ଆମେରିକାରେ ଡ଼ୋନାଲ୍ଟ ଟ୍ରମ୍ପଙ୍କୁ କ୍ଷମତାକୁ ଆସିବାକୁ ଆଉ ଦୁଇ ମାସ ବାକି ଅଛି । କିନ୍ତୁ ଏହା ପୂର୍ବରୁ ଆମେରିକା ମେକ୍ସିକୋ ସୀମାରେ ଏକ ଅଜବ ଉତ୍ତେଜନା ସୃଷ୍ଟି ହୋଇଛି । ଓ୍ବାଲ ଷ୍ଟ୍ରିଟ ଜର୍ଣ୍ଣାଲ୍ ରିପୋର୍ଟ ଅନୁଯାୟୀ ମାନବ ଚୋରା ଚାଲାଣକାରୀମାନେ ଯେଉଁମାନେ ଆମେରକାରେ ବେଆଇନ ଭାବେ ପ୍ରବେଶ କରିବାକୁ ଚାହୁଁଛନ୍ତି ସେମାନଙ୍କୁ ଯଥାଶୀଘ୍ର ଆମେରିକାରେ ପ୍ରବେଶ କରିବାକୁ ଅନୁରୋଧ କରୁଛନ୍ତି ।
ଥରେ ଟ୍ରମ୍ପ ସରକାର କ୍ଷମତାକୁ ଆସିବା ପରେ ଆମେରିକାରେ ବେଆଇନ ପ୍ରବେଶ କରିବା କଷ୍ଟସାଧ୍ୟ ହୋଇଯିବା ପଡ଼ୋଶୀ ଦେଶରୁ ବେଆଇନ ପ୍ରବେଶ ପ୍ରସଙ୍ଗ ଟ୍ରମ୍ପଙ୍କ ନିର୍ବାଚନ ଏଜେଣ୍ଡାରେ ଥିଲା । ଦକ୍ଷିଣ ସୀମାରେ ଆମେରିକା ପାଶ୍ବରେ ଥିବା ଅଧିକାରୀମାନେ ଡ଼େଲି କଲର ନ୍ୟୁଜ କହିଛନ୍ତି ଯେ ଅବୈଧ ପ୍ରବାସୀଙ୍କ ସଂଖ୍ୟାରେ ଶେଷ ମୁହୂର୍ତରେ ବୃଦ୍ଧି ହେବାର ସମ୍ଭାବନା ପାଇଁ ସେମାନେ ପ୍ରସ୍ତୁତ ଅଛନ୍ତି ।
ଟ୍ରମ୍ପ ପ୍ରଶାସନ ଏକ କଠୋ ଇମିଗ୍ରେସନ ନୀତିକୁ ପ୍ରାଥମିକତା ଦେବେ ବୋଲି ସୂଚନା ମିଳିଥିଲା । ବର୍ତ୍ତମାନର ଜୋ ବାଇଡେନଙ୍କ ସରକାରଙ୍କ ଧ୍ୟାନ କେବେ ବି ବେଆଇନ ଅନୁପ୍ରବେଶକାରୀଙ୍କ ଉପରେ ନ ଥିଲା। ଏଭଳି ପରିସ୍ଥିତିରେ ଯେଉଁମାନେ ବେଆଇନ ଭାବେ ଆମେରିକାରେ ପ୍ରବେଶ କରିବାକୁ ଚାହୁଁଛନ୍ତି ସେମାନେ ଶୀଘ୍ର ସୀମାରେ ପହଞ୍ଚିବାରେ ଲାଗିଛନ୍ତି। କୁହାଯାଇଛି ବର୍ତ୍ତମାନ ୮୦୦ରୁ ୧୦୦୦ ଲୋକ ପ୍ରତିଦିନ ବେଆଇନ ଭାବେ ଆମେରିକାରେ ପ୍ରବେଶ କରୁଛନ୍ତି। ଟ୍ରମ୍ପ ବିଶ୍ୱାସ କରନ୍ତି ଯେ ବେଆଇନ ଭାବେ ଆମେରିକାରେ ପ୍ରବେଶ କରୁଥିବା ଲୋକମାନେ ଦେଶର ଧନସମ୍ପତ୍ତି ବ୍ୟବହାର କରୁଛନ୍ତି।
