ଲୋକଙ୍କୁ ଭେଟୁଛନ୍ତି ଲୋକଙ୍କ ମୁଖ୍ୟମନ୍ତ୍ରୀ । ଯେଉଁ ମୂଲ୍ୟବାନ ଭୋଟ ଖଣ୍ଡେ ଦେଇ ଜନତା ତାଙ୍କୁ ନେତାରୁ ମୁଖ୍ୟମନ୍ତ୍ରୀ କରିଛନ୍ତି ସେମାନଙ୍କ ପାଖୋ ଋଣି ଥିବା ରେଖା ଗୁପ୍ତା ଦିଲ୍ଲୀର ମୁଖ୍ୟମନ୍ତ୍ରୀ ହେବା ପରେ ପ୍ରାୟ ସମୟରେ ଲୋକଙ୍କୁ ଭେଟୁଛନ୍ତି କଥା ହେଉଛନ୍ତି ସେମାନଙ୍କ ଭଲମନ୍ଦ ବୁଝୁଛନ୍ତି । ଗଣତନ୍ତ୍ରର ଲୋକ ହିଁ ସବୁକିଛି ଆଉ ଏ ଲୋକ ହିଁ ତାଙ୍କୁ ଆଜି ମୁଖ୍ୟମନ୍ତ୍ରୀ କରେଇଛନ୍ତି ତେଣୁ ଲୋକଙ୍କ ସେବା କରିବାକୁ ପଣ କରିଥିବା ରେଖା ଟିକେ ଫୁରସତ ପାଇଲେ ଜନତାଙ୍କ ସହ ଆଲୋଚନା କରୁଛନ୍ତି ।
ଦୀର୍ଘ ୨୭ ବର୍ଷ ପରେ ଦିଲ୍ଲୀରେ ବିଜେପି ସରକାର ଗଢିଥିବାରୁ ସେବାର ସୁଯୋଗ ଟିକେ ବି ହାତ ଛଡା କରୁନି । କାରଣ ଲୋକଙ୍କ କଥା ବୁଝିବାରେ ଟିକେ ଯଦି ଏପଟ ସେପଟ ହେବ ପୁଣି ସରକାରକୁ ଓଲଟାଇ ଦେବାର କ୍ଷମତା ରଖିଛନ୍ତି ଜନତା । ପୂର୍ବରୁ ମଧ୍ୟ ନିଜ ଘର ବାହାରେ ଛିଡା ହୋଇଥିବା ଲୋକଙ୍କୁ ନିଜ ବାସଭବନକୁ ଡାକି ସମସ୍ୟା ପଚାରି ବୁଝିଥିଲେ ରେଖା । ଆଉ ଲୋକ ବି ମୁଖ୍ୟମନ୍ତ୍ରୀଙ୍କୁ ପାଖରେ ପାଇ ନିଜ ସମସ୍ୟା କହିବାକୁ ଆଦୌ ହାତଛଡା କରୁ ନାହାନ୍ତି ।
