ମନ୍ଦିର ପୂଜକଙ୍କୁ ମାସିକ ମିଳିବ ଟଙ୍କା । ଦିଲ୍ଲୀ ଆପ ସରକାର ନିର୍ବାଚନ ପୂର୍ବରୁ ଏପରି ଘୋଷଣା କରିଥିବାରୁ ଏହାକୁ ନେଇ ବିେଜପି କେଜରିଓ୍ବାଲଙ୍କୁ କଟାକ୍ଷ କରିଛି । ଘୋଷଣା ଅନୁସାରେ ୧୮ ହଜାର ଟଙ୍କା ଦରମା ପାଇଁ ପ୍ରତିଶ୍ରୁତି ଦେଇଛନ୍ତି ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ।
ବିଜେପି କବିତାରେ କହିଛି ମୋର ମନ୍ଦିର ଯିବା କେବଳ ଏକ ଛଳନା । ପୂଜକଙ୍କ ସମ୍ମାନ କେବଳ ନିର୍ବାଚନୀ ଦେଖାଣିଆ, ସନାତନ ଧର୍ମର ମୁଁ ସବୁବେଳେ ଉପହାସ କରେ ବୋଲି କେଜ୍ରିୱାଲଙ୍କ ଫଟୋ ଉପରେ ଲେଖାଯାଇଛି।
ଏହି ପୋଷ୍ଟର କ୍ୟାପ୍ସନରେ ଦିଲ୍ଲୀ ବିଜେପି ଲେଖିଛି ଯେ, ଯେଉଁ ଲୋକ ମସଜିଦର ଇମାମ ମାନଙ୍କୁ ୧୦ ବର୍ଷ ହେଲା ଦରମା ଦେଉଛି, ଯିଏ ଅଯୋଧ୍ୟାରେ ରାମ ମନ୍ଦିର ନିର୍ମାଣକୁ ବିରୋଧ କରିଥିଲା, ଯିଏ ମନ୍ଦିର ଓ ଗୁରୁଦ୍ୱାର ନିକଟରେ ମଦ ଦୋକାନ ଖୋଲିଛି, ଏବଂ ଯିଏ ସବୁବେଳେ ହିନ୍ଦୁ ବିରୋଧୀ ରାଜନୀତି କରେ, ସେହି ଲୋକର ହଠାତ ମନ୍ଦିର ପୂଜକ ଓ ଗୁରୁଦ୍ୱାର ଗ୍ରନ୍ଥିମାନଙ୍କ କଥା ମନେ ପଡ଼ିଗଲା।
କେଜ୍ରିୱାଲଙ୍କୁ ‘ଚୁନାବି ହିନ୍ଦୁ’ (ନିର୍ବାଚନୀ ହିନ୍ଦୁ) ବୋଲି କହି କଟାକ୍ଷ କରିଛି ବିଜେପି। ଏକ୍ସ ହ୍ୟାଣ୍ଡେଲରେ ଦିଲ୍ଲୀ ବିଜେପି ‘ଭୁଲ୍ ଭୁଲେୟା’ ଚଳଚ୍ଚିତ୍ରର ଏକ ପୋଷ୍ଟର ସେୟାର କରିଛି, ଯେଉଁଥିରେ ରାଜପାଲ ଯାଦବଙ୍କ ସ୍ଥାନରେ କେଜ୍ରିୱାଲଙ୍କ ଫଟୋ ଏଡିଟ୍ କରାଯାଇଛି। ଏହା ସହ ‘ଭୁଲ୍ ଭୁଲେୟା’ ବଦଳରେ ଏଥିରେ ‘ଚୁନାବି ହିନ୍ଦୁ’ ବୋଲି ଲେଖାଯାଇଛି
