ଦିଲ୍ଲୀରେ ବିଧାନସଭା ନିର୍ବାଚନ ହେବାକୁ ଯାଉଛି । ଫେବୃଆରୀ 5 ତାରିଖରେ ମତଦାନ ହେବ ଏବଂ ଫବୃଆରୀ 8 ତାରିଖରେ ନିର୍ବାଚନ ଫଳାଫଳ ଘୋଷଣା କରାଯିବ । ଏହି ସମୟରେ ଆମ ଆଦମୀ ପାର୍ଟି ମୁଖ୍ୟ ଏବଂ ଦିଲ୍ଲୀର ପୁର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ ଏକ ଭିଡ଼ିଓ ବାର୍ତା ଜାରି କରି ବିଜେପି ସମର୍ଥକମାନଙ୍କୁ ସମ୍ବାଧିତ କରିଛନ୍ତି । ଭିଡ଼ିଓ ଜାରି କରି ସେ କହିଛନ୍ତି କିଛି ଦିନ ପୂର୍ବ ମୁଁ ଜଣେ ବିଜେପି ସମର୍ଥକଙ୍କୁ ଭେଟିଥିଲି ସେ ଅରବିନ୍ଦ ଜୀଙ୍କୁ ପଚାରିଥିଲେ ଯଦି ଆପଣ ହାରିଯାଆନ୍ତି ତେବେ କଣ ହେବ । ମୁଁ ମଧ୍ୟ ହସି ହସି ପଚାରିଥିଲି ସେ ଯଦି ମୁଁ ହାରିଯାଏ ତେବେ ଆପଣଙ୍କର କଶ ହେବ । ମୁଁ ତାଙ୍କୁ ପଚାରିଲି ତାଙ୍କୁ ପିଲାମାନେ ପଢିବାକୁ କେଉଁଠିକି ଯାଆନ୍ତି  । ସେ କହିଲେ ସରକାରୀ ସ୍କୁଲକୁ କାରଣ ଏବେ ସ୍କୁଲଗୁଡ଼ିକ ଭଲ ଏବଂ ଶିକ୍ଷକମାନେ ମଧ୍ୟ ଭଲ ।

ସେ ଆହୁରି କହିଛନ୍ତି, “ମୁଁ ସେତେବେଳେ ପଚାରିଥିଲି ଯେ କେଉଁ ବିଜେପି ଶାସିତ ରାଜ୍ୟରେ ଆମଠାରୁ ଭଲ ସ୍କୁଲ ଅଛି, ସେ କହିଲେ – କୌଣସି ରାଜ୍ୟରେ ନାହିଁ। ମୁଁ କହିଥିଲି ଯେ ଯଦି ମୁଁ ଏହି ନିର୍ବାଚନରେ ​​ହାରିଯାଏ ତେବେ ମାଗଣା ବିଦ୍ୟୁତ୍, ମାଗଣା ପାଣି, ମାଗଣା ସ୍ୱାସ୍ଥ୍ୟସେବା, ମହିଳାଙ୍କ ପାଇଁ ବସଯାତ୍ରା ଏବଂ ଭଲ ଶିକ୍ଷା – ଏସବୁ ବନ୍ଦ ହୋଇଯିବ ଏବଂ ତୁମକୁ ଏଥିପାଇଁ ପ୍ରାୟ ୨୫୦୦୦ ଟଙ୍କା ଖର୍ଚ୍ଚ କରିବାକୁ ପଡିବ। ମୁଁ ତାକୁ କହିଲି ରାଜନୀତି ଏବଂ ବିଜେପି ଭୁଲି ପରିବାର ବିଷୟରେ ଚିନ୍ତା କର। ସେ କହିଲେ – ମୁଁ ଏହି ନିର୍ବାଚନରେ ​​ତୁମକୁ ଭୋଟ ଦେବି କିନ୍ତୁ ମୁଁ ବିଜେପି ଛାଡିବି ନାହିଁ। ମୁଁ ସମସ୍ତ ବିଜେପି ସମର୍ଥକଙ୍କୁ ନିବେଦନ କରୁଛି ଯେ ଯଦି ବିଜେପି କ୍ଷମତାକୁ ଆସେ, ତେବେ ଆମର ସମସ୍ତ ଯୋଜନା ବନ୍ଦ ହୋଇଯିବ।”

କେଜ୍ରିୱାଲ କହିଛନ୍ତି ଯେ, “ଯଦି ଏହା ହୁଏ, ତେବେ ଦିଲ୍ଲୀବାସୀଙ୍କର ପ୍ରାୟ ୨୫୦୦୦ ଟଙ୍କା ଖର୍ଚ୍ଚ ହେବ। ତୁମ ପାଖରେ ଏତେ ଟଙ୍କା ଅଛି କି? ତୁମର ଭାଇ ହୋଇଥିବାରୁ, ମୁଁ ତୁମକୁ ଅନୁରୋଧ କରୁଛି ଯେ ଏହି ନିର୍ବାଚନରେ ​​ମୋତେ ଭୋଟ ଦିଅ।” “ମୁଁ ଆପଣଙ୍କୁ ନିବେଦନ କରୁଛି ଯେ ବିଜେପି ଛାଡିବା କି ନାହିଁ ତାହା ଆପଣଙ୍କର ପସନ୍ଦ, କିନ୍ତୁ ଏହି ନିର୍ବାଚନରେ ​​ଆମକୁ ଭୋଟ ଦିଅନ୍ତୁ।”