କଂଗ୍ରେସ ସାଂସଦ ରାହୁଲ ଗାନ୍ଧୀ ଆମ ଆଦମୀ ପାର୍ଟି ର ମୁଖିଆ ଆରବିନ୍ଦ କେଜ୍ରିଓ୍ବାଲ କଡ଼ା ସମାଲୋଚନା କରିଛନ୍ତି । ସେ ଅରବିନ୍ଦ କେଜ୍ରିଓ୍ବାଲଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହିତ ତୁଳନା କରି ଉଭୟ ଲୋକଙ୍କୁ ମିଥ୍ୟା ପ୍ରତିଶ୍ରୁତି ଦେଇଥିବା ଅଭିଯୋଗ ଆଣିଛନ୍ତି । ରାହୁଲ ଏପରି କହିବାର କିଛି ମିନିଟ ପରେ କେଜ୍ରିଓ୍ବାଲ ପାଲଟା ଆକ୍ରମଣ କରିଛନ୍ତି । କେଜ୍ରିଓ୍ବାଲ କହିଛନ୍ତି କି ରାହୁଲ ଗାନ୍ଧୀ ତାଙ୍କୁ ଗାଳି ଦେଇଛନ୍ତି ଏବଂ ଏପଟେ ସେ କଂଗ୍ରେସକୁ ବଞ୍ଚାଇବା ପାଇଁ ଲଢୁଛନ୍ତି ।
ଉତ୍ତର-ପୂର୍ବ ଦିଲ୍ଲୀର ସୀଲମପୁରରେ ଏକ ରାଲିକୁ ସମ୍ବୋଧିତ କରି, ରାହୁଲ ଦେଶବ୍ୟାପୀ ଜାତିଗତ ଜନଗଣନା ପ୍ରସଙ୍ଗ ଉପରେ ଆଲୋଚନା କରିଥିଲେ ଏବଂ କହିଥିଲେ ଯେ ସେ ପ୍ରଧାନମନ୍ତ୍ରୀ ମୋଦୀ ଏବଂ କେଜ୍ରିୱାଲ ଉଭୟଙ୍କଠାରୁ ଏହା ବିଷୟରେ କେବେ ଶୁଣିନାହାଁନ୍ତି।
“ଆପଣ କେଜ୍ରିୱାଲ ଜୀଙ୍କୁ ପଚାରନ୍ତୁ ଯେ ସେ ପଛୁଆ ବର୍ଗଙ୍କ ପାଇଁ ସଂରକ୍ଷଣ ଏବଂ ଜାତିଗତ ଜନଗଣନା ଚାହାଁନ୍ତି କି? ଯେତେବେଳେ ମୁଁ ଜାତିଗତ ଜନଗଣନା ବିଷୟରେ କଥା ହୁଏ, ସେତେବେଳେ ପ୍ରଧାନମନ୍ତ୍ରୀ ମୋଦୀ ଏବଂ କେଜ୍ରିୱାଲ ଉଭୟଙ୍କଠାରୁ ଗୋଟିଏ ଶବ୍ଦ ମଧ୍ୟ ଶୁଣିବାକୁ ପାଏ ନାହିଁ। କେଜ୍ରିୱାଲ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ମଧ୍ୟରେ କୌଣସି ପାର୍ଥକ୍ୟ ନାହିଁ। କାରଣ ସେମାନେ ଉଭୟ ମିଥ୍ୟା ପ୍ରତିଶ୍ରୁତି ଦିଅନ୍ତି,” ବୋଲି ରାହୁଲ କହିଛନ୍ତି।
ରାଲି ସମୟରେ ରାହୁଲ ଗାନ୍ଧୀ ଅଭିଯୋଗ କରିଛନ୍ତି ଯେ “ପ୍ରଧାନମନ୍ତ୍ରୀ ମୋଦୀ ଏବଂ କେଜରିୱାଲ ଚାହାଁନ୍ତି ନାହିଁ ଯେ ପଛୁଆ ଏବଂ ସଂଖ୍ୟାଲଘୁମାନେ ସେମାନଙ୍କର ଅଧିକାର ପାଆନ୍ତୁ। ସେମାନେ ଜାତିଗତ ଜନଗଣନା ଉପରେ ନୀରବ,”।
