କେନ୍ଦ୍ର ସରକାର ସରକାରୀ କର୍ମଚାରୀଙ୍କୁ ଏକ ବଡ଼ ଉପହାର ଦେବାକୁ ଯାଉଛନ୍ତି । କେନ୍ଦ୍ର କ୍ୟାବିନେଟ ଆଜି ଅଷ୍ଟମ ବେତନ ଆୟୋଗକୁ ଅନୁମୋଦନ କରିଛି । ଏହା ଫଳରେ କେନ୍ଦ୍ର ସରକାର କର୍ମଚାରୀଙ୍କ ଦରମା ବଢିବାର ରାସ୍ତା ଫିଟିଛି । ଅନେକ ଦିନ ଧରି ଅଷ୍ଟମ ବେତନ କମିଶନ ଗଠନ ପାଇଁ ଦାବି କରାଯାଉଥିଲା । ମୋଦି ସରକାର ଏହି ଦାବିକୁ ଏବେ ଶୁଣିବାକୁ ଯାଉଛନ୍ତି
ଅଷ୍ଟମ ବେତନ ଆୟୋଗର ମୁଖ୍ୟ ଦୃଷ୍ଟିକୋଣ:
କର୍ମଚାରୀମାନଙ୍କ ବେତନ ଏବଂ ଦରମା ବୃଦ୍ଧି କରିବା।
ଭତ୍ତା ସମ୍ପର୍କିତ ପ୍ରସ୍ତାବ
ପେନ୍ସନ ସମ୍ପର୍କିତ ସୁପାରିଶ
କାର୍ଯ୍ୟକ୍ଷମତା ବଢ଼ାଇବାକୁ ସୁଜୋଗ ଦେବା ପାଇଁ ସୁପାରିଶ।
କେନ୍ଦ୍ର ସରକାରୀ କର୍ମଚାରୀମାନଙ୍କ ଲାଭ ଓ ଅର୍ଥନୀତିକ ଶୁଭଚିନ୍ତା ସହିତ ଆୟୋଗର ସୁପାରିଶ ସମ୍ପୂର୍ଣ୍ଣ କରାଯାଏ।
କେନ୍ଦ୍ର ସରକାରୀ କର୍ମଚାରୀ ଓ ପେନସନଭୋଗୀମାନେ ଅଷ୍ଟମ ବେତନ ଆୟୋଗକୁ ଉତ୍ସୁକତାର ସହ ଅପେକ୍ଷା କରିଥିଲେ ଏବଂ ସରକାର ସେମାନଙ୍କୁ ଏହି ଉପହାର ଦେଇଛନ୍ତି । ଖୁବଶୀଘ୍ର ଏଥିପାଇଁ ଏକ କମିଟି ଗଠନ କରାଯାଇ ଅଷ୍ଟମ ବେତନ କମିଶନ ଗଠନ ପ୍ରକ୍ରିୟା ଆରମ୍ଭ ହେବ। ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ବୈଠକରେ ଏହି ନିଷ୍ପତ୍ତିକୁ ଅନୁମୋଦନ ମିଳିଛି।
କର୍ମଚାରୀମାନଙ୍କ ବେତନରେ ଗୋଟିଏ ମହତ୍ତ୍ୱପୂର୍ଣ୍ଣ ବୃଦ୍ଧି ଲାଗିପାରେ।
ଏହାର ଆର୍ଥିକ ଭାର ସରକାରୀ ଖର୍ଚ୍ଚରେ ପ୍ରଭାବ ପକାଇପାରେ।
ସୁପାରିଶ ଲାଗୁ ହେଲେ କର୍ମଚାରୀମାନଙ୍କ ସନ୍ତୋଷ ବଢ଼ିପାରେ।
ଆର୍ଥିକ ସ୍ଥିତି ଉନ୍ନତ ହେବା ସହିତ ଏହା ଅର୍ଥବ୍ୟବସ୍ଥାକୁ ଗତିଶୀଳ କରିପାରେ।
ଏଥିପାଇଁ କ୍ୟାବିନେଟ୍ ସଚିବଙ୍କୁ ଭେଟି ଅଷ୍ଟମ ବେତନ କମିଶନ ଗଠନ ପାଇଁ କେନ୍ଦ୍ରୀୟ କର୍ମଚାରୀଙ୍କ ସଂଗଠନ ଗୁଡ଼ିକ ଦାବି କରିଥିଲେ ଏବଂ ଏହି ସଂଗଠନଗୁଡ଼ିକ ଅଷ୍ଟମ ବେତନ ଆୟୋଗ ଗଠନ ପାଇଁ ସରକାରଙ୍କ ଉପରେ ବାରମ୍ବାର ଚାପ ପକାଉଥିଲେ। ଗତ ବର୍ଷକ ମଧ୍ୟରେ ଅନେକ ଥର କର୍ମଚାରୀ ସଂଗଠନ କେନ୍ଦ୍ର ସରକାରଙ୍କ ନିକଟରେ ଏ ନେଇ ସ୍ପଷ୍ଟୀକରଣ ଦାବି କରିଆସୁଥିଲେ। ଗତ ବଜେଟ୍ ପରେ ଅର୍ଥ ସଚିବ ଟିଭି ସୋମନାଥନଙ୍କୁ ଏ ସମ୍ପର୍କରେ ପଚରାଯିବାରୁ ସେ କହିଥିଲେ ଯେ ଏହି କାମ ପାଇଁ ଆମ ପାଖରେ ଏବେ ବି ଯଥେଷ୍ଟ ସମୟ ଅଛି।
