ବଡ଼ ଅଘଟଣ ଘଟିଛି। କାଶ୍ମୀରର ବାନ୍ଦିପୋରା ଅଞ୍ଚଳରେ ଏକ ବଡ଼ ଦୁର୍ଘଟଣା ଘଟି ଯବାନ ନିହତ ହୋଇଛନ୍ତି।
ଆଜି ଭାରତୀୟ ସେନାର ଏକ ଗାଡ଼ି ଖାଲରେ ଖସିପଡ଼ିବାରୁ ଦୁଇଜଣ ଯବନାଙ୍କର ମୃତ୍ୟୁ ଘଟିଛି ।
ଏହି ଦୁର୍ଘଟଣାରେ ତିନିଜଣ ଯବାନ ଆହତ ହୋଇ ଗୁରୁତର ଅବସ୍ଥାରେ ଡ଼ାକ୍ତରଖାନା ନିଆଯାଇଛି । ଜାମ୍ମୁ କାଶ୍ବୀର ପୋଲିସ ଏବଂ ସେନାର ସୈନିକ ଘଟଣାସ୍ଥଳରେ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି ।
ଅଧିକାରୀ କହିଛନ୍ତି ଯେ ଏକ ସେନା ଗାଡି ରାସ୍ତାରୁ ଖସିପଡି ଉତ୍ତର କାଶ୍ମୀର ଜିଲ୍ଲାର ଏସ.କେ ପାୟନ ନିକଟରେ ଏକ ଘାଟି ତଳକୁ ଖସି ପଡ଼ିଥିଲା।
ଏହି ଦୁର୍ଘଟଣାରେ ଏପର୍ଯ୍ୟନ୍ତ କୌଣସି ଆତଙ୍କବାଦୀ ସଂଗଠନର ସମ୍ପୃକ୍ତି ନେଇ ପ୍ରମାଣ ନାହିଁ।
ତେବେ ବର୍ତ୍ତମାନ ପୋଲିସ ଓ ସେନା କର୍ମଚାରୀଙ୍କ ଦ୍ୱାରା ଉଦ୍ଧାର କାର୍ଯ୍ୟ ଚାଲିଛି ଏବଂ ଦୁର୍ଘଟଣାର ପ୍ରକୃତ କାରଣ ଜାଣିବା ପାଇଁ ଉଦ୍ୟମ ଚାଲିଛି |
ଏହାପୂର୍ବରୁ ଜାମ୍ମୁ କାଶ୍ମୀରର ପୁଞ୍ଚ ଜିଲ୍ଲାର ବାଲନୋଇ ସେକ୍ଟରରେ ୨୪ ଡିସେମ୍ବର ୨୦୨୪ରେ ଏକ ବଡ଼ ସଡ଼କ ଦୁର୍ଘଟଣା ଘଟିଥିଲା। ଏହି ଦୁର୍ଘଟଣାରେ ଏକ ସେନା ଗାଡି ୩୦୦ ଫୁଟ ଗଭୀର ଘାଟି ତଳକୁ ଖସି ପଡିଥିଲା।
ଏହି ଦୁର୍ଘଟଣାରେ ୫ ଜଣ ସୈନିକଙ୍କ ମୃତ୍ୟୁ ଘଟିଥିଲା । ଠିକ୍ ଚାରି ଦିନ ପୂର୍ବେ, ଅର୍ଥାତ୍ ଡିସେମ୍ବର ୩୧, ୨୦୨୪ରେ, ପୁଞ୍ଚ ଜିଲ୍ଲାର ମେଣ୍ଡରର ଏଲଓସି ନିକଟ ବାଲନୋଇ ଅଞ୍ଚଳରେ ଏକ ସେନା ଗାଡି ଦୁର୍ଘଟଣାର ସମ୍ମୁଖୀନ ହୋଇଥିଲା ଏବଂ ସେନା ଗାଡି ପ୍ରାୟ ୧୦୦ ଫୁଟ ଗଭୀର ଖାଲରେ ଖସିପଡିଥିଲା।
ଏହି ଦୁର୍ଘଟଣାରେ ପାଞ୍ଚଜଣ ସୈନିକଙ୍କ ମୃତ୍ୟୁ ଘଟିଥିବା ବେଳେ ପାଞ୍ଚ ଜଣ ଗୁରୁତର ଆହତ ହୋଇଥିଲେ ।
