ଭୋଟର ଫଟୋ ପରିଚୟ ପତ୍ର ନମ୍ବରର ଜାଲିଆତି ବା ଏକାଧିକ ବ୍ୟବହାର ନକଲି ମତଦାନକୁ ସୂଚିତ କରି ନଥାଏ  ବୋଲି ଭାରତର ନିର୍ବାଚନ ଆୟୋଗ ସ୍ପଷ୍ଟ କରିଛନ୍ତି । ଏକାଧିକ ମତଦାତା ବା ଭୋଟରଙ୍କ ଇପିଆଇସିରେ ସମାନ ନମ୍ବର ରହିଥିବାରୁ ସେମାନଙ୍କୁ ନକଲି ଭୋଟର ବୋଲି କୁହାଯାଉଥିବାବେଳେ ଇସିଆଇ ଏହାକୁ ଖଣ୍ଡନ କରିଛନ୍ତି । ଇସିଆଇ କହିଛନ୍ତି ଯେ ଇପିଆଇସି ନମ୍ବରକୁ ନକଲି କରାଯିବା ଦ୍ବାରା ଭୋଟର ଜଣଙ୍କ ନକଲି ହୋଇ ନାଥାଏ । ଇପିଆଇସି ନମ୍ବର ସମାନ ରହିଥିବାବେଳେ ସେଥିରେ ଥିବା ଅନ୍ୟ ସବୁ ତଥ୍ୟ ଯେପରିକି ଡେମୋଗ୍ରାଫିକ୍ ତଥ୍ୟ, ବିଧାନସଭା ନିର୍ବାଚନ ମଣ୍ଡଳୀ, ମତଦାନ କେନ୍ଦ୍ର ଆଦି ଅଲଗା ରହିଥାଏ। ତେଣୁ ଏହିସବୁ ତଥ୍ୟ ଅସମାନ ଥିବା କାରଣରୁ ଭୋଟର ନକଲି ନୁହନ୍ତି। ସମାନ ପ୍ରକାର ଇପିଆଇସି ନମ୍ବର ଏକାଧିକ ଭୋଟରଙ୍କୁ ଦିଆଯାଇଥାଏ। ଡିସେଣ୍ଟ୍ରାଲାଇଜ୍‌ଡ ଆଣ୍ଡ ମାନୁଆଲ ମେକାନିଜିମ୍ କାରଣରୁ ସମାନ ପ୍ରକାର ଇପିଆଇସି ନମ୍ବର ପ୍ରଦାନ କରାଯାଉଛି। ଇପିଆଇସି ନମ୍ବର ସମାନ ରହିବା ସତ୍ତ୍ବେ ଜଣେ ଭୋଟର ନିଜର ନିର୍ଦ୍ଧାରିତ ମତଦାନ କେନ୍ଦ୍ରରେ ଭୋଟ ଦେଇପାରିବେ। କେତେକ ରାଜ୍ୟରେ ମୁଖ୍ୟ ନିର୍ବାଚନ ଅଧିକାରୀ ଏକାଧିକ ଭୋଟରଙ୍କୁ ସମାନ ପ୍ରକାର ଇପିଆଇସି ନମ୍ବର ପ୍ରଦାନ କରିବାକୁ ନେଇ ବିବାଦ ଦେଖାଯାଇଛି। ମହାରାଷ୍ଟ୍ର ବିଧାନସଭା ନିର୍ବାଚନ ସମୟରେ ଏକାଧିକ ଭୋଟରଙ୍କୁ ସମାନ ପ୍ରକାର ଇପିଆଇସି ନମ୍ବର ପ୍ରଦାନ କରାଯାଇଥିବାରୁ କଂଗ୍ରେସ ଓ ଅନ୍ୟ ବିରୋଧୀ ଦଳଗୁଡିକ ଏହା ଉପରେ ଆପତ୍ତି ଉଠାଇଛନ୍ତି। କଂଗ୍ରେସ ଅଭିଯୋଗ କରିଛି ଯେ ମହାରାଷ୍ଟ୍ରରେ ନିର୍ବାଚନ ପୂର୍ବରୁ ୫ମାସରେ ୩୯ଲକ୍ଷ ନକଲି ଭୋଟର ସୃଷ୍ଟି କରାଯାଇଥିଲା।
ଆଗାମୀ ଦିନରେ ଦେଶର ଭୋଟରଙ୍କ ଅଲଗା ଅଲଗା ଇପିଆଇସି ନମ୍ବର ବା ସ୍ବତନ୍ତ୍ର ଭୋଟର ନମ୍ବର ପ୍ରଦାନ ଦିଗରେ ପଦକ୍ଷେପ ନିଆଯାଉଛି। ଏଥିପାଇଁ ଏରୋ​‌େ​‌ନଟ୍ ପ୍ଲାଟଫର୍ମର ବିକାଶ କରାଯାଉଛି। ଏରୋନେଟ୍ ଫ୍ଲାଟଫର୍ମରେ ସମସ୍ତଙ୍କୁ ଆଇଡେଣ୍ଟିକାଲ ଭୋଟର ନମ୍ବର ପ୍ରଦାନ କରାଯିବ।