ଓ୍ବାଲ ଷ୍ଟ୍ରିଟ ଜଣ୍ଣାଲ ଖବର ଅନୁଯାୟୀ ପ୍ରତିବର୍ଷ ଅନୁଯାୟୀ ପ୍ରତିବର୍ଷ ସାରା ବିଶ୍ବରୁ ହଜାର ହଜାର ଲୋକ ପାନାମା ଏବଂ କଲମ୍ବିଆ ସୀମାରେ ଥିବା ଡ଼ାରିଏନ ଗ୍ୟାପ ନିକଟରେ ଥିବା ଜଙ୍ଗଲ ଅଞ୍ଚଳରେ ପହଞ୍ଚିଥାନ୍ତି । ସେମାନଙ୍କର ଉଦ୍ଦେଶ୍ୟ ହେଉଛି ମେକ୍ସିକୋ ରାସ୍ତା ଦେଇ ଆମେରିକାରେ ପ୍ରବେଶ କରିବା ।
ହ୍ବାଟ୍ସ ଆପ୍ ଗ୍ରୁପ୍ ବାର୍ତ୍ତା ଦର୍ଶାଇ ଖବରକାଗଜରେ କୁହାଯାଇଛି ଯେ ଜଣେ ଚୋରା ଚାଲାଣକାରୀ ଗୋଷ୍ଠୀ ପ୍ରବାସୀମାନଙ୍କୁ କହିଛନ୍ତି ଯେ ସେ ଟ୍ରମ୍ପ ପ୍ରଶାସନରେ ଅଧିକ ଲୋକ ଦେଶରୁ ବାହାର ହେବାର ଆଶଙ୍କା ରହିଛି। ତେଣୁ ସେ ଲୋକଙ୍କୁ ଯଥାଶୀଘ୍ର ଆମେରିକାରେ ପ୍ରବେଶ କରିବାକୁ କହୁଛନ୍ତି, ନ ହେଲେ ଟ୍ରମ୍ପ ପ୍ରଶାସନ ଆସି ଯିବେ ବୋଲି ସେ କହିଛନ୍ତି।
ଟ୍ରମ୍ପଙ୍କ ପ୍ରଶାସନରେ ଅନୁପ୍ରବେଶକାରୀଙ୍କର ଜନ୍ମ ହୋଇଥିବା ପିଲାମାନେ ମଧ୍ୟ ଆମେରିକାର ନାଗରିକତ୍ୱ ପାଇବେ ନାହିଁ ବୋଲି କୁହାଯାଉଛି।
ଜୋ ବାଇଡେନଙ୍କ ଚାରି ବର୍ଷ କାର୍ଯ୍ୟକାଳ ମଧ୍ୟରେ ଆମେରିକା-ମେକ୍ସିକୋ ସୀମାରୁ ପ୍ରାୟ ୮.୫ ନିୟୁତ ପ୍ରବାସୀ ଆମେରିକାରେ ପ୍ରବେଶ କରିଛନ୍ତି।
ରାଷ୍ଟ୍ରପତି ହେବା ପରେ ଆମେରିକା-ମେକ୍ସିକୋ ସୀମା ପ୍ରାଚୀର ନିର୍ମାଣ କାର୍ଯ୍ୟ ଜାରି ରଖିବେ ବୋଲି ଟ୍ରମ୍ପ ନିର୍ବାଚନୀ ପ୍ରଚାରରେ କହିଥିଲେ। ସୀମାରେ ପାଟ୍ରୋଲିଂ ବୃଦ୍ଧି କରାଯିବ। ଆମେରିକୀୟ ଇତିହାସରେ ଅନୁପ୍ରବେଶକାରୀଙ୍କୁ ବହିଷ୍କାର କରିବା ପାଇଁ ଟ୍ରମ୍ପ ସର୍ବ ବୃହତ କାର୍ଯ୍ୟକ୍ରମ ଆରମ୍ଭ କରିବାକୁ ମଧ୍ୟ ସ୍ଥିର କରିଛନ୍ତି। ସେ ବେଆଇନ ପ୍ରବାସୀ ପିତାମାତାଙ୍କଠାରୁ ଆମେରିକା ମାଟିରେ ଜନ୍ମ ହୋଇଥିବା ପିଲାମାନଙ୍କର ନାଗରିକତ୍ୱ ସମାପ୍ତ କରିବାକୁ ମଧ୍ୟ ନିଷ୍ପତ୍ତି ନେବେ ବୋଲି କହିଛନ୍ତି।
