ଜାତୀୟ ଗ୍ରିନ ହାଇଡ଼୍ରୋଜେନ ମିସନ ଅଧୀନରେ ଭୁବନେଶ୍ବର କୋଣାର୍କ – ପୁରୀ ରୁଟରେ ଗଡ଼ିବ ହାଇଡ଼୍ରୋଜେନ ବସ । ଦେଶର ବିଭିନ୍ନ ରୁଟରେ ହାଇଡ଼୍ରୋଜେନ ବସ ଚାଲିବ ।
ଆସନ୍ତା ୧୮-୨୪ ମାସ ଭିତରେ ଏହି ପ୍ରକଳ୍ପଗୁଡ଼ିକ ଆରମ୍ଭ ହେବ। କେନ୍ଦ୍ର ସରକାର ପରିବହନ କ୍ଷେତ୍ରରେ ହାଇଡ୍ରୋଜେନ୍ ଇନ୍ଧନର ବାଣିଜ୍ୟିକ ବ୍ୟବହାର ପ୍ରୋତ୍ସାହିତ କରିବାକୁ ଚାହୁଛନ୍ତି।
ଦେଶର ବିଭିନ୍ନ ରୁଟରେ ହାଇଡ଼୍ରୋଜେନ ଚାଳିତ ବସ ଓ ଟ୍ରକ ଚଳାଚଳର ପରୀକ୍ଷଣ କରାଯିବ ବୋଲି କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ସେଥିପାଇଁ ଦେଶର 10 ଟି ରୁଟ ଚୟନ କରାଯାଇଛି ।
ସେହି ରୁଟରେ ଭୁବନେଶ୍ବର- କୋଣାର୍କ – ପୁରୀ ଓ ଜାମସେଦପୁର- କଳିଙ୍ଗନଗର ରୁଟ ନାମ ରହିଛି । ହାଇଡ଼୍ରୋଜେନ ଚାଳିତ ବସ ଓ ଟ୍ରକ ଚଳାଚଳ ପାଇଁ ପାଞ୍ଚଟି ପାଇଲଟ ପ୍ରକଳ୍ପ ଆରମ୍ଭ କରିବାକୁ ସରକାର ନିଷ୍ପତ୍ତି ନେଇଛନ୍ତି।
କେନ୍ଦ୍ର ଅକ୍ଷୟ ଶକ୍ତି ମନ୍ତ୍ରଣାଳୟ ଆସିଥିବା ପ୍ରସ୍ତାବଗୁଡ଼ିକୁ ଅନୁଶୀଳନ କରିବା ପରେ ପାଞ୍ଚ ପାଇଲଟ୍ ପ୍ରକଳ୍ପ ପାଇଁ ୩୯ଟି ହାଇଡ୍ରୋଜେନ୍ ଚାଳିତ ବସ୍ ଓ ଟ୍ରକ୍ ଚଳାଚଳ କରିବ । ୯ଟି ହାଇଡ୍ରୋଜେନ୍ ଇନ୍ଧନ ଷ୍ଟେସନ୍ ଖୋଲିବାକୁ ଅନୁମୋଦନ ପ୍ରଦାନ କରିଛି।
ସେଗୁଡ଼ିକ ଗ୍ରେଟର ନୋଏଡା-ଦିଲ୍ଲୀ-ଆଗ୍ରା, ଭୁବନେଶ୍ବର-କୋଣାର୍କ-ପୁରୀ, ଅହମ୍ମଦାବାଦ-ଭଭୋଦରା-ସୁରଟ, ସାହିବାବାଦ-ଫରିଦାବାଦ-ଦିଲ୍ଲୀ, ପୁଣେ-ମୁମ୍ବାଇ, ଜାମସେଦପୁର-କଳିଙ୍ଗନଗର, ଥିରୁଅନନ୍ତପୂରମ-କୋଚି, କୋଚି-ଏଡାପାଲି, ଜାମନଗର-ଅହମଦାବାଦ ଏବଂ ବିଶାଖାପାଟଣା-ବୟଭରମ୍ ରୁଟ୍ରେ ଚାଲିବ।
