ଦିଲ୍ଲୀ ବଧାନସଭା ନିର୍ବାଚନ ହାରିଗଲେ ଅରବିନ୍ଦ କେଜ୍ରିଓ୍ବାଲ । ଆପକୁ ଡ଼ବଲ ଝଟକା , ଦିଲ୍ଲୀ ସିଟରୁ ପରାଜୟ ବରଣ କରିଛନ୍ତି ଅରବିନ୍ଦ କେଜ୍ରିଓ୍ବାଲ । ହେଲା ଏଠି ପ୍ରଶ୍ନ ଉଠୁଛି କାହଁକି ଆପ ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲକୁ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ  ସୋରେନଙ୍କ ପରି ଦିଲ୍ଲୀବାସୀଙ୍କ ସହାନୁଭୂତି କାହିଁକି ମିଳିଲାନି । ଉଭୟଙ୍କ ପରିସ୍ଥିତି ସମାନ ଥିଲା । ଦୁଇ ଜଣ ହିଁ ମୁଖ୍ୟମନ୍ତ୍ରୀ ଥିବା ସମୟରେ ଜେଲ ଯାଇଥିଲେ ଏବଂ ତା ପରେ ଜେଲରୁ ବାହାରି ଆସିଥିଲେ । ହେଲେ କେଜ୍ରିଓ୍ବାଲଙ୍କ ପ୍ରତି ଦିଲ୍ଲୀବାସୀଙ୍କ ସହାନୁଭୂତି ଫ୍ରତିଫଳିତ ହେଲାନାହିଁ । ତେବେ ଜାଣନ୍ତୁ ତାଙ୍କ ପରାଜୟର କାରଣ  ।

ଭିତ୍ତିହୀନ ଆରୋପ ଓ ମିଥ୍ୟାରେ କ୍ରୋଧିତ ହୋଇପଡୁଥିଲେ କେଜ୍ରିୱାଲଙ୍କ ସମର୍ଥକ । ଅରବିନ୍ଦ କେଜ୍ରିୱାଲ ନିଜ ବିରୋଧୀମାନଙ୍କ ଉପରେ କିଛି ବି ଆରୋପ ଲଗାଇଥିଲେ । ବହୁତଥର ଏଥିପାଇଁ ତାଙ୍କୁ କ୍ଷମା ମଧ୍ୟ ମାଗିବାକୁ ପଡିଛି । ଯାହାଦ୍ୱାରା କି ସମସ୍ତଙ୍କ ସାମ୍ନାରେ ତାଙ୍କର ପ୍ରତିଛବି ଏପରି ଜଣେ ନେତାର ହୋଇ ରହିଲା ଯେ ଯାହାଙ୍କ କଥା ଉପରେ ବିଶ୍ୱାସ କରାଯାଇପାରିବ ନାହିଁ ।

ବ୍ୟାକ୍ ଫୁଟକୁ ନେଲା ବିଳାସପୂର୍ଣ୍ଣ ଜୀବନ । ରାଜନୀତିରେ ଆସିବା ପୂର୍ବରୁ ଅରବିନ୍ଦ କେଜରିୱାଲ କହିଥିଲେ ଯେ ଭିଭିଆଇପି ଧାରାକୁ ସମାପ୍ତ କରିବେ । ସେ ଗାଡ଼ି, ବଙ୍ଗଳା ଏବଂ ସୁରକ୍ଷା ନେବାକୁ ମଧ୍ୟ ମନା କରିଥିଲେ କିନ୍ତୁ ସତ୍ତାକୁ ଆସିବା ପରେ କେବଳ ବିଳାସପୂର୍ଣ୍ଣ ଗାଡି କରିନଥିଲେ ବରଂ କେନ୍ଦ୍ରଠାରୁ Z ପ୍ଲସ୍ ସୁରକ୍ଷା ପାଇବା ସତ୍ତ୍ୱେ ସେ ପଞ୍ଜାବ ସରକାରଙ୍କଠାରୁ ମଧ୍ୟ ସର୍ବୋଚ୍ଚ ସୁରକ୍ଷା ନେଇଥିଲେ ।

କଂଗ୍ରେସର ଓ ଆପର ବିଭାଜନ ବି ବଡ କାରଣ । ଦିଲ୍ଲୀରେ ଆମ ଆଦମୀ ପାର୍ଟି ଏବଂ କଂଗ୍ରେସ ଏକାଠି ହୋଇପାରିଲେ ନାହିଁ । ଯେତେବେଳେ ଉଭୟ ଦଳ ଅଲଗା ଭାବରେ ଲଢ଼ିବାର ଫଳାଫଳ ହରିୟାଣା ବିଧାନସଭା ନିର୍ବାଚନରେ ଦେଖିସାରିଥିଲେ । ତଥାପି ନବୁଝି ନିଜ ନିଜ ଭିତରେ ଲଢିଥିଲେ ଆପ୍ ଓ କଂଗ୍ରେସ ।

ଦେଇଥିବା ପ୍ରତିଶୃତି ରଖିପାରିଲେନି ଯାହା ହାରିବାର କାରଣ । ଦିଲ୍ଲୀରେ ଅରବିନ୍ଦ କେଜ୍ରିୱାଲ ନିର୍ବାଚନ ପରେ ମହିଳାମାନଙ୍କୁ ଆର୍ଥିକ ଯୋଜନାରେ ୨୧୦୦ ଟଙ୍କା ଦେବା କଥା କହିଥିଲେ ହେଲେ ଲାଗୁ କରିପାରିନଥିଲେ । ଜନସାଧାରଣରେ ଏହା ଚର୍ଚ୍ଚା ମଧ୍ୟ ହେବାରେ ଲାଗିଲା କି ଏଥର ଯାହା କରିପାରିଲେନି ସିଏମ ହେଲା ପରେ କିପରି କରିବେ ? ଦିଲ୍ଲୀ ସରକାର ଯଦି ମହିଳାମାନଙ୍କ ପାଇଁ ନିଶ୍ଚିତ ଆର୍ଥିକ ସହାୟତା ଯୋଜନା ଲାଗୁ କରିଦେଇଥାଆନ୍ତେ ତେବେ ହୁଏତ ଏ ଦିନ ଆପ ଦେଖିନଥାନ୍ତା । ଦିଲ୍ଲୀରେ ମଇଳା ପାଣି ଯୋଗାଣ ବି ଅନ୍ୟତମ କାରଣ ବୋଲି କୁହାଯାଇପାରେ ।