ହାରିଲା ଆପ । ଜିତିଲା ବିଜେପି । ଏବେ ଆପ କରିଥିବା ଭୁଲକୁ ସଜାଡିବ ବିଜେପି । କିଛି ଦରକାରୀ କାଗଜପତ୍ର ଚୋରି ହେବାର ସଂଭାବନା ରହିଛି । ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭାରେ ବିଜେପି ୪୮ ଆସନ ହାସଲ କରି ସରକାର ଗଢ଼ିବାକୁ ଯାଉଛି। ସୁରକ୍ଷା ଦୃଷ୍ଟିରୁ ଏବଂ ରେକର୍ଡର ସୁରକ୍ଷାକୁ ଦୃଷ୍ଟିରେ ରଖି ପ୍ରଶାସନିକ ବିଭାଗର ବିନା ଅନୁମତିରେ କୌଣସି ଫାଇଲ/ଦସ୍ତାବିଜ, କମ୍ପ୍ୟୁଟର ହାର୍ଡୱେର ଇତ୍ୟାଦିକୁ ଦିଲ୍ଲୀ ସଚିବାଳୟ ପରିସରରୁ ସ୍ଥାନାନ୍ତର ନ କରିବାକୁ ଅନୁରୋଧ କରାଯାଇଛି।
ଇତିମଧ୍ୟରେ ପ୍ରଶାସନ ଏକ ବଡ଼ ନିଷ୍ପତ୍ତି ନେଇଛି। ସରକାରୀ କାଗଜପତ୍ର ଓ ତଥ୍ୟର ସୁରକ୍ଷାକୁ ଦୃଷ୍ଟିରେ ରଖି ଅଧିକାରୀମାନେ ତୁରନ୍ତ ଯଥୋଚିତ ପଦକ୍ଷେପ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି। ଯୁଗ୍ମ ସଚିବ ଏହି ନିର୍ଦ୍ଦେଶ ନାମା ଜାରି କରିଛନ୍ତି।
ଶୀର୍ଷ ଅଧିକାରୀମାନେ ଦିଲ୍ଲୀ ସଚିବାଳୟରେ ପହଞ୍ଚି ବିଭିନ୍ନ ଫାଇଲ ଓ ହାର୍ଡଡିସ୍କ୍ର ସୁରକ୍ଷା ସୁନିଶ୍ଚିତ କରିଥିବା ଜଣାପଡ଼ିଛି। ସରକାରୀ ଦସ୍ତାବିଜ ଏବଂ ଡାଟା ସୁରକ୍ଷା ପାଇଁ ଯୁଗ୍ମ ସଚିବ ପ୍ରଦୀପ ତାୟାଲ ଅଧିକାରୀମାନଙ୍କୁ ଆଜି ଅପରାହ୍ନ ତୁରନ୍ତ ଦିଲ୍ଲୀ ସଚିବାଳୟରେ ପହଞ୍ଚିବାକୁ ନିର୍ଦ୍ଦେଶ ଦେବା ଚର୍ଚ୍ଚାର ବିଷୟ ହୋଇଥିଲା।
