ମହାରାଷ୍ଟ୍ର ନିର୍ବାଚନକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାଜ୍ୟର ଛତ୍ରପତି ସମ୍ବାଜୀନଗରରେ ଏକ ନିର୍ବାଚନ ରାଲିରେ ସମ୍ବୋଧିତ କରିଛନ୍ତି । ଜନସାଧାରଣଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଆଜି ମହାରାଷ୍ଟ୍ରରେ ଆଧୁନିକ ଭିତ୍ତିଭୂମି ନିର୍ମାଣ କରାଯାଉଛି । ସବୁକିଛି ଉପରେ କାମ ଦ୍ରୁତ ଗତିରେ ଚାଲିଛି । ମହାଯୁତି ସରକାର ଗଠନ ହେବା ପରଠାରୁ ସର୍ବାଧିକ ବିଦେଶୀ ପୂଞ୍ଜି ବିନିଯୋଗ ହୋଇଛି । ସେ କହିଛନ୍ତି ଯେ ଆଗାମୀ ସମୟରେ ବହୁତ କଡ଼ କମ୍ପାନୀ ଏଠାକୁ ଆସିବାକୁ ଯାଉଛନ୍ତି । ଆଉରଙ୍ଗଜେବଙ୍କ ବିଷୟରେ ଆଲୋଚନା କରି ପ୍ରଧାନମନ୍ତ୍ରୀ କହିଛନ୍ତି ଯେ ସମ୍ବାଜୀ ମହାରାଜଙ୍କ ହତ୍ୟାକାରୀକୁ କିଛି ଲୋକ ସେମାନଙ୍କ ଆଦର୍ଶ ଭାବେ ମାନନ୍ତି । ସଂରକ୍ଷଣ ପ୍ରସଙ୍ଗ ଏବଂ ରାହୁଲ ଗାନ୍ଧୀଙ୍କୁ ଟାର୍ଗେଟ କରି ପ୍ରଧାନମନ୍ତ୍ରୀ କହିଛନ୍ତି ଯେ କଂଗ୍ରେସର ରାଜକୁମାରମାନେ ବିଦେଶ ଯାଇ ଖୋଲାଖୋଲି ଭାବେ ଘୋଷଣା କରିଛନ୍ତି ଯେ ସେମାନେ ସଂରକ୍ଷଣ ସମାପ୍ତ କରିବେ । ବର୍ତମାନ ସେମାନଙ୍କର ଏଜେଣ୍ଠାକୁ ଆଗକୁ ନେବା ପାଇଁ କଂଗ୍ରେସ ଏବଂ ମହା ବିକାଶ ଆଘାଡ଼ି ଏସସି/ ଏସଟି/ ଓବିସି ସମାଜକୁ ଛୋଟ ଜାତିରେ ବିଭକ୍ତ କରିବାକୁ ଷଡ଼ଯନ୍ତ୍ର କରୁଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ଯେତେବେଳେ ଆଉରଙ୍ଗବାଦ ଛତ୍ରପତି ସମ୍ବାଜି ନଗର କରାଯାଇଥିଲା । ସେତେବେଳେ କାହାକୁ ଅଧିକ ସମସ୍ୟା ହୋଇଥିଲା । ସେହି ସମାଜ କଂଗ୍ରେସ ଦଳକୁ ମହା ବିକାଶ ଆଘାତିକ ଲୋକଙ୍କୁ ଯାହାର ସମର୍ଥକମାନେ ଏହି ନିଷ୍ପତ୍ତିକୁ ରଦ୍ଦ କରିବାକୁ କୋର୍ଟ ଯାଇଥିଲେ ।ସମଗ୍ର ମହାରାଷ୍ଟ୍ର ଜାଣେ ଯେ ଛତ୍ରପତି ସମ୍ବାଜୀନଗରଙ୍କୁ ଏହି ନାମ ଦେବାର ଦାବି ବାଲାସାହେବ ଠାକରେଙ୍କ ଦ୍ବାରା ଉଠାଯାଇଥିଲା । ଆଘାତି ସରକାର ଅଢେଇ ବର୍ଷ କ୍ଷମତାରେ ଥିଲେ । କିନ୍ତୁ କଂଗ୍ରେସର ଚାପରେ ଏହି ଲୋକଙ୍କର ସାହସ ନଥିଲାବେଳେ ମହାଯୁତୀ ସରକାର ଆସିବା ମାତ୍ରେ ଏହି ସହରର ନାମ ପରିବର୍ତନ କରିଥିଲା । ଆମେ ଆପଣଙ୍କର ଇଚ୍ଛା ପୁରଣ କରିଛୁ । ମହାରାଷ୍ଟ୍ରର ଏହି ନିର୍ବାଚନ କେବଳ ଏକ ନୂତନ ସରକାର ବାଛିବା ପାଇଁ ନୁହେିଁ । ଏହି ନିର୍ବାଚନରେ ଗୋଟିଏ ପଟେ ଦେଶପ୍ରେମୀ ଅଛନ୍ତି ଯେଉଁମାନେ ସମ୍ବାଜୀ ମହାରାଜଙ୍କୁ ବିଶ୍ବାସ କରନ୍ତି ଏବଂ ଅନ୍ୟ ପଟେ ଆଉରଙ୍ଗଜେବଙ୍କୁ ପ୍ରଶଂସା କରୁଥିବା ଲେକ ଅଛନ୍ତି ।ପ୍ରଧାନମନ୍ତ୍ରୀ କହିଛନ୍ତି ଯେ ମହାରାଷ୍ଟ୍ରର ଦ୍ରୁତ ବିକାଶ ପାଇଁ ଜନସାଧରଣ ଏକ ମିଳିତ ସରକାର ଗଠନ କରିବାକୁ ଆଗ୍ରହୀ ଅଟନ୍ତି । ସେ କହିଛନ୍ତି ଯେ ଏମ୍ଭିଏ ଲୋକମାନେ ଏହି ସମସ୍ୟା ବ ବଢାଇବା ବ୍ୟତୀତ ଅନ୍ୟ କିଛି କରିନାହାଁନ୍ତି ।