ଓପନ ଏଆଇର ପ୍ରତିଷ୍ଠାତା ସାମ ଅଲଟମନ ଓ ଟେସଲାର ସିଇଓ ଏଲନ ମସ୍କଙ୍କ ମଧ୍ୟରେ ବିବାଦ ଥମିବାର ନାଁ ଧରୁନାହିଁ । ସେମାନଙ୍କ ମଧ୍ୟରେ ପ୍ରତିଦ୍ବନ୍ଦିତା ବୃଦ୍ଧି ପାଇବାରେ ଲାଗିଛି ।
ଅଲ୍ଟମ୍ୟାନ ତାଙ୍କର ସଦ୍ୟତମ ମନ୍ତବ୍ୟରେ ମସ୍କଙ୍କୁ ଅସୁରକ୍ଷିତ ବ୍ୟକ୍ତି ବୋଲି କହିଛନ୍ତି । ପ୍ୟାରିସରେ ଅନୁଷ୍ଠିତ ଏଆଇ ଶିଖର ସମ୍ମିଳନୀ ଅବସରରେ ଅଲ୍ଟମ୍ୟାନ କହିଛନ୍ତି ଯେ ଯଦି ମସ୍କ ପ୍ରତିଯୋଗିତା କରିବାକୁ ଚାହାଁନ୍ତି ତେବେ ସେ ପାଗଳାମୀ କରିବା ପରିବର୍ତେ ଏକ ଭଲ ଉତ୍ପାଦ ନିର୍ମାଣ କରିବା ଉଚିତ।
ଅଲ୍ଟମ୍ୟାନ୍ ପୁନରାବୃତ୍ତି କରିଥିଲେ ଯେ ଓପନ ଏଆଇକୁ ସେ କେବେ ବି ବିକ୍ରି କରିବେ ନାହିଁ। ସେ ଆହୁରି ବି କହିଛନ୍ତି ଯେ ମୁଁ ଭାବୁନାହିଁ ଯେ ସେ ଜଣେ ସୁଖୀ ବ୍ୟକ୍ତି ବୋଲି।
ପୂର୍ବରୁ ‘ଓପନ୍ ଏଆଇ’କୁ ନେଇ ମାମଲା ରୁଜୁ କରିବା ପରେ ଏବେ ଟେସ୍ଲାର ସିଇଓ ଏଲନ୍ ମସ୍କ ଏହାକୁ କିଣିବାକୁ ମନ ସ୍ଥିର କରିଛନ୍ତି। ସାମ୍ପ୍ରତିକ ରିପୋର୍ଟରୁ ଜଣାପଡିଛି ଯେ ମସ୍କଙ୍କ ଏକ ନିବେସକ ଦଳ ୯୭ ବିଲିୟନ୍ ଡଲାର ବଦଳରେ ‘ଓପନ୍ ଏଆଇ’କୁ କିଣିବାକୁ ତାହାର ମାଲିକ ସାମ୍ ଅଲ୍ଟମ୍ୟାନଙ୍କୁ ପ୍ରସ୍ତାବ ଦେଇଥିଲେ।
