ଗୌତମ ଆଦାନୀଙ୍କ କଂପାନି ନାମରେ ଲାଞ୍ଚ ଏବଂ ଠକେଇ ଅଭିଯୋଗ ହେବାର କିଛି ଘଣ୍ଟା ପରେ ପ୍ରତିକ୍ରିୟା ରଖିଛି କଂପାନି । ଏହି ଅଭିଯୋଗ ବିରୋଧରେ ଏହା ସମସ୍ତ ସମ୍ଭାବ୍ୟ ଆଇନଗତ ଲଢ଼େଇ ଲଢ଼ିବ ବୋଲି କହିଛି ।
ଆଦାନୀ ଗ୍ରୁପ୍ ଏହା ମଧ୍ୟ କହିଛି ଯେ ଏହା ଏକ କଂପାନି ଯାହା ନିୟମ ଅନୁଯାୟୀ କାର୍ଯ୍ୟ କରେ। ସେ ତାଙ୍କର ନିବେଶକ ଏବଂ ସହଯୋଗୀମାନଙ୍କୁ ସମାନ ଆଶ୍ୱାସନା ଦେଇଛନ୍ତି । କଂପାନି ଠିକ୍ ସମୟରେ ଜବାବ ଦେବ ।
ଆମେରିକୀୟ ମାମଲାକୁ ଉଦ୍ଧୃତ କରି ଆଦାନୀ ଗ୍ରୁପ୍ କହିଛି ଯେ ବର୍ତ୍ତମାନ ଏହା କେବଳ ଅଭିଯୋଗ ଏବଂ ଦୋଷୀ ପ୍ରମାଣିତ ନହେବା ପର୍ଯ୍ୟନ୍ତ କେହି ଦୋଷୀ ନୁହଁନ୍ତି। ସୂଚନାଯୋଗ୍ୟ ଯେ ନଭେମ୍ବର 20 ରେ ଆମେରିକୀୟ ଏଜେନ୍ସି ଲାଞ୍ଚ କାରବାରରେ ସମ୍ପୃକ୍ତ ଥିବାରୁ ଆଦାନୀ ଗ୍ରୁପ୍ ବିରୋଧରେ ମାମଲା ଦାୟର କରିଥିଲେ। ଯାହାକୁ ନେଇ ଭାରତରେ ରାଜନୀତି ଜୋର ଧରିଛି ।
ଆମେରିକାର ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିସନଙ୍କ ଦ୍ବାରା ଆଦାନୀ ଏବଂ ଅନ୍ୟମାନଙ୍କ ବିରୋଧରେ ଅଭିଯୋଗ ଆସିଛି । କଂଗ୍ରେସ ଏହି ମାମଲାର ମିଳିତ ସଂସଦୀୟ କମିଟି ଯାଞ୍ଚ ପଇଁ କହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପରିହାସ କରି ଜୟରାମ ରମେଶ କହିଛନ୍ତି ଯେ ଆଦାନୀ ହେଉଛନ୍ତି ମୋଦୀଙ୍କ ପ୍ରିୟ ବ୍ୟବସାୟୀ । ରାହୁଲ କହିଛନ୍ତି ଆଦାନୀଙ୍କୁ ଗିରଫ କରାଯାଉ । ସେପଟେ ବିଜେପି କହିଛି କଂଗ୍ରେସ ଦେଶ ବିରୋଧୀ ଶକ୍ତି ସହିତ ହାତ ମିଳାଇ ମୋଦିଙ୍କୁ ବଦନାମ କରିବା ପାଇଁ ଏପରି କାର୍ଯ୍ୟ କରୁଛି ।
2023 ମସିହା ଜାନୁୟାରିଠାରୁ କଂଗ୍ରେସ ଏହି ଅନୁସନ୍ଧାନ ପାଇଁ ଦାବି କରିଆସୁଛି ଆଦାନୀ ଏବଂ ତାଙ୍କ ବ୍ୟବସାୟିକ କାରବାରରେ ହୋଇଥିବା ଅନିୟମିତତାକୁ ନେଇ ଚିନ୍ତା ବୃଦ୍ଧି ପାଇଛି ବୋଲି ରମେଶ କହିଛନ୍ତି ।
ରମେଶ ହମ ଆଦାନୀ କେ ହେଁ ସିରିଜ ବିଷୟରେ ବି ଉଲ୍ଲେଖ କରିଛନ୍ତି । ଯେଉଁଠାରେ ଦୁର୍ନୀତି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଆଦାନୀଙ୍କ ମଧ୍ୟରେ ସଂଯୋଗ ଥିବା ନେଇ 100 ପ୍ରଶ୍ନ ଉଠିଥିଲା । ଏହି ପ୍ରସଙ୍ଗକୁ ଉତଥାପନ କରି ସେ ପ୍ରଶ୍ନଗୁଡ଼ିକର ଉତ୍ତର ମିଳିନାହିଁ ବୋଲି କହିଛନ୍ତି ।
ବୁଧବାର ଦିନ ଆମେରିକା ଅଭିଯୋଗ ଅାଣିଛି ଯେ ସେ ତାଙ୍କ କମ୍ପାନିର ନିବେଶକମାନଙ୍କୁ ଧୋକା ଦେଇଛନ୍ତି। ଆମେରିକାରେ ସେ ତାଙ୍କ କମ୍ପାନିକୁ କଣ୍ଟ୍ରାକ୍ଟ ଦେବା ପାଇଁ ୨୬୫ ମିଲିୟନ୍ ଡଲାର୍ ଲାଞ୍ଚ୍ ଦେଇଥିବା ଅଭିଯୋଗ ବି ଆସିଛି ତାଙ୍କ ନାମରେ। ଏହି ମାମଲା ପୂରା ଆଦାନୀ ଗ୍ରୁପ୍ କମ୍ପାନି ଏବଂ ଆଦାମୀ ଗ୍ରୁପ୍ ଏନର୍ଜି ଲିମିଟେଡ ଏବଂ ଅନ୍ୟ ଏକ କମ୍ପାନି ସହିତ ଜଡ଼ିତ।
