ଅଯୋଦ୍ଧା ରାମ ମନ୍ଦିରରେ ରାମଲାଲାଙ୍କ ପ୍ରାଣପ୍ରତିଷ୍ଠା  ପରେ ଏହି ପବିତ୍ର ସ୍ଥାନ ଲୋକଙ୍କ ପ୍ରଥମ ପସନ୍ଦ ପାଲଟିଛି । ମହାକୁମ୍ଭ ହେତୁ ପ୍ରତିଦିନ ଲକ୍ଷ ଲକ୍ଷ ଲୋକ ଦର୍ଶନ ପାଇଁ ରାମ ମନ୍ଦିରକୁ ଆସୁଛନ୍ତି । ପ୍ରାଣପ୍ରତିଷ୍ଠା ଦିନଠାରୁ ଭକ୍ତମାନେ ସେମାନଙ୍କର ପ୍ରିୟ ରାମଲାଲାଙ୍କ ପାଇଁ ହୃଦୟରୁ  ଦାନ କରୁଛନ୍ତ । ଦାନ ପାଇବା ଦୃଷ୍ଟିରେ ରାମ ମନ୍ଦିର ଦେଶର ତୃତୀୟ ବୃହତ୍ତମ ଧାର୍ମିକ ସ୍ଥାନ ପାଲଟିଛି । 22 ଜାନୁଆରୀ 2024 ରେ ଅଯୋଧ୍ୟାରେ ନୂତନ ଭାବରେ ନିର୍ମିତ ରାମ ମନ୍ଦିରରେ ରାମଲାଲାଙ୍କ ପ୍ରାଣପ୍ରତିଷ୍ଠା କରାଯାଇଥିଲା ସେବେଠାରୁ ପ୍ରାୟ 13 କୋଟି ଲୋକ ଅଯୋଧ୍ୟାକୁ ଦର୍ଶନ ପାଇଁ ଆସିଛନ୍ତି  ।

ବାର୍ଷିକ ଦାନ ଦୃଷ୍ଟିରୁ ରାମ ମନ୍ଦିର ସ୍ବର୍ଣ୍ଣ ମନ୍ଦିର, ବୈଷ୍ଣୋ ଦେବୀ ଏବଂ ସିରିଡ଼ି ସାଇ ମନ୍ଦିରକୁ ପଛରେ ପକାଇଦେଇଛି | ରାମ ମନ୍ଦିରରେ ବାର୍ଷିକ ଦାନ ୭୦୦ କୋଟି ଟଙ୍କା ଅତିକ୍ରମ କରିଛି। ଆକଳନ ଅନୁଯାୟୀ, ମହାକୁମ୍ଭର ଏକ ମାସରେ ୧୫ କୋଟିରୁ ଅଧିକ ମୂଲ୍ୟର ଦାନ ସଂଗ୍ରହ କରାଯାଇଛି | ରାମ ମନ୍ଦିର ଭକ୍ତଙ୍କ ପ୍ରଥମ ପସନ୍ଦ ପାଲଟିଛି। ଏହି କାରଣରୁ ଆଜି ଅଯୋଧ୍ୟା ରାମ ମନ୍ଦିର ଧାର୍ମିକ ଦାନ ଗ୍ରହଣ କରୁଥିବା ଭାରତର ୧୦ଟି ଗୁରୁତ୍ୱପୂର୍ଣ୍ଣ ମନ୍ଦିର ତାଲିକାରେ ତୃତୀୟ ସ୍ଥାନରେ ପହଞ୍ଚିଛି। ବର୍ତ୍ତମାନ ଅଯୋଧ୍ୟାରେ ଭକ୍ତ ଏବଂ ପର୍ଯ୍ୟଟକଙ୍କ ସଂଖ୍ୟା ଦୁଇ ରୁ ପାଞ୍ଚ ଲକ୍ଷ ମଧ୍ୟରେ ରହିଛି।

ସାଇ ଭକ୍ତମାନଙ୍କ ପାଇଁ ସିରିଡ଼ି ସାଇ ମନ୍ଦିର ହେଉଛି ଭାରତର ମୁଖ୍ୟ ସ୍ଥାନ | ଏକ ରିପୋର୍ଟ ଅନୁଯାୟୀ, ସିରିଡ଼ିରେ ବାର୍ଷିକ ଦାନ ପ୍ରାୟ ୪୦୦-୪୫୦ କୋଟି ଟଙ୍କା ହୋଇଥିବାବେଳେ ବୈଷ୍ଣୋ ଦେବୀ ମନ୍ଦିରକୁ ବାର୍ଷିକ ଦାନ ପ୍ରାୟ ୪୦୦ କୋଟି ଟଙ୍କା ମିଳିଥାଏ |