ମହାରାଷ୍ଟ୍ରର ମହାୟୁତି ଭିତରେ ଫାଟ ବଢୁଥିବା କୁହାଯାଉଛି । ମହାୟୁତିର ଜାରି ରହିଥିବା ଆଭ୍ୟନ୍ତରୀଣ ରାଜନୀତି ବର୍ତମାନ ଚର୍ଚ୍ଚାର ବିଷୟ ପାଲଟିଛି । ଗତ ବର୍ଷ ଡ଼ିସେମ୍ବରରେ ଦେବେନ୍ଦ୍ର ଫଡ଼ନାଭିସଙ୍କ ନେତୃତ୍ବରେ ଏକ ଶକ୍ତିଶାଳୀ ସଂଖ୍ୟାଗରିଷ୍ଠତା ସହିତ ସରକାର ଗଠନ ପରେ ମଧ୍ୟ ସହଯୋଗୀମାନଙ୍କ ମଧ୍ୟରେ ସବୁକିଛି ଠିକ ଚାଲିନାହିଁ । ପରଦା ପଛରେ ସମସ୍ତ ତିନୋଟି ଦଳ ବିଜେପି ଶିବସନା ଏବଂ ଏନସିପି ପରସ୍ପରକୁ ପରାସ୍ତ କରିବାକୁ ପଦକ୍ଷେପ ନେଉଛନ୍ତି ।
ବର୍ତମାନ ସଦ୍ୟତମ ମାମଲା ବିଡ଼ ଜିଲ୍ଲାରେ ସରପଞ୍ଚ ସନ୍ତୋଷ ଦେଶମୁଖଙ୍କ ହତ୍ୟା ସହ ଜଡ଼ିତ ଦେବେନ୍ଦ୍ର ଫଡ଼ନଦାଭିସ ସିଏମ ଦାୟିତ୍ବ ଗ୍ରହଣ କରିବା ପୂର୍ବରୁ ସାନ୍ତୋଷ ଦେଶମୁଖଙ୍କୁ ହତ୍ୟା କରାଯାଇଥିଲା।ଏହି ମାମଲା ଏକ ମାସରୁ ଅଧିକ ସମୟ ଧରି ରାଜ୍ୟ ରାଜନୀତିରେ ଏବଂ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଛି। ଏହି ପ୍ରସଙ୍ଗରେ ବିବାଦର କେନ୍ଦ୍ରରେ ରହିଛନ୍ତି ଏନସିପିର କୋଟା ମନ୍ତ୍ରୀ ଧନଞ୍ଜୟ ମୁଣ୍ଡେ। ସେ ଦଳର ମୁଖ୍ୟ ତଥା ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କର ଜଣେ ଘନିଷ୍ଠ ସହଯୋଗୀ।
ସାନ୍ତୋଷ ଦେଶମୁଖଙ୍କ ହତ୍ୟା ପରେ ୪୯ ବର୍ଷିୟ ମୁଣ୍ଡେ ବିଡ ଜିଲ୍ଲାର ଅନେକ ସାମାଜିକ ସଂଗଠନ ତଥା ବିରୋଧୀ ମହାବିକାଶ ଅଘାଡି ଟାର୍ଗେଟରେ ଅଛନ୍ତି। ଦେଶମୁଖଙ୍କ ହତ୍ୟା ସହ ଜଡିତ ଏକ ଚୋରା ଚାଲାଣ ମାମଲାରେ ମୁଣ୍ଡେଙ୍କ ଘନିଷ୍ଠ ସହଯୋଗୀ ବାଲ୍ମିକ କରଦଙ୍କୁ ଗିରଫ କରାଯାଇଛି। ତେବେ ଚାପ ସତ୍ତ୍ବେ ମୁଣ୍ଡେ ଇସ୍ତଫା ଦେଇନାହାନ୍ତି ଏବଂ ଅଜିତ ପାୱାର ମଧ୍ୟ ତାଙ୍କ ଇସ୍ତଫା ମାଗି ନାହାନ୍ତି।
