ପ୍ରେମ ବ୍ୟାପାରରୁ ହତ୍ୟାକାଣ୍ଡ? କିଏ ହତ୍ୟାକଲା ଜ୍ୟାତିର୍ମୟୀଙ୍କୁ ତାହା ଜଣାପଡିନାହିଁ । କୁହାଯାଉଛି ପ୍ରେମିକ ହତ୍ୟା କରିଛି । ତେବେ ପ୍ରେମ ବ୍ୟାପାରକୁ ନେଇ ଏହି ହତ୍ୟାକାଣ୍ଡ ଘଟିଛି ନା ଏହା ଭିତରେ ଆହୁରି କିଛି ଖବର ରହିଛି ତାହା ପୋଲିସ ତଦନ୍ତ ପରେ ସ୍ପଷ୍ଟ ହେବ ।
ବାଲେଶ୍ୱର ଜିଲ୍ଲାର ସୋର ଥାନା ଅନ୍ତର୍ଗତ ଲିଙ୍ଗାପଡ଼ା ଗ୍ରାମରେ ଜ୍ୟୋତିର୍ମୟୀ ରଣା (ବୟସ 25) ନାମକ ଯୁବତୀଙ୍କୁ ଏକତରଫା ପ୍ରେମରୁ ବୀଭତ୍ସ ଭାବେ ହତ୍ୟା କରାଯାଥିବା ଅଭିଯୋଗ ହୋଇଛି । ସେ ଭୁବନେଶ୍ୱରରେ ଏକ ଘରୋଇ ସଂସ୍ଥାରେ କାର୍ଯ୍ୟରତ ଥିଲେ । ଦୁଇ ମାସ ପୂର୍ବେ ଘରକୁ ଫେରିଥିଲେ। ଏହି ଘଟଣା ସୋର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ପ୍ରେମ କରୁଥିବା ଯୁବକଙ୍କୁ ଅଟକ ରଖି ପୋଲିସ ତଦନ୍ତ ଆରମ୍ଭ କରିଛି । ଯୁବକ କିଛି ସ୍ପଷ୍ଟ କରୁନଥିବାରୁ ପୋଲିସ ମଧ୍ୟ ଏହି ହତ୍ୟା ଘଟଣାର କାରଣ କହିନାହିଁ ।
ପୋଲିସ ତଦନ୍ତରୁ ଜଣାପଡ଼ିଛି ଯେ ଅଭିଯୁକ୍ତ ଜ୍ୟୋତିର୍ମୟୀଙ୍କୁ ଏକତରଫା ପ୍ରେମ କରୁଥିଲେ । ଯାହାକୁ ସେ ପ୍ରତ୍ୟାଖ୍ୟାନ କରିଥିଲେ । ମନା କରିବା ପରେ ମଧ୍ୟ ଅଭିଯୁକ୍ତ ତାଙ୍କ ପଛରେ ପଡ଼ିଥିଲା । ଘରେ କେହି ନଥିବା ସମୟରେ ଘରେ ପଶି ତଣ୍ଟି କାଟିଦେଇଥିବା ଅଭିଯୋଗ ହୋଇଛି । ଉକ୍ତ ଯୁବକ ପୂର୍ବରୁ ହଇରାଣ କରୁଥିବା ସେ ଥାନାରେ ଅଭିଯୋଗ କରିଥିଲେ । କିନ୍ତୁ ପୋଲିସ କୈାଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା ।
ଏହାର ପରିଣତିରେ, ଅଭିଯୁକ୍ତ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ଘଟଣାସ୍ଥଳରୁ ମୃତଦେହକୁ ଉଦ୍ଧାର କରି ପୋଷ୍ଟମର୍ଟେମ ପାଇଁ ପଠାଯାଇଛି ଏବଂ ଅଭିଯୁକ୍ତକୁ ପୋଲିସ ଅଟକ ରଖି ପଚରାଉଚୁରା କରୁଛି । ଘଟଣା ସମ୍ପର୍କରେ ଅଧିକ ତଥ୍ୟ ପାଇଁ ଏବେ ମଧ୍ୟ ପୋଲିସ ତଦନ୍ତ ଚାଲୁରଖିଛି ।
