ମାଲକାନଗିରି ଜିଲ୍ଲାର ଏମଭି 79 ଥାନା ଅନ୍ତର୍ଗତ ଜିନେଲଗୁଡ଼ା ସାବେରୀ ନଦୀ କୂଳରେ ପୁଲିସ ଏବଂ ନକ୍ସଲ ମଧ୍ୟରେ ଗୁଳି ବିନିମୟ ହୋଇଥିଲା । ଏହି ଗୁଳି ବିନିମୟରେ ଜଣେ ନକ୍ସଲ ମୃତ୍ୟୁ ହୋଇଥିବା ସୂଚନା ମିଳିଥିଲା । ପରେ କିନ୍ତୁ ମୃତ ବ୍ୟକ୍ତି ଜଣକ ଗ୍ରାମବାସୀ ବୋଲି ଜଣାପଡ଼ିଥିଲା ।
ଯବାନଙ୍କ ଉପରେ ଗୁଳି ଚଳାଇ ନକ୍ସଲ ଖସି ଯାଇଥିଲେ । ରାତିରେ ଅନ୍ଧାରରେ ଜଂଗଲ ରେ ଖସି ପୁଣି ଛତିଶଗଡ଼ ମୁହାଁ ହୋଇଥିଲା । ଓଡ଼ିଶାର ଯବାନଙ୍କ ହାତରୁ ବର୍ତି ଯାଇଥିଲେ ମଧ୍ୟ ତାଙ୍କୁ ମୃତ୍ୟୁ ଅପେକ୍ଷା କରିଥିଲା । ଛତିଶଗଡ଼ରେ ଓଡ଼ିଶା ସୀମା ପାର କରି ସୁକମା ଜିଲ୍ଲାର ଭେଜ୍ଜି ଥାନା ଅଂଚଳର ଜଂଗଲରେ ଆଶ୍ରୟ ନେବାକୁ ଚେଷ୍ଟା କରୁଥିବା ବେଳେ ସେପଟେ ଡ଼ିଆରଜି ଏସଟିଏଫ ଯବାନ ନକ୍ସଲଙ୍କ ଅପେକ୍ଷା କରି ରହିଥିବାନକ୍ସଲ କ୍ୟାମ୍ପ କରି ରହିଥିବା ସ୍ଥାନକୁ ଯବାନ ଚଢଉ କରିଥିଲେ ।
ଆଜି ସକାଳେ 10 ଟା ବେଳେ ନକ୍ସଲ ଏବଂ ଯବାନଙ୍କ ମଧ୍ୟରେ ଗୁଳିବିନିମୟରେ ଆରମ୍ଭ ହୋଇଥିଲା । ଦିନ ଗୋଟାଏ ବେଳକୁ ଗୁଳିବିନିମୟ ବନ୍ଦ ହୋଇଥିବା ଘଟଣାସ୍ଥଳକୁ ସର୍ଚ୍ଚ ଅପରେସନ କରାଯାଇଥିଲା । ଯବାନ ସର୍ଚ୍ଚ ଅପରେସନ ବେଳେ 10 ଜଣ ମାଓବାଦୀଙ୍କ ଶବକୁ ଉଦ୍ଧାର କରିଥିଲେ । ଏଥିସହ ଏକେ – 47 ଏସଏଲଆର ଭଳି ଅତ୍ୟାଧୁନିକ ବନ୍ଧୁକ ସହ ବିସ୍ଫୋରକ ଏବଂ ମାଓ ସାମଗ୍ରୀ ଜବତ କରିଥିଲେ । ଲଗାତାର ଅପରେସନରେ ଯବାନ ସଫଳତା ହାସଲ କରି ଚାଲିଛନ୍ତି । ଏହି ମୃତ ନକ୍ସଲ ମଧ୍ୟରୁ କ୍ୟାଡ଼ର ନକ୍ସଲ ରହିଛନ୍ତି ଏମାନଙ୍କ ନାମରେ 8 ଲକ୍ଷରୁ ଆରମ୍ଭ କରି 2 ଲକ୍ଷ ପର୍ଯ୍ୟନ୍ତ ପୁରସ୍କାର ରହିଥିଲା । ଓଡ଼ିଶାର ଡ଼ିଭିଏଫ ଏବଂ ଏସଓଜି ଯବାନଙ୍କ ବନ୍ଧୁକ ଗୁଳିରୁ ବର୍ତି ନକ୍ସଲ ଭାବିଥିଲେ ଯବାନଙ୍କୁ ଚକମା ଦେଇଦେଲେ ।କିନ୍ତୁ ସେପଟେ କିନ୍ତୁ ମୃତ୍ୟୁ ଅପେକ୍ଷା କରି ରହିଥିଲା ।
ଛତିଶଗଡ଼ ଯବାନ ଆଲର୍ଟ ହୋଇଯାଇଥିଲେ । କାରଣ ଓଡ଼ିଶାର ତଡ଼ାଯିବା ପରେ ସେମାନେ ଛତିଶଗଡ଼ରେ ପଶିବେ ।ତେଣୁ ସୀମାକୁ ସିଲ କରାଯାଇଥିଲା ।ଛତିଶଗଡ଼ରେ ନକ୍ସଲ ଅଣନିଃଶାସୀ ହେଲାଣି । ସେମାନଙ୍କୁ ଆଉ ଦୟାମୟା ନାହିଁ । ବୋଲି ସରକାର କହିଲେଣି । ଆସନ୍ତା 2026 ମାର୍ଚ୍ଚ ସୁଦ୍ଧା ସାରା ଦେଶରୁ ନକ୍ସଲ ହଟିବ ବୋଲି କେନ୍ଦ୍ର ଗୃହମନ୍ତ୍ରୀ ଘୋଷଣା କରିବା ପରେ ସମସ୍ତ ରାଜ୍ୟ ଏନେଇ ତତ୍ପରତା ଦେଖାଉଛନ୍ତି। ଓଡିଶାରେ ମଧ୍ୟ ପୁଲିସ ସୀମା ସିଲ କରିବା ସହ ନକ୍ସଲ ଗତିବିଧି ଉପରେ ନଜର ରଖିଛି, ଯାହାର ଫଳସ୍ବରୂପ ଜିନେଲଗୁଡାରେ ନକ୍ସଲ ପଶିବା ମାତ୍ରେ ଯବାନ ଚଡାଉ କରିଥିଲେ। ଓଡିଶା ଏବଂ ଛତିଶଗଡ ନକ୍ସଲକୁ ଆଉ ତ୍ରାହୀ ନାହିଁ। ପୁଲିସ ସମସ୍ତ ନକ୍ସଲଙ୍କୁ ତୁରନ୍ତ ଆତ୍ମସମର୍ପଣ କରିବାକୁ କହିଛି। ନଚେତ ସମସ୍ତେ ଗୋଟି ଗୋଟି କରି ମରିବେ ବୋଲି ଧମକ ଦେଇଛି।
