ପ୍ରୟାଗରାଜ ମହାକୁମ୍ଭରେ ସୁନ୍ଦରୀ ବିକୁଛି ମାଳ । କୁମ୍ଭମେଳାରେ ଭାଇରାଲ ହେଉଛନ୍ତି ଜଣେ ସୁନ୍ଦରୀ । ଯାହାଙ୍କର ଆଖି ଏତେ ସୁନ୍ଦର ଯିଏ ଦେଖୁଛି ସିଏ କହୁଛି ବାଃ ଆଖି ଯୋଡ଼ିଏ ଭାରି ସୁନ୍ଦର । ସୁନ୍ଦର ଆଖି ପାଇଁ ଯୂବତୀ ଜଣକ ଭାଇରାଲ ହେବାରେ ଲାଗିଛନ୍ତି । ଆଉ ଲୋକ ମାନେ ତାଙ୍କ ଠାରୁ ମାଳ କିଣିବା ପାଇଁ ଏବଂ କଥା ହେବା ପାଇଁ ଆଗ୍ରହ ପ୍ରକାଶ କରୁଥିବାର ଦେଖିବାକୁ ମିଳିଛି ।
ଭିନ୍ନ ଭିନ୍ନ ବେଶରେ ଯେଉଁଠି ସାଧୁ ସନ୍ଥ ଭାଇରାଲ ହେଉଛନ୍ତି ସେଇଠି ଏହି ଯୁବତୀ ନିଜ ସୁନ୍ଦର ଆଖି ପାଇଁ ଖୁବ୍ ଭାଇରାଲ ହେବାରେ ଲାଗିଛନ୍ତି । ଆଉ ସବୁଠୁ ବଡ କଥା ଏହି ଯୁବତୀ ଜଣଙ୍କ ମହାକୁମ୍ଭରେ ମାଳ ବିକୁଛନ୍ତି । ଯୁବତୀ ଜଣଙ୍କ କେଉଁଠୁ ଆସିଛନ୍ତି ଆଉ କଣ ପାଇଁ ଏତେ ଚର୍ଚ୍ଚା ତାଙ୍କୁ ନେଇ ? ସୁଚନାମୁତାବକ, ଯୁବତୀ ଜଣଙ୍କ ଇନ୍ଦୋରରୁ ଆସିଛନ୍ତି। ମହାକୁମ୍ଭରେ ବୁଲି ବୁଲି ରୁଦ୍ରାକ୍ଷ ମାଳ ବିକୁଛନ୍ତି । ଯୁବତୀ ଜଣଙ୍କ ତାଙ୍କ ନାମ ମୋନାଲିସା ବୋଲି କହିଛନ୍ତି ।
ଏହି ସାଧାରଣ ଯୁବତୀଙ୍କ ଆଖିକୁ ଲୋକେ ଖୁବ୍ ତାରିଫ୍ କରୁଛନ୍ତି । କେବଳ ନିଜର ସୁନ୍ଦର ଆଖି ପାଇଁ ଯୁବତୀ ଜଣଙ୍କ ଖୁବ୍ ଭାଇରାଲ ହେବାରେ ଲାଗିଛନ୍ତି । ଯୁବତୀଙ୍କ ଠୁ ଲୋକେ ମାଳ କିଣିବା ପାଇଁ ଆଗ୍ରହ ମଧ୍ୟ ପ୍ରକାଶ କରୁଛନ୍ତି । ତେବେ ମହାକୁମ୍ଭରେ ମୋନାଲିସାଙ୍କ ସହ ଆହୁରି ମଧ୍ୟ ଅନେକ ଝିଅ ବୁଲି ବୁଲି ମାଳ ବିକ୍ରି କରୁଛନ୍ତି ଯେଉଁମାନେ ଇନ୍ଦୋରରୁ ଆସିଥିବା କହୁଛନ୍ତି ।
