ଆସନ୍ତା ଦିଲ୍ଲୀ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିସନର । ରାଜୀବ କୁମାର ଏକ ସାମ୍ପାଦିକ ସମ୍ମିଳନୀକୁ ସମ୍ବାଧନ କରି ସେ କହିଛନ୍ତି କି ନୂଆବର୍ଷରେ ସର୍ବପ୍ରଥମେ ଦିଲ୍ଲୀରେ ନିର୍ବାଚନ ହେବ । ଫେବୃଆରୀ 5 ତାରିଖରେ ଗୋଟିଏ ପର୍ଯ୍ୟାୟରେ ଦିଲ୍ଲୀ ନିର୍ବାଚନ ହୋଇ ପେବ୍ରୁଆରି 8 ତାରିଖରେ ଫଳାପଳ ପ୍ରକାଶ ପାଇବ ।
ତାରିଖ ଘୋଷଣା ପୂର୍ବରୁ ସେ ନିର୍ବାଚନ କମିସନ ବିରୋଧରେ ଆସିଥିବା ଅଭିଯୋଗ ଉପରେ ବି ନିଜର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ‘‘ଇଭିଏମ୍ ଅନିୟମିତତା, ଭୋଟର୍ ତାଲିକାରେ ଗଡ଼ବଡ଼ ଆଦି ନିର୍ବାଚନ କମିସନ ଉପରେ ଅଭିଯୋଗ ଆସିଛି। ଜନତାଙ୍କ ପ୍ରଶ୍ନରେ ଗଣତନ୍ତ୍ର ପରିପୁଷ୍ଟ ହୁଏ। ଆମେ ସବୁ ପ୍ରଶ୍ନର ଉତ୍ତର ଦେବୁ।’’
୭୦ ଟି ନିର୍ବାଚନମଣ୍ଡଳୀରେ ହେବାକୁ ଥିବା ଏହି ନିର୍ବାଚନ ନୂଆ ଗୃହ ନିର୍ମାଣ ପୂର୍ବରୁ ହିଁ ହେବ ବୋଲି ସେ କହିଛନ୍ତି। ଦିଲ୍ଲୀରେ ଏଯାବତ୍ ପାରମ୍ପରିକ ଭାବେ ଗୋଟିଏ ପର୍ଯ୍ୟାୟରେ ନିର୍ବାଚନ ହୋଇ ଆସିଛି।
ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ନେତୃତ୍ୱରେ ଥିବା ଆମ୍ ଆଦ୍ମୀ ପାର୍ଟି (ଆପ୍) କ୍ରମାଗତ ତୃତୀୟ ଥର ପାଇଁ କ୍ଷମତା ବଜାୟ ରଖିବାକୁ ଚାହୁଁଥିବା ବେଳେ ଜାତୀୟ ରାଜଧାନୀରେ କ୍ଷମତା ହାସଲ କରିବାକୁ ବିଜେପି ଜୋର୍ଦାର୍ ନଜର ରଖିଛି। ଏପଟେ ନିଜର ଭାଗ୍ୟ ପରୀକ୍ଷା କରିବାକୁ ଅପେକ୍ଷାରେ ରହିଛି କଂଗ୍ରେସ।
ବିଧାନସଭା ନିର୍ବାଚନ ସମସ୍ତ ଦଳ ପାଇଁ ଏକ ସମ୍ମାନଜନକ ଯୁଦ୍ଧ ଭାବରେ ଉଭା ହେବାକୁ ଯାଉଛି। ଗତ ବର୍ଷ ସେପ୍ଟେମ୍ବରରେ ମଦ ନୀତି ମାମଲାରେ ଜାମିନ ପାଇବା ପରେ କେଜ୍ରିୱାଲ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ଦିଲ୍ଲୀର ଲୋକମାନେ ତାଙ୍କ ଉପରେ ଭରସା କରିବା ପରେ ସେ କ୍ଷମତାକୁ ଫେରିବେ ବୋଲି ଘୋଷଣା କରିଥିଲେ। ଏହି ସମୟରେ ବିଜେପି ଦୁର୍ନୀତି ଅଭିଯୋଗ ଆଣି ଆପ୍କୁ ଦୁର୍ବଳ କରିବାର ସୁଯୋଗ ହାତ ଛଡ଼ା କରୁନାହିଁ।
