ସୁପ୍ରିମକୋର୍ଟ ସୋମବାର ଏକ ଗୁରୁତ୍ୱପୂର୍ଣ୍ଣ ରାୟ ଦେଇ କହିଛନ୍ତି ଯେ ଦୃଷ୍ଟିହୀନ ବ୍ୟକ୍ତିମାନଙ୍କୁ ନ୍ୟାୟିକ ସେବାରେ ନିଯୁକ୍ତି ସୁଯୋଗରୁ ବଞ୍ଚିତ କରାଯାଇପାରିବ ନାହିଁ । ଜଷ୍ଟିସ ଜେବି ପାର୍ଦିଓ୍ବାଲ ଏବଂ ଜଷ୍ଟିସ ଆର ମହାଦେବନଙ୍କୁ ନେଇ ଗଠିତ ଖଣ୍ଡପୀଠ 6 ଟି ଆବେଦନର ଶୁଣାଣି କରି ରାୟ ସଂରକ୍ଷିତ ରଖିଥିଲେ ।
ରାୟ ଶୁଣାଇ ଜଷ୍ଟିସ ମହାଦେବନ କହିଛନ୍ତି ଯେ ଭିନ୍ନକ୍ଷମ ବ୍ୟକ୍ତିମାନେ ନ୍ୟାୟିକ ସେବା ନିଯୁକ୍ତି ପାଇଁ କୌଣସି ଭେଦଭାବର ସମ୍ମୁଖୀନ ହେବା ଉଚିତ ନୁହେଁ ଏବଂ ଏକ ସମାବେଶୀ ଢାଞ୍ଚା ସୁନିଶ୍ଚିତ କରିବା ପାଇଁ ରାଜ୍ୟ ସେମାନଙ୍କୁ ସକାରାତ୍ମକ ପଦକ୍ଷେପ ପ୍ରଦାନ କରିବା ଉଚିତ୍।
ମଧ୍ୟପ୍ରଦେଶ ନ୍ୟାୟିକ ସେବା (ନିଯୁକ୍ତି ଏବଂ ସେବା ସର୍ତ୍ତାବଳୀ) ନିୟମ, ୧୯୯୪ରେ ଥିବା ଏକ ବ୍ୟବସ୍ଥାକୁ ସୁପ୍ରିମକୋର୍ଟ ରଦ୍ଦ କରିବା ସହ ରାଜ୍ୟରେ ଦୃଷ୍ଟିହୀନ ଓ ନିମ୍ନ ଦୃଷ୍ଟିର ପ୍ରାର୍ଥୀଙ୍କୁ ନ୍ୟାୟିକ ସେବାରୁ ବଞ୍ଚିତ ନ କରିବା ସହ ଯଥେଷ୍ଟ ସମାନତା ସୁନିଶ୍ଚିତ କରିବା ଉପରେ ଗୁରୁତ୍ୱାରୋପ କରିଛନ୍ତି।
