ଆଇସିସି ଚାମ୍ପିଆନସ୍ ଟ୍ରଫି କ୍ରିକେଟ ଗ୍ରୁପ ବି ର ଶେଷ ଲିଗ ମ୍ୟାଚ ଦକ୍ଷିଣ ଆଫ୍ରିକା ଓ ଇଂଲଣ୍ଡ ମଧ୍ୟରେ ଖେଳାଯିବ । ଉକ୍ତ ମ୍ୟାଚ ଇଂଲଣ୍ଡ ପାଇଁ ସମ୍ମାନର ପ୍ରଶ୍ନ ଥିବାବେଳେ ଦକ୍ଷିଣ ଆଫ୍ରିକା ପାଇଁ ଗୁରୁତ୍ବପୂଣ୍ଣ । ଆଜି ଯଦି ସାଉଥ ଆଫ୍ରିକା ଜିତେ ତେବେ କ୍ବାଲିଫାଇ କରିବ । କମ ବ୍ୟବଧାନରେ ହାରିଲେ ବି କ୍ବାଲିଫାଇ କରିବ କାରଣ ନେଟ ରନରେଟ ଆଫଗାନିସ୍ତାନଠାରୁ ଭଲ ରହିଛି ।
ଦକ୍ଷିଣ ଆଫ୍ରିକା ଦୁଇଟି ମ୍ୟାଚରୁ ଗୋଟିଏ ବିଜୟ ଓ ଗୋଟିଏ ବାତିଲ ସହ ୩ ପଏଣ୍ଟ ପାଇଛି। ଦଳର ସେମିଫାଇନାଲ ରାସ୍ତା ଝୁଲି ରହିଛି। ଶୁକ୍ରବାର ଅଷ୍ଟ୍ରେଲିଆ ଓ ଆଫଗାନିସ୍ତାନ ମ୍ୟାଚ ବର୍ଷା ପାଇଁ ବାତିଲ ହେବା ପରେ ଉଭୟ ଦଳଙ୍କୁ ୧ ପଏଣ୍ଟ ଲେଖାଏଁ ମିଳିଛି।
ଆଫଗାନିସ୍ତାନର ପଏଣ୍ଟ ସଂଖ୍ୟା ୩କୁ ବୃଦ୍ଧି ପାଇଛି। ଗ୍ରୁପରୁ ଅଷ୍ଟ୍ରେଲିଆ ୪ ପଏଣ୍ଟ ପାଇ ସେମିଫାଇନାଲରେ ପହଞ୍ଚି ସାରିଥିବାବେଳେ ଏବେ ଆଫଗାନିସ୍ତାନ ଓ ଇଂଲଣ୍ଡର ଭାଗ୍ୟ ଝୁଲି ରହିଛି। ଦକ୍ଷିଣ ଆଫ୍ରିକା ଯଦି ଇଂଲଣ୍ଡକୁ ପରାସ୍ତ କରେ ତେବେ ସିଧାସଳଖ ସେମିଫାଇନାଲକୁ ଯିବାବେଳେ ଆଫଗାନିସ୍ତାନ ବାଦ୍ ପଡ଼ିବ। ଯଦି ଉକ୍ତ ମ୍ୟାଚରେ ଇଂଲଣ୍ଡ ବିଜୟୀ ହୁଏ ତେବେ ଦକ୍ଷିଣ ଆଫ୍ରିକା ଓ ଆଫଗାନିସ୍ତାନର ପଏଣ୍ଟ ସଂଖ୍ୟା ସମାନ ରହିବ। ଏଭଳି ସ୍ଥିତିରେ ଦୁଇ ଦଳ ମଧ୍ୟରୁ ଗୋଟିଏ ଦଳ ରନରେଟ୍ ଆଭରେଜରେ ସେମିଫାଇନାଲକୁ ଉନ୍ନୀତ ହେବ।
