27 ବର୍ଷ ପରେ ଦିଲ୍ଲୀରେ ବିଜେପି କ୍ଷମତାକୁ ଫେରିଛି । ଦିଲ୍ଲୀବାସୀ ବିଜେପିକୁ ଭୋଟ ଦେଇ ସରକାର ବଦଳାଇଛନ୍ତି । ଏବେ ବିଜେପିର ଟାର୍ଗେଟ ମମତା ବାନାର୍ଜୀ । ପଶ୍ଚିମବଙ୍ଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ସରକାରଙ୍କୁ ଭାଙ୍ଗି ବିଜେପି ସରକାର ଗଢ଼ିବା ବିଜେପିର ବଡ଼ ଟାର୍ଗେଟ ରହିଛି ।
ଅରବିନ୍ଦ କେଜ୍ରିଓ୍ବାଲ ପରେ ମମତା ଙ୍କ ସରକାରଙ୍କୁ କ୍ଷମତାଚ୍ୟୁତ କରିବା ପାଇଁ ମୋଦି-ଶାହ ରଣନୀତି କରିଥିବା ଚର୍ଚା ହେଉଛି । ପଶ୍ଚିମବଙ୍ଗରେ ମମତା ବାନାର୍ଜୀଙ୍କୁ ଟକ୍କର ଦେଉଛି ବିଜେପି । ଗତ ନିର୍ବାଚନରେ ବିଜେପି ଆଶାତୀତ ସଫଳତା ପାଇଥିଲା । ଆସନ୍ତାବର୍ଷ ମମତାଙ୍କ ସହ ଲଢ଼ିବା ପାଇଁ ରୋଡମ୍ୟାପ କରୁଛି ବିଜେପି ।
ପଶ୍ଚିମବଙ୍ଗର ବିଜେପି ନେତା ଏବଂ ରାଜ୍ୟ ବିଧାନସଭାରେ ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀ ଦିଲ୍ଲୀ ନିର୍ବାଚନ ଫଳାଫଳ ଦେଖିବା ପରେ କହିଥିଲେ ଯେ, ଦିଲ୍ଲୀର ବିଜୟ ଆମର, ୨୦୨୬ରେ ପଶ୍ଚିମବଙ୍ଗର ପାଳି ଆସିବ।
କେଜ୍ରିୱାଲ ପ୍ରଥମ ଥର ପାଇଁ ନୂଆ ଦିଲ୍ଲୀ ଆସନରେ ବିଜେପି ଦ୍ୱାରା ପରାସ୍ତ ହୋଇଛନ୍ତି, ମମତା ୨୦୨୧ ମସିହାରେ ପଶ୍ଚିମବଙ୍ଗର ନନ୍ଦିଗ୍ରାମ ଆସନରେ ପରାସ୍ତ ହୋଇସାରିଛନ୍ତି, ଏବେ କେବଳ ତାଙ୍କ ସରକାରଙ୍କ ପତନ ହେବା ଲକ୍ଷ୍ୟ ରଖିଛି ବିଜେପି
ଅରବିନ୍ଦ କେଜ୍ରିୱାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ରାଜନୈତିକ ସ୍ଥିତିକୁ ଚ୍ୟାଲେଞ୍ଜ କରିବାକୁ ଚେଷ୍ଟା କରୁଥିବାରୁ ଦିଲ୍ଲୀବାସୀ ତାଙ୍କୁ ହରାଇଛନ୍ତି । ଏବେ କେବଳ ମମତା ବାକି ଅଛନ୍ତି, ଯିଏ ପ୍ରଧାନମନ୍ତ୍ରୀ ମୋଦୀଙ୍କ ସିଧା ଚ୍ୟାଲେଞ୍ଜ କରୁଛନ୍ତି । ବିଜେପିର ପୂର୍ବବର୍ତ୍ତୀ ଦଳ ଭାରତୀୟ ଜନସଂଘର ପ୍ରତିଷ୍ଠାତା ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀଙ୍କ ଜନ୍ମସ୍ଥାନ । ତେଣୁ ଏଠାରେ ବିଜେପି କିପରିି ସରକାର ଗଠନ କରିବ ତାହା ବଡ଼ ପ୍ରଶ୍ନ ହୋଇଛି ।
ଦିଲ୍ଲୀଭଳି ଦୁର୍ନୀତି, ପ୍ରଶାସନିକ ବିଫଳତା ଏବଂ କଥିତ କୁଶାସନ ପ୍ରସଙ୍ଗ ପଶ୍ଚିମବଂଗରେ ବି ଉଠାଇବ ବିଜେପି । ଆଇନ ଶୃଙ୍ଖଳା ପ୍ରସଙ୍ଗ ଉଠାଇ ମମତାଙ୍କୁ ହରାଇବ ବିଜେପି । ପଶ୍ଚିମବଙ୍ଗରେ ହିନ୍ଦୁତ୍ୱ ରାଜନୀତି ବିଜେପିକୁ ଅଧିକ ଫାଇଦା ଦେଇଛି ।
ଶିକ୍ଷକ ନିଯୁକ୍ତି ଦୁର୍ନୀତି, ନାରଦା-ଶାରଦା ଦୁର୍ନୀତି ଏବଂ ଅନ୍ୟାନ୍ୟ ଦୁର୍ନୀତି ମାମଲାକୁ ନେଇ ମମତାଙ୍କୁ ହରାଇବାକୁ ଲକ୍ଷ୍ୟ ରଖିଛନ୍ତି ମୋଦି-ଶାହଙ୍କ ଟିମ୍ ।
