ଦିଲ୍ଲୀ ବିଧାନସଭା ନିର୍ବାଚନ ପୁର୍ବରୁ ଅରବିନ୍ଦ କେଜ୍ରିଓ୍ବାଲ ବୁଧବାର ଦିନ ବରିଷ୍ଠ ନାଗରିକ ମାନଙ୍କ ପାଇଁ ସଞ୍ଜୀବନୀ ଯୋଜନା ଘୋଷଣା କରିଛନ୍ତି । କେଜ୍ରିଓ୍ବାଲ କହିଛନ୍ତି ଯେ ଦିଲ୍ଲୀରେ ସରକାର ଗଠନ ହେବା ପରେ ଦିଲ୍ଲୀ ସରକାର ବରିଷ୍ଠ ନାଗରିକମାନଙ୍କ ପାଇଁ ସଞ୍ଜୀବନୀ ଯୋଜନା ଆରମ୍ଭ କରିବେ । ଏଥିରେ 60 ବର୍ଷରୁ ଅଧିକ ବୟସ୍କ ସମସ୍ତ ନାଗରିକ ମାଗଣା ଚିକସା ପାଇବେ । ଏଥିରେ କୌଣସି ସୀମା କିମ୍ବା ବର୍ଗ ନାହିଁ । ଆମ ଆଦମୀ ପାର୍ଟି ଦିଲ୍ଲୀରେ ସରକାର ଗଠନ କରିବା ପରେ ଏହି ଯୋଜନା କାର୍ଯ୍ୟକାରୀ ହେବ ବୋଲି କ୍ରେଜିଓ୍ବାଲ କହିଛନ୍ତି ।

ସଞ୍ଜୀବନୀ ଯୋଜନା ଘୋଷଣା କରି କେଜ୍ରିଓ୍ବାଲ କହିଛନ୍ତି ଯେ ମୁଁ ବରିଷ୍ଠ ନାଗରିକମାନଙ୍କ ପାଇଁ ଆଜି ଘୋଷଣା କରୁଥିବା ଯୋଜନା ଇତିହାସରେ କେବେ ହୋଇ ନାହିଁ । ଆମେ ବରିଷ୍ଠ ନାଗରିକମାନଙ୍କୁ ବହୁତ ସମ୍ମାନ କରୁ । ଦେଶକୁ ଆଗକୁ ନେବା ପାଇଁ ଆପଣ ବହୁତ କିଛି କରିଛନ୍ତି । ବର୍ତମାନ ଏହା ଆମର ପର୍ଯ୍ୟାୟ  । କେଜ୍ରିଓ୍ବାଲ କହିଛନ୍ତି ଯେ ଶ୍ରବଣ କୁମାରଙ୍କ ଦ୍ବାରା ଅନୁପ୍ରାଣିତ ହୋଇ ଆମେ ବୁଦ୍ଧମାନଙ୍କ ପାଇଁ ମୁଖ୍ୟମନ୍ତ୍ରୀ ତୀର୍ଥ ଯାତ୍ରା ଯୋଜନା ଆରମ୍ଭ କରିଛୁ । ଏପର୍ଯ୍ୟନ୍ତ ପ୍ରାୟ  1ଲକ୍ଷ ବୃଦ୍ଧ ବ୍ୟକ୍ତି ଏହି ଯୋଜନାର ସୁଯୋଗ ନେଇଛନ୍ତି । ଏହା ଯୋଜନାରେ ସେମାନଙ୍କୁ ଦେଶର ସମସ୍ତ ତୀର୍ଥସ୍ଥାନକୁ ପଠାଯାଇଥାଏ । ଦିଲ୍ଲୀ ସରକାର ସମସ୍ତ ଖର୍ଚ୍ଚ ବହନ କରନ୍ତି ।

ଅରବିନ୍ଦ କେଜ୍ରିୱାଲ କହିଛନ୍ତି ଯେ, ବୟସ ବଢ଼ିବା ସହିତ ୧୦୦ ରୋଗ ଆମକୁ ଘେରି ରହିଥାଏ। କିପରି ଚିକିତ୍ସା ପାଇବେ ସେ ବିଷୟରେଆମେ ଚିନ୍ତିତ ରହିଥାଉ।  ଅନେକ ଥର ପିଲାମାନେ ସେମାନଙ୍କର ପିତାମାତାଙ୍କର ଯତ୍ନ ନିଅନ୍ତି ନାହିଁ। ଯେପରି ହନୁମାନ ଲକ୍ଷ୍ମଣଙ୍କ ପାରଁ  ସଞ୍ଜୀବନୀ ବୁଟି  ଆଣିଥିଲେ  ସେହିଭଳି ଦିଲ୍ଲୀରେ ସରକାର ଗଠନ ହେବା ପରେ ଦିଲ୍ଲୀ ସରକାର ବୃଦ୍ଧମାନଙ୍କ ପାଇଁ ସଞ୍ଜୀବନୀ ଯୋଜନା ଆରମ୍ଭ କରିବେ। ଏଥିରେ ମାଗଣା ଚିକିତ୍ସା ହେବ। ଏହାର କୌଣସି ସୀମା କିମ୍ବା ବର୍ଗ ନାହିଁ ।

ଏହି ଯୋଜନାର ଲାଭ ପାଇବା ପାଇଁ କୌଣସି କ୍ୟାପ୍ ରହିବ ନାହିଁ। କେଜ୍ରିୱାଲ କହିଛନ୍ତି ଯେ, ସରକାର ଗଠନ ହେବା ମାତ୍ରେ ସେ ଏହି ଯୋଜନା ଆପଣଙ୍କ ପାଇଁ ଆଣଯିବ। ଶୀଘ୍ର ଆପଣଙ୍କ ଘରେ ପଞ୍ଜୀକରଣ ଆରମ୍ଭ ହେବ। ଆପଣମାନେକେବଳ  ଆଶୀର୍ବାଦ ଦିଅନ୍ତୁ।  ଏହାପୂର୍ବରୁ ଅରବିନ୍ଦ କେଜ୍ରିୱାଲ ଗତ ସପ୍ତାହରେ ମହିଲା ସମ୍ମାନ ଯୋଜନା ଘୋଷଣା କରିଥିଲେ। ଏହା ଅନ୍ତର୍ଗତ ୧୮ବର୍ଷରୁ ଅଧିକ  ବୟସ୍କ ଦିଲ୍ଲୀର ମହିଳାମାନଙ୍କୁ ପ୍ରତି ମାସରେ  ୧୦୦୦ ଟଙ୍କା ଦିଆଯିବ ଏବଂ ନିର୍ବାଚନ ଜିତିବା ପରେ ସେମାନେ ୨୧୦୦ଟଙ୍କା ପାଇବେ।