ଧନଞ୍ଜୟ ମୁଣ୍ଡେ ହେଉଛନ୍ତି ବିଜେପି ନେତା ସ୍ୱର୍ଗତ ଗୋପୀନାଥ ମୁଣ୍ଡେଙ୍କ ପୁତୁରା। ସେ ରାଜ୍ୟର ଜଣେ ପ୍ରମୁଖ ଓବିସି ମୁଖ। ସେ ଭଜାରୀ ସମ୍ପ୍ରଦାୟରୁ ଆସିଛନ୍ତି। ସରପଞ୍ଚ ଦେଶମୁଖ ମରାଠା ସମ୍ପ୍ରଦାୟର ହୋଇଥିବାବେଳେ ଅଭିଯୁକ୍ତ କରଦ ମଧ୍ୟ ଭଜାରୀ ସମ୍ପ୍ରଦାୟର। ସାନ୍ତୋଷଙ୍କ ହତ୍ୟା ମାମଲାରେ ନ୍ୟାୟ ଦାବି କରୁଥିବା ବିଭିନ୍ନ ସମ୍ପ୍ରଦାୟରୁ ବିରୋଧ ପ୍ରଦର୍ଶନ କରାଯାଉଛି। ଏଭଳି ପରିସ୍ଥିତିରେ ଅଜିତ ପାୱାରଙ୍କ ସାମ୍ନାରେ ଏକ ଦ୍ୱନ୍ଦ୍ୱ ସୃଷ୍ଟି ହୋଇଛି। ସେ ଉଭୟ ମରାଠା ଏବଂ ଓବିସି ସମ୍ପ୍ରଦାୟର ଚାପରେ ଅଛନ୍ତି।
ମନୋଜ ଜାରେଞ୍ଜ ପାଟିଲ ଗତ ବର୍ଷ ମହାରାଷ୍ଟ୍ର ରାଜନୀତିରେ ଜାତିବାଦର ମଞ୍ଜି ବୁଣିଥିଲେ ଏବଂ ଓବିସି କୋଟା ଅନ୍ତର୍ଗତ ମରାଠା ସମ୍ପ୍ରଦାୟ ପାଇଁ ସଂରକ୍ଷଣ ଦାବି କରିଥିଲେ। ଏବେ ମହାରାଷ୍ଟ୍ରରେ ଉଭୟ ଓବିସି ଏବଂ ମରାଠା ସମ୍ପ୍ରଦାୟ ବିଭିନ୍ନ କେନ୍ଦ୍ରରେ ଠିଆ ହୋଇଛନ୍ତି। ରାଜ୍ୟ ରାଜନୀତିରେ ପାୱାର ପରିବାର ହେଉଛି ମରାଠା ଚେହେରା।
ଏନସିପିରେ ବିଭାଜନ ହୋଇଛି, କିନ୍ତୁ ଅଜିତ ପାୱାର ଜଣେ ମରାଠା ଚେହେରା। ବିଡ୍ରେ ଥିବା ଓବିସି ସମ୍ପ୍ରଦାୟ ତାଙ୍କର ଦୃଢ଼ ସମର୍ଥନ ଥିବାରୁ ସେ ମୁଣ୍ଡେଙ୍କୁ ଛାଡିବାକୁ ପ୍ରସ୍ତୁତ ନୁହଁନ୍ତି। ଅନ୍ୟପକ୍ଷରେ ଓବିସିର ବରିଷ୍ଠ ନେତା ଖଗନ ଭୁଜବଳ ବିଦ୍ରୋହୀ ଆଭିମୁଖ୍ୟ ଗ୍ରହଣ କରୁଛନ୍ତି।
