ଜାନୁଆରୀ ମାସରେ ଟାଣ ଖରା । ସାରା ବିଶ୍ବରେ ଏହି ମାସ ରେକର୍ଡ ଖରା ହେଉଛି । ୟୁରୋପୀୟ ସଂଘର ପୃଥିବୀ ପର୍ଯ୍ୟବେକ୍ଷଣ କାର୍ଯ୍ୟକ୍ରମ କୋପରନିକସ ଜଳବାୟୁ ପରିବର୍ତନ ସେବା ଏଭଳି କହିଛି ।

୨୦୨୪ ଫେବ୍ରୁଆରିରୁ ୨୦୨୫ଜାନୁଆରି ଅବଧି ୧୯୯୧-୨୦୨୦ ହାରାହାରିଠାରୁ ୦.୭୩ ଡିଗ୍ରି ଏବଂ ପ୍ରାକ୍-ଶିଳ୍ପ ସ୍ତରଠାରୁ ୧.୬୧ ଡିଗ୍ରି ସେଲସିୟସ ଅଧିକ ଗରମ ଥିଲା।

2025 ଜାନୁଆରୀ ହେଉଛି ଆଉ ଏକ ଆଶ୍ଚର୍ଯ୍ୟଜନକ ମାସ , ଯାହା ଗ୍ରୀଷ୍ମମଣ୍ଡଳୀୟ ପ୍ରଶାନ୍ତ ମହାସାଗରରେ ଲା ନିନା ସ୍ଥିତିର ବିକାଶ ଏବଂ ବିଶ୍ବ ତାପମାତ୍ରା ଉପରେ ଏହାର ସମାୟିକ ଶୀତଳ ପ୍ରଭାବ ସତ୍ତ୍ବେ ଗତ ଦୁଇ ବର୍ଷ ମଧ୍ୟରେ ଦେଖଯାଇଥିବା ରେକର୍ଡ଼ ତାପମାତ୍ରା ଜାରି ରଖିଛି ।

କୋପରନିକସ 2025 ସମୁନ୍ଦ୍ରର ତାପମାତ୍ରା ଓ ଜଳବାୟୁ ପ୍ରଭାବ ଉପରେ ତୀକ୍ଷ୍ମ ନଜର ରଖିବା ବୋଲି ୟୁରୋପୀୟ ମଧ୍ୟମ ଦୂରତା ପାଣିପାଗ ପୁର୍ବାନୁମାନ କେନ୍ଦ୍ର ଷ୍ଟ୍ରାଟେଜିକ ଜଳବାୟୁ ମୁଖ୍ୟ ସାମନ୍ଥା ବର୍ଗେସ କହିଛନ୍ତି ।

ଭାରତରେ ଏଲ୍ ନିନୋ ଏକ ଦାରୁଣ ଗ୍ରୀଷ୍ମ ଓ ଦୁର୍ବଳ ମୌସୁମୀ ସହିତ ଜଡ଼ିତ ଏବଂ ଲା ନିନା ଏକ ଶକ୍ତିଶାଳୀ ମୌସୁମୀ, ହାରାହାରିଠାରୁ ଅଧିକ ବର୍ଷା ଓ ଥଣ୍ଡା ପବନ ସହ ଜଡିତ।

୨୦୨୫ ଜାନୁଆରିରେ ୟୁରୋପର ହାରାହାରି ତାପମାତ୍ରା ୧.୮୦ ଡିଗ୍ରି ସେଲସିୟସ ଅଧିକ ଥିଲା, ଯାହାକି ୧୯୯୧-୨୦୨୦ ମଧ୍ୟରେ ଜାନୁଆରି ମାସର ହାରାହାରି ତାପମାତ୍ରାଠାରୁ ୨.୫୧ ଡିଗ୍ରି ସେଲସିୟସ ଅଧିକ।