ମହାୟୁତି ମେଣ୍ଟର ନେତାଙ୍କ ସୁବୁକିଛି ଠିକ ନାହିଁ ବୋଲି ବିରୋଧୀମାନେ ପ୍ରଚାର କରୁଛନ୍ତି । ତେବେ ସିନ୍ତେ କହୁଛନ୍ତି ଆମ ଯୋଡ଼ି ଫେବିକଲ ଯୋଡ । ଜମା ତୁଟିବନି । ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀଙ୍କ ମଧ୍ୟରେ ଶୀତଳ ଯୁଦ୍ଧ ଚାଲିବାକୁ ନେଇ କିଛି ଗଣମାଧ୍ୟମ ପ୍ରଚାର କରୁଛନ୍ତି । ତତ୍କାଳୀନ ସିନ୍ଦେ ସରକାରଙ୍କ ଦ୍ବାରା କରାଯାଇଥିବା 9 ଶହ କୋଟିର ଏକ ପ୍ରୋଜେକ୍ଟର ତଦନ୍ତ କରିବାକୁ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାଭିସ ନିର୍ଦ୍ଦେଶ ଦେବା ପରେ ଏହି ଚର୍ଚ୍ଚା ରାଜ୍ୟ ରାଜନୀତିରେ ଜୋରଦାର ହେଉଥିବା ବେଳେ ଚର୍ଚ୍ଚାରେ ପୂର୍ଣ୍ଣଚ୍ଛେଦ ଟାଣିବାକୁ ଫେଭିକଲ ବୟାନ ଦେଇଛନ୍ତି ସିନ୍ଦେ । ତେବେ ଏହି ଘଟଣାରେ କିଏ ଦୋଷୀ, କାରଣ କଣ ଭୂମିକା ରହିଛି ସ୍ପଷ୍ଟ ହୋଇନାହିଁ । ତେବେ ଏମିତି ଆଲୋଚନା ଭିତରେ ସିନ୍ଦେ ମଜାଦାର କଥା କହି ସମସ୍ତଙ୍କୁ ହସାଇଛନ୍ତି
ଦେବେନ୍ଦ୍ର ଫଡନାଭିସ ଏବଂ ଏକନାଥ ସିନ୍ଦେଙ୍କ ଭିତରେ ସମ୍ପର୍କ ଏକଦମ ଠିକଠାକ୍ ଅଛି ପୂରା ମଜବୁଦ ଅଛି ଏହାକୁ ପ୍ରମାଣିତ କରିବାକୁ ଫେଭିକଲ ଅଠାର ଉଦାହରଣ ଦେଇଛନ୍ତି ସିନ୍ଦେ । ଏକନାଥ କହିଛନ୍ତି, ଆମେ ଏକାଠି ହୋଇ ଏକ ଶକ୍ତିଶାଳୀ ଟିମ୍ ଭାବେ କାମ କରୁଛୁ । ଏ ସମ୍ପର୍କ, ଏ ଯୋଡି ଫେଭିକଲ ପରି, ଭାଙ୍ଗିବ ନାହିଁ । ତେବେ ସିନ୍ଦେଙ୍କ ଏହି ବୟାନ ପରେ ଯଦିଓ ଦେବେନ୍ଦ୍ର ଫଡନାଭିସଙ୍କ ସହ ତାଙ୍କ ସମ୍ପର୍କ ଠିକ୍ ଠାକ୍ ଥିବା ଅନୁମାନ କରିହେଉଛି ମାତ୍ର ସେ ଶୀତଳ ଯୁଦ୍ଧ କଥାକୁ ଆଗକୁ ନବଢାଇବାକୁ ଏପରି କହିଥାଇ ପାରନ୍ତି ବୋଲି କିଛି ରାଜନୈତିକ ସମୀକ୍ଷକମାନେ ମତ ରଖିଛନ୍ତି ।
ସେପଟେ ତତ୍କାଳୀନ ସିନ୍ଦେ ସରକାରଙ୍କ ଦ୍ବାରା କରାଯାଇଥିବା ୯ ଶହ କୋଟିର ଏକ ପ୍ରୋଜେକ୍ଟର ତଦନ୍ତ କରିବାକୁ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ନିର୍ଦ୍ଦେଶ ଦେବା ଏବଂ ନିକଟରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ରାଜ୍ୟର ତିନୋଟି ସରକାରୀ କାର୍ଯ୍ୟକ୍ରମରେ ଯୋଗ ନଦେବା ଦେବେନ୍ଦ୍ର ଫଡନାଭିସ ଏବଂ ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧ ଚାଲିଥିବା ଦର୍ଶାଉଥିଲା ।
