ଉତ୍ତର ପଦେଶର ବିଏସପି ସୁପ୍ରିମୋ ମାୟାବତୀ ଲକ୍ଷ୍ନୌରେ ଅଲ ଇଣ୍ଡିଆ ପଦାଧିକାରୀଙ୍କ ବୈଠକରେ ଅନେକ ବଡ଼ ନିଷ୍ପତ୍ତି ନେଇଛନ୍ତି । ସେ ତାଙ୍କ ପୁତୁରେ ଆକାଶ ଆନନ୍ଦଙ୍କୁ ସମସ୍ତ ପଦବୀରୁ ହଠାଇ ଦେଇଛନ୍ତି । ସହିଭଳି ସାନ ଭାଇ ଆନନ୍ଦ କୁମାରଙ୍କୁ ଦଳର ଜାତୀୟ ସଂଯୋଜକ କରିଛନ୍ତି । ମୋଟ ଉପରେ କହିବାକୁ ଗଲେ ସେ ତାଙ୍କ ପୁରୁରାଙ୍କଠାରୁ ତାଙ୍କ ଭାଇଙ୍କୁ ବିଶ୍ବାସ ହସ୍ତାନ୍ତର କରିଛନ୍ତି । ଆନନ୍ଦ କୁମାରଙ୍କ ସହିତ ମାୟାବତୀ ମଧ ଦଳୀୟ ନେତା ଗୌତମଙ୍କ ଉପରେ ବିଶ୍ବାସ ପ୍ରକାଶ କରିଛନ୍ତି । ରାମଜୀ ଗୌତମଙ୍କୁ ଦଳର ମୁଖ୍ୟ ସଂଯୋଜକ ଦାୟିତ୍ୱ ଦିଆଯାଇଛି। ଆନନ୍ଦ କୁମାର ଏବଂ ରାମଜୀ ଗୌତମଙ୍କୁ ସମଗ୍ର ଦେଶ ପାଇଁ ଦଳର ଜାତୀୟ ସଂଯୋଜକ ଭାବରେ ନିଯୁକ୍ତ କରିବା ପରେ, ମାୟାବତୀ ସେମାନଙ୍କର ଦାୟିତ୍ୱ ବିଷୟରେ ମଧ୍ୟ ଆଲୋଚନା କରିଥିଲେ। ମାୟାବତୀ ଆଉ ଏକ ବଡ଼ ବୟାନ ଦେଇ କହିଛନ୍ତି ଯେ ଯେପର୍ଯ୍ୟନ୍ତ ସେ ବଞ୍ଚିଛନ୍ତି ସେପର୍ଯ୍ୟନ୍ତ ତାଙ୍କର କୌଣସି ଉତ୍ତରାଧିକାରୀ ରହିବେ ନାହିଁ। ହେଲେ ଲୋକ ସଭା ନିର୍ବାଚନ ସମୟରେ ସେ ତାଙ୍କ ଭଣଜା ଆକାଶ ଆନନ୍ଦଙ୍କୁ ତାଙ୍କର ଉତ୍ତରାଧିକାରୀ ଭାବରେ ଘୋଷଣା କରିଥିଲେ।
ମାୟାବତୀ କିଛି ସମୟ ପୂର୍ବରୁ ତାଙ୍କ ସମୁଦି ଅଶୋକ ସିଦ୍ଧାର୍ଥଙ୍କୁ ଦଳରୁ ବହିଷ୍କାର କରିଥିଲେ। ସେ ବହୁ ଦିନ ଧରି ଅଶୋକ ସିଦ୍ଧାର୍ଥଙ୍କ ଉପରେ ରାଗିଥିଲେ। ତାଙ୍କୁ ଦଳରୁ ବହିଷ୍କାର କରିବାର କାରଣ ଦର୍ଶାଇ ସେ କହିଥିଲେ ଯେ ଦଳ ଏବଂ ଆନ୍ଦୋଳନର ହିତ ପାଇଁ ଏହା କରିବା ଅତ୍ୟନ୍ତ ଆବଶ୍ୟକ ଥିଲା। କାରଣ ତାଙ୍କ ବିରୁଦ୍ଧରେ ରାଜ୍ୟବ୍ୟାପୀ ଦଳକୁ ଦୁଇଟି ଗୋଷ୍ଠୀରେ ବିଭକ୍ତ କରିବାର ଅଭିଯୋଗ ଆସିଥିଲା।
