ଆମେରିକା ରାଷ୍ଟ୍ରପତି ଏବେ ଚର୍ଚାରେ । ତାଙ୍କର ନିଷ୍ପତ୍ତିକୁ ନେଇ ବିଶ୍ବନେତାମାନେ ଭୟଭୀତ । ଚାଇନା, କାନାଡା, ମେକ୍ସିକୋ ଉପରେ ଟ୍ୟାକ୍ସ ଲଗାଇବା ପରେ ଏବେ ସେ ବଡ଼ ବୟାନ ଦେଇଛନ୍ତି । ଗାଜାକୁ ଆମେରିକା ଦଖଲ କରିବ ବୋଲି କହିଛନ୍ତି ଡ଼ୋନାଲ୍ଟ ଟ୍ରମ୍ପ । ତେବେ ହମାସ ଏହି ଘୋଷଣାକୁ ନେଇ ଅସନ୍ତୋଷ ପ୍ରକାଶ କରିଛି । ଏହାର ଅର୍ଥକୁ ନେଇ ସାରା ବିଶ୍ବରେ ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳୁଛି । ମଧ୍ୟପ୍ରାଚ୍ୟ ଦେଶମାନେ ଏହାକୁ ବିରୋଧ କରୁଥିବା ବେଳେ ଆମେରିକାର ବନ୍ଧୁ ରାଷ୍ଟ୍ରମାନେ ଏହାକୁ ସମର୍ଥନ କରୁଛନ୍ତି । ଭାରତ ପକ୍ଷରୁ କିଛି ମତ ପ୍ରକାଶ ପାଇନାହିଁ ।
ଟ୍ରମ୍ପ କହିଛନ୍ତି ଗାଜାବାସୀଙ୍କୁ ଅନ୍ୟତ୍ର ଥଇଥାନ କରାଯିବା ପରେ ତାଙ୍କ ଦେଶ ଯୁଦ୍ଧଗ୍ରସ୍ତ ପାଲେଷ୍ଟାଇନ ଅଞ୍ଚଳ ଗାଜା ଷ୍ଟି୍ପକୁ ନିଜ ଅକ୍ତିଆରକୁ ନେବ । ଏହାର ବିକାଶ କରିବ ଓ ଏହାର ମାଲିବ ହେବ ।
ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ଓ ନେତାନ୍ୟାହୁଙ୍କ ସହ ଏକ ମିଳିତ ସାମ୍ବାଦିକ ସମ୍ମିଳନୀରେ ଆମେରିକା ରାଷ୍ଟ୍ରପତି କହିଛନ୍ତି ଗାଜା ଉପରେ ଆମେରିକାର ଅଧିକାର ରହିଛି ।
ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ କହିଛନ୍ତି ଯେ ରିପବ୍ଳିକାନ ନେତାଙ୍କ ଚିନ୍ତାଧାରା ଇତିହାସକୁ ବଦଳାଇ ଦେଇପାରେ ଏବଂ ଟ୍ରମ୍ପ ଗାଜା ପାଇଁ ଏକ ଭିନ୍ନ ଭବିଷ୍ୟତର ପରିକଳ୍ପନା କରିଛନ୍ତି ।
ଇସ୍ରାଏଲ ଓ ପାଲେଷ୍ଟାଇନ ଆତଙ୍କବାଦୀ ସଂଗଠନ ହମାସ ଉପରେ କଠୋର ହେବାକୁ ଯାଉଛନ୍ତି ଟ୍ରମ୍ପ । ଇସ୍ରାଏଲ ବୋମାମାଡ଼ ଯୋଗୁଁ ଏହି ଷ୍ଟ୍ରିପ୍ରେ ଥିବା ପ୍ରାୟ ସମସ୍ତ କୋଠା ନଷ୍ଟ ହୋଇଯାଇଛି ।
ଗାଜାରେ ରହୁଥିବା ଲକ୍ଷ ଲକ୍ଷ ଲୋକ ବିସ୍ଥାପିତ ହୋଇଛନ୍ତି। ଗାଜାର ଜନସଂଖ୍ୟା ପ୍ରାୟ 20 ଲକ୍ଷ ଥିଲା । ଟ୍ରମ୍ପ କହିଛନ୍ତି ଭବିଷ୍ୟତରେ ମଧ୍ୟପ୍ରାଚ୍ୟ ଗସ୍ତ ସମୟରେ ସେ ଗାଜା, ଇସ୍ରାଏଲ ଓ ସାଉଦି ଆରବ ଗସ୍ତ କରିବାକୁ ଯୋଜନା କରିଛନ୍ତି।
