ମୌନୀ ଅମାବାସ୍ୟା ଦିନ ପ୍ରୟାଗରାଜ ମହାକୁମ୍ଭରେ ଦଳାଚକଟା ଉପରେ ଦାୟର ପିଆଇଏଲର ଶୁଣାଣି କରିବାକୁ ସୁପ୍ରିମକୋର୍ଟ ମନା କରିଦେଇଛନ୍ତି। କୋର୍ଟ ଆବେଦନର ବିଚାର କରିଥିଲେ ଏବଂ ଏହାକୁ ଦାଖଲ କରିଥିବା ଓକିଲ ବିଶାଳ ତିୱାରୀଙ୍କୁ ଆହ୍ଲାବାଦ ହାଇକୋର୍ଟକୁ ଯିବାକୁ କହିଥିଲେ। ହାଇକୋର୍ଟରେ ପ୍ରଥମେ ମାମଲା କରିବା ପରେ ସୁପ୍ରିମକୋର୍ଟ ଆସିବା ପାଇଁ କହିଛନ୍ତି ସର୍ବୋଚ୍ଚ କୋର୍ଟ।
ଆବେଦନରେ ଓକିଲ ବିଶାଲ ତିୱାରୀ ୟୁପି ସରକାରଙ୍କ ଅଧିକାରୀଙ୍କ ବିରୁଦ୍ଧରେ କାର‌୍ୟ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିଲେ। ସୁପ୍ରିମକୋର୍ଟ କହିଛନ୍ତି ଯେ ଏହି ମାମଲାରେ ଏକ ନ୍ୟାୟିକ କମିଶନ ଗଠନ ହୋଇସାରିଛି ଯାହା ତଦନ୍ତ କରୁଛି। କୋର୍ଟ ଆବେଦନ ପ୍ରତ୍ୟାହାର କରିବାକୁ ଏବଂ ଆବେଦନକାରୀଙ୍କୁ ହାଇକୋର୍ଟର ଦ୍ୱାରସ୍ଥ ହେବାକୁ ଅନୁମତି ଦେଇଥିଲେ।
ସୁପ୍ରିମକୋର୍ଟରେ ଶୁଣାଣି ସମୟରେ, ୟୁପି ସରକାର ସୂଚନା ଦେଇଥିଲେ ଯେ ଆହ୍ଲାବାଦ ହାଇକୋର୍ଟରେ ମଧ୍ୟ ସମାନ ଆବେଦନ ଦାଖଲ କରାଯାଇଛି। ସୂଚନାଯୋଗ୍ୟ ଯେ ଜାନୁଆରୀ ୨୯, ୨୦୨୫ରେ ପ୍ରୟାଗରାଜରେ ହୋଇଥିବା ଦଳାଚକଟାରେ ୩୦ ଜଣ ଭକ୍ତଙ୍କ ମୃତ୍ୟୁ ଘଟିଥିବା ବେଳେ ୬୦ ଜଣ ଆହତ ହୋଇଥିଲେ।