ଶନିବାର ସିରିଆରେ ଆମେରିକା ସେନା ଏକ ବଡ଼ ଏୟାର ଷ୍ଟ୍ରାଇକ କରିଥିଲା । ଏହି ଆକ୍ରମଣରେ ଆତଙ୍କବାଦୀ ସଙ୍ଗଠନ ଅଲକାଏଦା ସହିତ ଜଡ଼ିତ ଜଣେ ବରିଷ୍ଠ ଆତଙ୍କବାଦୀ ନିହତ ହୋଇଥିଲେ । ଆମେରିକାର  କେନ୍ଦ୍ରୀୟ  କମାଣ୍ଡ ଘୋଷଣା କରିଛି ଯେ ଆମେରିକୀୟ ସେନା ଦ୍ବାରା କରାଯାଇଥିବା ଏୟାରଷ୍ଟ୍ରାଇକ ରେ ଆତଙ୍କବାଦୀ ସଂଗଠନା ନେତା ନିହତ ହୋଇଛନ୍ତି । ଆମେରିକାର କେନ୍ଦ୍ରୀୟ କମାଣ୍ଡ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପୋଷ୍ଟ କରି ଏହି ସୂଚନା ଦେଇଛି। “ଆମେରିକା କେନ୍ଦ୍ରୀୟ କମାଣ୍ଡ (CENTCOM) ବାହିନୀ ଉତ୍ତର-ପଶ୍ଚିମ ସିରିଆରେ ଏୟାରଷ୍ଟ୍ରାଇକ କରିଥିଲେ। ଏହି ବିମାନ ଆକ୍ରମଣରେ, ଅଲ-କାଏଦା-ସଂଯୁକ୍ତ ଆତଙ୍କବାଦୀ ସଂଗଠନ ହୁରାସ ଅଲ-ଦିନ ର ଜଣେ ବରିଷ୍ଠ ଆତଙ୍କବାଦୀ ନେତା ମହମ୍ମଦ ୟୁସୁଫ ଜିଆ ତଲାୟ ନିହତ ହୋଇଥିଲେ।

ଏହା ବ୍ୟତୀତ, ଆମେରିକାର କେନ୍ଦ୍ରୀୟ କମାଣ୍ଡ ଏହି ବିମାନ ଆକ୍ରମଣ ସମୟରେ ଏକ ଭିଡିଓ ଫୁଟେଜ୍ ମଧ୍ୟ ଜାରି କରିଛି। ଏହି ଭିଡିଓରେ, ଏକ କାର ଏକ ମରୁଭୂମି ଅଞ୍ଚଳ ଦେଇ ଯାଉଥିବାର ଦେଖାଯାଉଛି, ଯେଉଁଥିରେ ଡ୍ରାଇଭର ସିଟ୍ ଉପରେ ଆକ୍ରମଣ କରାଯାଇଛି। ଏହି କାରଣରୁ, କିଛି ସମୟ ପରେ ଗାଡ଼ିଟି ଅଟକିଯାଏ ଏବଂ ଏଥିରେ ଆକ୍ରମଣର ଚିହ୍ନ ଦେଖାଯାଏ। ସିରିଆରେ ହୋଇଥିବା ଏହି ଆକ୍ରମଣ ସମ୍ପର୍କରେ ଆମେରିକାର କେନ୍ଦ୍ରୀୟ କମାଣ୍ଡ କମାଣ୍ଡର ଜେନେରାଲ ମାଇକେଲ ଏରିକ୍ କୁରିଲା କହିଛନ୍ତି, “ଆମେ ଆମର ମାତୃଭୂମି, ଆମେରିକା, ଏହି ଅଞ୍ଚଳରେ ଆମର ସହଯୋଗୀ ଏବଂ ଅଂଶୀଦାର କର୍ମଚାରୀମାନଙ୍କୁ ସୁରକ୍ଷା ଦେବା ପାଇଁ ସର୍ବଦା ଆତଙ୍କବାଦୀଙ୍କ ଉପରେ ଏପରି ଆକ୍ରମଣ ଜାରି ରଖିବୁ।”