆଦିବାସୀ ଓ ଆନ୍ୟ ଲୋକମାନଙ୍କୁ ତାଙ୍କର ଭାଷା ଏବଂ ପରମ୍ପରା ଅନୁଯାୟୀ ବଞ୍ଚିବାର ଅଧିକାର ଦିଆଯାଉନାହିଁ।
ସେନା ଅଭିଯାନ ବନ୍ଦ କରିବା: ବାଲୁଚ ବିଦ୍ରୋହୀମାନେ ପାକିସ୍ତାନୀ ସେନା ଦ୍ଵାରା ଚଳିତ ସେନା ଅଭିଯାନଗୁଡ଼ିକୁ ଅନ୍ୟାୟ ଏବଂ ଅତ୍ୟାଚାର ବୋଲି ବର୍ଣ୍ଣନା କରୁଛନ୍ତି। ସେମାନେ ଦାବି କରୁଛନ୍ତି ଯେ ଏହି ଅଭିଯାନ ବନ୍ଦ ହେବା ଉଚିତ୍।
ଏହି ଦାବିଗୁଡ଼ିକ ପାଇଁ ବାଲୁଚ ବିଦ୍ରୋହୀମାନେ ଏବେ ବି ସଂଘର୍ଷ କରୁଛନ୍ତି, ଏବଂ ସେମାନଙ୍କ ଉପରେ ପାକିସ୍ତାନ ସରକାର ଦ୍ଵାରା ଦମନ ଜାରି ରହିଛି।
