ଉତ୍ତର କୋରିଆର ଏକଛାତ୍ରବାଦୀ ଶାସକ କିମ ଜୋଙ୍ଗ ଉନ କହିଛନ୍ତି ଯେ ଏକ ଆଧୁନିକ ଏବଂ ଶକ୍ତିଶାଳୀ ସେନା ବର୍ତମାନର ଆବଶ୍ୟକତା କିମ ହଠାତ ଏକ ସାମରିକ ପରିଦର୍ଶନ କରି ଏଭଳି କହିଛନ୍ତି । ସେ ଯେକୌଣସି ଯୁଦ୍ଧର ମୁକାବିଲା କରିବା ପାଇଁ ଏକ ଶକ୍ତିଶାଳୀ ଆଧୁନିକ ସନା ଗଠନ କରିବାକୁ ଆହ୍ନାନ ଦେଇଛନ୍ତି ।
ବୁଧବାର ଦିନ ରାଷ୍ଟ୍ରାୟତ୍ତ ଗଣମାଧ୍ୟମ କେସିଏନଏ ଏହି ସୂଚନା ଦେଇଛି। କିମ୍ଙ୍କ କାଙ୍ଗ କୋନ୍ ସାମରିକ ଏକାଡେମୀ ଗସ୍ତ ଏପରି ଏକ ସମୟରେ ହୋଇଛି ଯେତେବେଳେ ଉତ୍ତର କୋରିଆ ୟୁକ୍ରେନ ବିରୋଧରେ ଯୁଦ୍ଧରେ ସାହାଯ୍ୟ କରିବା ପାଇଁ ହଜାର ହଜାର ସୈନ୍ୟଙ୍କୁ ରୁଷିଆକୁ ପଠାଇଛି।
ଚଳିତ ସପ୍ତାହରେ, ସେ କିମ୍ ଇଲ୍ ସୁଙ୍ଗ ରାଜନୀତି ବିଶ୍ୱବିଦ୍ୟାଳୟ ମଧ୍ୟ ପରିଦର୍ଶନ କରିଥିଲେ। ଏହା ଦେଶର ଆଉ ଏକ କ୍ୟାଡର ତାଲିମ ପ୍ରତିଷ୍ଠାନ, ଯେଉଁଠାରେ ସେ ସାମରିକ ଭକ୍ତି ଏବଂ ତ୍ୟାଗର ଶିକ୍ଷା ଦେଇଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ଦକ୍ଷିଣ କୋରିଆର ଗୁଇନ୍ଦା ସଂସ୍ଥା କହିଛି ଯେ, କିମ୍ ଜୋଙ୍ଗ୍ ଉନ୍ଙ୍କ ସାମରିକ ୟୁନିଟ୍ ଏବଂ ତାଲିମର ଯାଞ୍ଚ ରୁଷିଆକୁ ଅତିରିକ୍ତ ସୈନ୍ୟ ପଠାଇବାର ପ୍ରସ୍ତୁତିର ଏକ ଅଂଶ ହୋଇପାରେ।
କେସିଏନଏ କହିଛି ଯେ, ସାମରିକ ଏକାଡେମୀର ଗସ୍ତ ସମୟରେ କିମ୍ ସ୍କୁଲର ଦୁର୍ବଳ ପରିଚାଳନା ଏବଂ ଶିକ୍ଷାଗତ ସୁବିଧାଗୁଡ଼ିକର ପରିଚାଳନାକୁ ସମାଲୋଚନା କରିଛନ୍ତି। ସେ କହିଛନ୍ତି ଯେ, ଏହା ଏକ ଶକ୍ତିଶାଳୀ ସାମରିକ ବାହିନୀ ଗଠନରେ ଶାସକ ଦଳର ଆଧୁନିକତା ଏବଂ ଉନ୍ନତ ଚରିତ୍ର ଖୋଜିବାକୁ ବିଫଳ ହୋଇଛି।
ଗଣମାଧ୍ୟମ କହିଛି ଯେ, କିମ୍ ଜୋଙ୍ଗ ଉନ୍ ଶିକ୍ଷାର ଉନ୍ନତି ପାଇଁ କାର୍ଯ୍ୟ ସ୍ଥିର କରିଛନ୍ତି, ସୁବିଧାଗୁଡ଼ିକର ନବୀକରଣ ଏବଂ ଅଭ୍ୟାସ କରିବା ଉପରେ ଧ୍ୟାନ ଦେଇଛନ୍ତି। ଯାହା ଦ୍ୱାରା ଛାତ୍ରଛାତ୍ରୀମାନେ ଆଧୁନିକ ଯୁଦ୍ଧର ପ୍ରକୃତ ଅଭିଜ୍ଞତା ବିଷୟରେ ଶିଖିପାରିବେ ଏବଂ ଉନ୍ନତ ଅସ୍ତ୍ରଶସ୍ତ୍ର ଏବଂ ବୈଷୟିକ ଉପକରଣରେ ଦକ୍ଷତା ହାସଲ କରିପାରିବେ।
କେସିଏନଏ ଅନୁଯାୟୀ, କିମ୍ କହିଛନ୍ତି, ବର୍ତ୍ତମାନର ଅନ୍ତର୍ଜାତୀୟ ପରିସ୍ଥିତିରେ, ସାମ୍ରାଜ୍ୟବାଦୀମାନଙ୍କର ଆକ୍ରମଣାତ୍ମକ ଏବଂ ଯୁଦ୍ଧପ୍ରିୟ ସ୍ୱଭାବ ଇତିହାସରେ ସବୁଠାରୁ ଖୋଲାଖୋଲି ଭାବରେ ପ୍ରକାଶ ପାଇଛି। ଯୁଦ୍ଧ ଏବଂ ରକ୍ତପାତ ସାଧାରଣ ହୋଇଗଲାଣି। ସଶସ୍ତ୍ର ବାହିନୀକୁ ଯୁଦ୍ଧର ସମ୍ମୁଖୀନ ହେବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ରହିବା ଆବଶ୍ୟକ।