କୌତୁହଳର ବିଷୟ ହେଉଛି, ମୁଣ୍ଡେ ଉପରେ ଆକ୍ରମଣ କରିବା ପାଇଁ ବିଜେପି ଏହାର ନେତା ସୁରେଶ ଧାସଙ୍କୁ ବିଡ୍ରେ ଏକ ଖୋଲାହାତ ଦେଇଛି। ସେ ବିଡ୍ର ଆସ୍ତି ଆସନରୁ ବିଧାୟକ ଅଛନ୍ତି। ଯଦିଓ ଧାସ ମୁଣ୍ଡେଙ୍କ ନାମକୁ ସିଧାସଳଖ ନେଉନାହାନ୍ତି, କିନ୍ତୁ ‘କରଦ କା ଆକା’ ଶବ୍ଦ ବ୍ୟବହାର କରି ତାଙ୍କୁ ବାରମ୍ବାର ଟାର୍ଗେଟ କରୁଛନ୍ତି ।
ଜଣେ ନେତା ଇଣ୍ଡିଆନ ଏକ୍ସପ୍ରେସକୁ କହିଛନ୍ତି ଯେ, ଜାରେଞ୍ଜ ପାଟିଲଙ୍କ ଆନ୍ଦୋଳନ ଯୋଗୁ ମରାଠା ସମ୍ପ୍ରଦାୟରେ ବିଜେପିର ଧାରଣା ଅତ୍ୟନ୍ତ ଦୁର୍ବଳ ହୋଇଯାଇଛି। ଗତ ନିର୍ବାଚନରେ ଦେବେନ୍ଦ୍ର ଫଡନାଭିସ୍ ସେଠାରେ ବହୁତ କମ୍ ପ୍ରଚାର କରିଥିଲେ। ଯଦି ଧାସ ନ୍ୟାୟ ପାଇଁ ପ୍ରଚାର କରୁଛନ୍ତି ତେବେ କ୍ରୋଧିତ ମରାଠା ପୁଣିଥରେ ବିଜେପିକୁ ସମର୍ଥନ କରିପାରନ୍ତି। ଅନ୍ୟପକ୍ଷରେ, ଯଦି କରଦ କିମ୍ବା ମୁଣ୍ଡେଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଏ, ତେବେ ଅଜିତ ପାୱାର ତାଙ୍କ ଲୋକଙ୍କୁ ବଞ୍ଚାଇ ପାରିବେ ନାହିଁ ବୋଲି ଓବିସି ସମ୍ପ୍ରଦାୟକୁ ବାର୍ତ୍ତା ପଠାଯିବ।
ଅନ୍ୟପକ୍ଷରେ ବିଜେପିର ଯୋଜନା ସ୍ୱର୍ଗତଃ ଗୋପୀନାଥ ମୁଣ୍ଡେଙ୍କ ଝିଅ ମନ୍ତ୍ରୀ ପଙ୍କଜା ମୁଣ୍ଡେ ଏବଂ ଧନଞ୍ଜୟ ମୁଣ୍ଡେଙ୍କ ମଧ୍ୟରେ ସମ୍ପର୍କ ତିକ୍ତ ରହିଛି। ଭଜାରୀ ସମ୍ପ୍ରଦାୟରେ ପଙ୍କଜାଙ୍କର ମଧ୍ୟ ଭଲ ପ୍ରଭାବ ରହିଛି। କେତେକ ବିଶେଷଜ୍ଞ କହିଛନ୍ତି ଯେ, ଯଦି ଧନଞ୍ଜୟ ଇସ୍ତଫା ଦିଅନ୍ତି, ତେବେ ବିଜେପି ଭଜାରୀ ସମ୍ପ୍ରଦାୟର ସମର୍ଥନ ଜାରି ରଖିବ। କେବଳ ଅଜିତ ପାୱାର କ୍ଷତି ସହିବେ। ବିଜେପି ଯୋଗୁ ଅଜିତ ପାୱାର ଅଡୁଆରେ ପଡ଼ିଥିବା ରାଜ୍ୟ ରାଜନୈତିକ ମହଲରେ ଚର୍ଚ୍ଚା ହେଉଛି।
