ଓ୍ବାୟାନାଡ଼ର ସାଂସଦ ଭାବେ ଶପଥ ଗ୍ରହଣ କରିଛନ୍ତି ରାହୁଲ ଗାନ୍ଧୀଙ୍କ ଭଉଣୀ ପ୍ରିୟଙ୍କା ଗାନ୍ଧୀ । ଭଉଣୀଙ୍କ ସଂସଦରେ ପ୍ରବେଶ ନେଇ ବେଶ ଖୁସି ଅଛନ୍ତି ରାହୁଲ । ପ୍ରଥମ ଥର ନିର୍ବାଚନ ଲଢିଲା ଆଉ ଜିତିଲେ ମଧ୍ୟ । ପ୍ରିୟଙ୍କା ଗାନ୍ଧୀ ଓ୍ବାୟନାଡ଼ ଲୋକସଭା ଉପନିର୍ବାଚନରେ ଏକ ବଡ଼ ସଫଳତା ପାଇଛନ୍ତି । ସେ 4 ଲକ୍ଷରୁ ଅଧିକ ଭୋଟରେ ଜିତିଛନ୍ତି । ଭୋଟ କ୍ଷେତ୍ରରେ ନିଜ ଭାଇ ଗାନ୍ଧୀଙ୍କୁ ମଧ୍ୟ ପଛରେ ପକାଇ ଦେଇଛନ୍ତି ପ୍ରିୟଙ୍କା । ପ୍ରଥମ ଥରରେ ସେ ଏକ ଐତିହାସିକ ବିଜୟ ଲାଭ କରିଛନ୍ତି ।
ତେବେ ଶପଥ କାର୍ଯ୍ୟକ୍ରମରେ ସଂସଦରେ ଦେଖିବାକୁ ମିଳିଥିଲା ଏକ ନିଆରା ଦୃଶ୍ୟ । ନିଜ ପକେଟରୁ ମୋବାଇଲ ବାହାର କରି ନବନିର୍ବାଚିତ ଭଉଣୀର ଫଟୋ ଉଠାଇଥିଲେ ବିରୋଧୀ ଦଳ ନେତା ରାହୁଲ ଗାନ୍ଧୀ । ଭଉଣୀର ଖୁସିର ମୂହୁର୍ତକୁ ନିଜ ମୋବାଇଲରେ କଏଦ କରିଥିଲେ ଭାଇ ଭଉଣୀଙ୍କ ଏକ ନିଆରା ସମ୍ପର୍କ ବାରି ହୋଇପଡ଼ୁଥିଲା ପୁରା ସଂସଦରେ । ଶପଥନେଇ ସାରି ସଂସଦରେ ନିଜ ଭାଇକୁ ମଧ୍ୟ ନମସ୍କାର କରିଛନ୍ତି ପ୍ରିୟଙ୍କା ଓ ହସି ହସି ପ୍ରତି ନମସ୍କାର ଜଣାଇଛନ୍ତି ଭାଇ ରାହୁଲ । ଅନ୍ୟପଟେ ଶପଥ ଗ୍ରହଣ କାର୍ଯ୍ୟକ୍ରମ ପରେ ପ୍ରିୟଙ୍କା, କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେଙ୍କଠାରୁ ଆଶିର୍ବାଦ ଗ୍ରହଣ କରିଛନ୍ତି । ସେଠାରେ ମଧ୍ୟ ଏକ ଖୁସିର ମାହୋଲ ଦେଖିବାକୁ ମିଳିଛି ।
ସେହିପରି ୫୨ ବର୍ଷୀୟା ପ୍ରିୟଙ୍କା ଗାନ୍ଧୀ ଭଦ୍ରାଙ୍କର ଲୋକସଭାରେ ପ୍ରବେଶ ସହିତ ସଂସଦ ଦଶନ୍ଧି ମଧ୍ୟରେ ପ୍ରଥମ ଥର ପାଇଁ ଗାନ୍ଧୀ ପରିବାରର ତିନିଜଣ ସଦସ୍ୟଙ୍କୁ ଏକାଠି ଦେଖିବ। ପ୍ରିୟଙ୍କା ଗାନ୍ଧୀ ଭଦ୍ରା ଏବଂ ରାହୁଲ ଗାନ୍ଧୀ ଲୋକସଭାରେ ବସିଥିବା ବେଳେ ସେମାନଙ୍କ ମା ସୋନିଆ ଗାନ୍ଧୀ ରାଜ୍ୟସଭାରେ ନଜର ଆସିବେ। ସାଂସଦ ଭାବେ ଶପଥ ଗ୍ରହଣ କରିବାରେ ସୋନିଆ ଗାନ୍ଧୀ ଏବଂ ତାଙ୍କ ଜେଜେମା ତଥା ପୂର୍ବତନ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ପରେ ପରେ ପ୍ରିୟଙ୍କା ଗାନ୍ଧୀ ଭଦ୍ରା ହେବେ ଗାନ୍ଧୀ ପରିବାରର ତୃତୀୟ ମହିଳା।
ଉଭୟ ୱାୟାନାଡ ଏବଂ ରାବେରେଲିରୁ ଜିତିଥିବା ରାହୁଲ ଗାନ୍ଧୀ ତାଙ୍କ ପରିବାରର ଭିତ୍ତିଭୂମି ବଜାୟ ରଖିବାକୁ ନିଷ୍ପତ୍ତି ନେଇ ୱାୟାନାଡରୁ ଭଉଣୀ ପ୍ରିୟଙ୍କାଙ୍କୁ ନିର୍ବାଚନ ଲଢ଼ିବାକୁ ନିଷ୍ପତ୍ତି ନେଇଥିଲେ। ପ୍ରିୟଙ୍କା ନିର୍ବାଚନ ଲଢ଼ି ରାହୁଲଙ୍କଠାରୁ ବି ଅଧିକ ଭୋଟ୍ରେ ବିଜୟୀ ହୋଇଛନ୍ତି। ତାଙ୍କ ବିଜୟ ପରେ ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ଯେ ସେ ସଂସଦରେ ଲୋକଙ୍କ ସ୍ୱର ହେବାକୁ ଅପେକ୍ଷା କରିଛନ୍ତି। “ତୁମେ ମୋ ଉପରେ ରଖିଥିବା ବିଶ୍ୱାସ ପାଇଁ ମୁଁ କୃତଜ୍ଞତା ଜ୍ଞାପନ କରିଛି। ମୁଁ ନିଶ୍ଚିତ କରୁଛି ଯେ ଏ ବିଜୟ ତୁମମାନଙ୍କର।’’ ବୋଲି ପ୍ରିୟଙ୍କା କହିଛନ୍ତି।
