ଶିବସେନା ଉଦ୍ଧବ ଗୋଷ୍ଠୀର ପତ୍ରିକା ସାମ୍ନାରେ ଦାବି କରାଯାଇଛି ଯେ ଗତ ଫେବୃଆରୀ 22 ରେ ପୁଣେରେ ଅମିତ ଶାହ ଏବଂ ଏକନାଥ ସିନ୍ଦେଙ୍କ ମଧ୍ୟରେ ଏକ ଗୁପ୍ତ ବୈଠକ ହୋଇଥିଲା । ସାମ୍ନା ପତ୍ରିକାରେ କୁହାଯାଇଛି ଯେ ଦିଲ୍ଲୀରେ ମରାଠୀ ସାହିତ୍ୟ ସମ୍ମିଳନୀ ପାଳନ କରାଯାଇଥିଲା ଏବଂ ମହାରାଷ୍ଟ୍ରରେ ମରାଠୀ ଭାଷା ଗୌରବ ଦିବସ ପାଳନ କରାଯାଇଥିଲା କିନ୍ତୁ ଏସବୁ ଭିତରେ ମରାଠୀ ଲୋକଙ୍କ ସ୍ବାଭିମାନ ଏବଂ ଅସ୍ଥିତାର କୌଣସି ସ୍ଥାନରେ ହଜି ଯାଇଥିଲା । କାରଣ ଏବେ ମହାରାଷ୍ଟ୍ରରେ ଶାସନ ତୋର ସମ୍ପୂର୍ଣ୍ଣ ଭାବରେ ଦିଲ୍ଲୀ ହାତରେ ରହିଛି । ମହାରାଷ୍ଟ୍ର ନେତାମାନେ ଅମିତ ଶାହଙ୍କୁ ଭେଟିବା ପାଇଁ ସକାଳ ୪ଟା ପର୍ଯ୍ୟନ୍ତ ଅପେକ୍ଷା କରିଥିଲେ ।
ସାମ୍ନାରେ ଲେଖା ଯାଇଛି, “ମହାରାଷ୍ଟ୍ରରେ ମରାଠା ଅସ୍ମିତାକୁ ବାଜିରେ ଲଗାଇବାକୁ ଏକ ସୈନ୍ୟବାହୀନି ଗଠନ ହୋଇଛି । ଶିବାଜୀ ମହାରାଜ ଏବଂ ସମ୍ଭାଜୀ ମହାରାଜଙ୍କ ସମୟରେ ମଧ୍ୟ, ୱତନଦାରୀଙ୍କ ଲୋକମାନେ ବିଶ୍ୱାସଘାତ କରାଯାଉଥିଲା । ଆଜି ମଧ୍ୟ କ୍ଷମତା ଲୋଭ ପାଇଁ ଦିଲ୍ଲୀକୁ ସଲାମ କରାଯାଉଛି । ଯେତେବେଳେ ଉଦ୍ଧବ ଠାକରେଙ୍କ ବିରୁଦ୍ଧରେ ବିଦ୍ରୋହ ହୋଇଥିଲା, ଏକନାଥ ସିନ୍ଦେ କହିଥିଲେ ଯେ, ଏହା ‘ମରାଠା ସ୍ୱାଭିମାନ’ ପାଇଁ ଏକ ଲଢ଼େଇ । କିନ୍ତୁ ସେହି ସିନ୍ଦେ ଆଜି ଦିଲ୍ଲୀର ଦରବାରରେ ମୁଣ୍ଡ ନୂଆଇଁ ଠିଆ ହୋଇଛନ୍ତି ।
ଶାହଙ୍କୁ ଭେଟିବାକୁ ଅପେକ୍ଷା କିରଥିଲେ ସିନ୍ଦେ !
ସାମ୍ନା ପତ୍ରିକା ମୁତାବକ, ଏକନାଥ ଫେବୃଆରୀ ୨୨ ତାରିଖ ସକାଳ ୪ଟା ପର୍ୟ୍ୟନ୍ତ ପୁଣେର କୋରେଗାଓଁ ପାର୍କ ଅମିତ ଶାହଙ୍କ ଅପେକ୍ଷା କରିଥିଲେ । ସେଠାରେ ଥିବା ‘ୱେଷ୍ଟିନ୍’ ହୋଟେଲରେ ସିନ୍ଦେ ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ମଧ୍ୟରେ ଏକ ଗୁପ୍ତ ବୈଠକ ହୋଇଥିଲା ।
