କଙ୍ଗୋର ମାଇ ଏନଡ଼ୋମ୍ବ ପ୍ରଦେଶର ଫିମି ନଦୀରେ ଏକ ଡ଼ଙ୍ଗା ବୁଡ଼ି ଘଟଣାରେ 25 ଜଣଙ୍କର ମୃତ୍ୟୁ ଘଟିଛି ଏବଂ 12 ରୁ ଅଧିକ ଲୋକ ନିଖୋଜ ଅଛନ୍ତି । କଙ୍ଗୋର ରାଜଧାନୀ କିନସାସାର  ଉତ୍ତର ପୂର୍ବରେ ଅବସ୍ଥିତ ଇନୋଙ୍ଗୋ ସହର ନିକଟରେ ଏହି ଦୁର୍ଘଟଣା  ଘଟିଛି ।

ଅଧିକାରୀ ଏବଂ ସ୍ଥାନୀୟ ବାସିନ୍ଦାଙ୍କ କହିବାନୁସାରେ ଡ଼ଙ୍ଗାରେ 100 ରୁ ଅଧିକ ଲୋକ ଥିଲେ । ଯାତ୍ରୀଙ୍କ ସଂଖ୍ୟା ଅଧିକ ଥିବାରୁ ଡ଼ଙ୍ଗା ଭାରସାମ୍ୟ ହରାଇଥିଲା ।ଦୁର୍ଘଟଣା ପରେ ନିଖୋଜ ଲୋକଙ୍କ ସନ୍ଧାନ ଜାରି ରହିଛି  ଏବଂ ମୃତ୍ୟୁସଂଖ୍ୟା ବୃଦ୍ଧି ପାଇବାରେ ଆଶଙ୍କା ରହିଛି ।

ନଦୀ କମିସନର ଡେଭିଡ କାଲେମ୍ବା କହିଛନ୍ତି, ଡଙ୍ଗାରେ କ୍ଷମତାଠାରୁ ଅଧିକ ଲୋକ ଥିବାରୁ ଏହି ଦୁର୍ଘଟଣା ଘଟିଛି। ମୃତକମାନଙ୍କ ମଧ୍ୟରେ କେତେକ ଶିଶୁ  ଅଛନ୍ତି।  ଏହି ଅଞ୍ଚଳର ବାସିନ୍ଦାଙ୍କ ଅନୁଯାୟୀ, ଡଙ୍ଗାରେ ଅଧିକ ଜିନିଷପତ୍ର ବୋଝେଇ ହୋଇଥିଲା। ଏହା ସହିତ ଯାତ୍ରୀଙ୍କ ସଂଖ୍ୟା ମଧ୍ୟ  ଅଧିକ ଥିଲା।  ଦୁର୍ଘଟଣା ପରେ ଏପର୍ଯ୍ୟନ୍ତ ୨୫ ମୃତଦେହ ଉଦ୍ଧାର କରାଯାଇଛି।

ଚଳିତ ବର୍ଷ ମାଇ ଏନଡ଼ୋମ୍ବ ପ୍ରଦେଶରେ ଏହି ଘଟଣା ଚତୁର୍ଥ ଘଟଣା  । ଏହି ଅଞ୍ଚଳ ନଦୀ ଦ୍ବାରା ଘେରି ରହିଛି  ଏବଂ ଏଠାରେ ଥିବା ଲୋକମାନେ ନଦୀ ପରିବହନ ଉପରେ ନିର୍ଭର କରିଥାନ୍ତି କାରଣ ସଡ଼କ ପରିବହନ  ସେମାନଙ୍କ ପାଇଁ କଷ୍ଟସାଧ୍ୟା ଏପରି ଘଟଣାକୁ ରୋକିବା ପାଇଁ ସୁରକ୍ଷା ବ୍ୟବସ୍ଥା ଉଲ୍ଲଂଘନ କରୁଥିବା ବ୍ୟକ୍ତିଙ୍କ  ବିରୋଧରେ କଙ୍ଗୋ ସରକାର ଦଣ୍ଡବିଧାନ ଘୋଷଣା କରିଛନ୍ତି । ତେବେ ଦୁର୍ଗମ ଅଞ୍ଚଳର ଲୋକମାନେ ସଡ଼କ ପରିବହନ ପାଇଁ ଅସମର୍ଥ ।

ଗତ କିଛି ମାସ ମଧ୍ୟରେ କଙ୍ଗୋରେ ମଧ୍ୟ ସମାନ ଦୁର୍ଘଟଣାର ଖବର ଆସିଥିଲା। ଅକ୍ଟୋବରରେ, ପୂର୍ବ କଙ୍ଗୋରେ ଏକ ଡଙ୍ଗା ବୁଡ଼ିଯିବା ପରେ ୭୮ଜଣଙ୍କର ମୃତ୍ୟୁ ଘଟିଥିଲା ​​ଏବଂ ଜୁନ୍ ମାସରେ କିନସାସା ନିକଟରେ ସମାନ ଘଟଣାରେ ୮୦ଜଣଙ୍କର ମୃତ୍ୟୁ ଘଟିଥିଲା। ଏହି ସର୍ବଶେଷ ଦୁର୍ଘଟଣା ପରେ ଡଙ୍ଗା ପାଇଁ ସୁରକ୍ଷା ଉପକରଣ ବ୍ୟବସ୍ଥା କରିବାକୁ ସରକାର ନିଷ୍ପତ୍ତି ନେଇଛନ୍ତି।

ଓଭରଲୋଡିଂ ଉପରେ କଙ୍ଗୋ କର୍ତ୍ତୃପକ୍ଷ ବାରମ୍ବାର ଚେତାବନୀ ଦେଉଛନ୍ତି ଏବଂ ଜଳ ପରିବହନ ପାଇଁ ସୁରକ୍ଷା ବ୍ୟବସ୍ଥା ଉଲ୍ଲଂଘନ କରୁଥିବା ଲୋକଙ୍କୁ ଦଣ୍ଡ ଦେବା ପାଇଁ ଚେତାବନୀ ଦେଇଛନ୍ତି। ଏହି କେନ୍ଦ୍ରୀୟ ଆଫ୍ରିକୀୟ ଦେଶରେ ଓଭରଲୋଡ୍ ଡଙ୍ଗା ବୁଡ଼ିବାର ଘଟଣା ମଧ୍ୟ ବୃଦ୍ଧି ପାଉଛି।