ଉତ୍ତରାଖଣ୍ଡରେ ପ୍ରଥମ ରାଜ୍ୟ ଭାବେ ୟୁସିସି ଲାଗୁ । ମୁଖ୍ୟମନ୍ତ୍ରୀ କହିଛନ୍ତି ରାଜ୍ୟ ସରକାରଙ୍କ ଅଧିକାରୀମାନେ ଏହି ଆଇନ ପାଇଁ ଦିନରାତି କଠିନ ପରିଶ୍ରମ କରିଛନ୍ତି । ସମସ୍ତେ ସମନ୍ବୟ ରଖି କାମ କରିଛନ୍ତି ।
ମୁଖ୍ୟମନ୍ତ୍ରୀ ଧାମି ମୁଖ୍ୟ ସେବକ ସଦନରେ ଆୟୋଜିତ ଏକ କାର୍ଯ୍ୟକ୍ରମରେ କହିଛନ୍ତି ଯେ ଆଜି କେବଳ ଆମ ରାଜ୍ୟ ପାଇଁ ନୁହେଁ ବରଂ ସମଗ୍ର ଦେଶ ପାଇଁ ଏକ ଐତିହାସିକ ଦିନ ।
ଆମା ସମାନତା ପ୍ରତିଷ୍ଠା ଲକ୍ଷ୍ୟରେ ସୃଷ୍ଟି ହୋଇଥିବା ୟୁସିସି କାର୍ଯ୍ୟକାରୀ କରୁଛୁ । ମୁଖ୍ୟମନ୍ତ୍ରୀ ଧାମି କହିଛନ୍ତି ୟୁସିସି ସଦଭବାନପୂଣ୍ଣ ସମାଜର ମୂଳଦୁଆ ପକାଇବ ।
ଧର୍ମ , ଜାତି , ଲିଙ୍ଗ ଓ ସଂପ୍ରଦାୟକୁ ନେଇ ଭେଦଭାବ ରହିବ ନାହିଁ । ଆଜି ଏହି ମୋ ପାଇଁ ବହୁତ ଭାବପ୍ରବଣ। ଏହି ଆଇନ କାର୍ଯ୍ୟକାରୀ ହେଲେ ବହୁବିବାହ ଏବଂ ତ୍ରିପଲ ତଲାକ ସମ୍ପୂର୍ଣ୍ଣ ଭାବେ ପ୍ରତିବନ୍ଧକ ଲଗାଯିବ।
ୟୁସିସିରେ ଲିଭ-ଇନ ସମ୍ପର୍କରେ ରହିବା ପାଇଁ ପିତାମାତାଙ୍କ ଅନୁମତି ଆବଶ୍ୟକ ହେବ। ଦମ୍ପତିଙ୍କୁ ସେମାନଙ୍କ ସମ୍ପର୍କ ବିଷୟରେ ରେଜିଷ୍ଟ୍ରାରଙ୍କୁ ଜଣାଇବାକୁ ପଡିବ ଏବଂ ଯଦି ସେମାନେ ସମ୍ପର୍କ ଶେଷ କରିବାକୁ ଚାହାଁନ୍ତି, ତେବେ ସେମାନଙ୍କୁ ରେଜିଷ୍ଟ୍ରାରଙ୍କୁ ଜଣାଇବାକୁ ପଡିବ।
ଏକ ମାସରୁ ଅଧିକ ସମୟ ପାଇଁ ପଞ୍ଜୀକରଣ ବିନା ଲିଭ-ଇନ ସମ୍ପର୍କରେ ରହିବା ପାଇଁ ୧୦,୦୦୦ ଟଙ୍କା ଜରିମାନା ଦେବାକୁ ପଡିବ।
ଲିଭ-ଇନରେ ଜନ୍ମିତ ପିଲାକୁ ଆଇନଗତ ଭାବରେ ବିବେଚନା କରାଯିବ। ଯଦି ସମ୍ପର୍କ ଭାଙ୍ଗିଯାଏ, ତେବେ ମହିଳା ଜଣକ ଭରଣପୋଷଣ ମାଗିପାରିବେ। ମୁଖ୍ୟମନ୍ତ୍ରୀ ଧାମି କହିଛନ୍ତି ଯେ ଲିଭ-ଇନ ରିଲେଶନସିପ ସମୟରେ ଜନ୍ମିତ ପିଲାକୁ ସେହି ଦମ୍ପତିଙ୍କ ପିଲା ବୋଲି ବିବେଚନା କରାଯିବ ଏବଂ ତାହାର ସମସ୍ତ ଅଧିକାର ରହିବ।
ଏହି ଆଇନ ମାଧ୍ୟମରେ, ବିବାହ ପରି ଛାଡପତ୍ର ପଞ୍ଜୀକରଣ ମଧ୍ୟ ଜରୁରୀ, ଯାହା ୱେବ ପୋର୍ଟାଲ ମାଧ୍ୟମରେ କରାଯାଇପାରିବ।
ସମ୍ପତ୍ତିରେ ପୁଅ ଝିଅଙ୍କ ସମାନ ଅଧିକାର: ଯିଏ ଯେକୌଣସି ବର୍ଗର ହୋଇଥାଆନ୍ତୁ ନା କାହିଁକି, ୟୁନିଫର୍ମ ସିଭିଲ କୋଡରେ ସମ୍ପତ୍ତି ଉପରେ ଉଭୟ ପୁଅ ଓ ଝିଅଙ୍କର ସମାନ ଅଧିକାର ରହିବ ।
ଏକାଧିକ ବିବାହ ଉପରେ କଟକଣା । ଏହି ଆଇନରେ ଜଣେ ଜଣକୁ ବିବାହ କରିବାର ବ୍ୟବସ୍ଥା ରହିଛି । ମାନସିକ ଭାବେ ସୁସ୍ଥ ଥିବା ୨୧ ବର୍ଷର ଯୁବକ ଓ ୧୮ ବର୍ଷର ଯୁବତୀ ବିବାହ ବନ୍ଧନରେ ବାନ୍ଧି ହୋଇପାରିବେ। ନିଜର ଧାର୍ମିକ ପରମ୍ପରାରେ ବିବାହ ହୋଇପାରେ, କିନ୍ତୁ ବିବାହ ପାଇଁ ପଞ୍ଜୀକରଣ ବାଧ୍ୟତାମୂଳକ।
