ମହାରାଷ୍ଟ୍ରରେ ନିର୍ବାଚନ ପାଇଁ ପ୍ରଚାର ଚାଲିଛି । କଂଗ୍ରେସ -ବିଜେପି ନେତାମାନେ ପରସ୍ପରକୁ ଆକ୍ଷେପ ପ୍ରତ୍ୟାରୋପ କରୁଛନ୍ତି । ଏହାରି ଭିତରେ କଂଗ୍ରେସ ରାଜ୍ୟ ମୁଖ୍ୟ ନାନା ପାଟୋଲ ବିବାଦୀୟ ବୟାନ ଦେଇଛନ୍ତି ।
ନାନା ପାଟୋଲ କହିଛନ୍ତି ଭାରତୀୟ ଜନତା ପାର୍ଟି ହେଉଛି କୁକୁର । ଏହା କେବଳ ଭୁକିବ କିନ୍ତୁ କାମୁଡିବ ନାହିଁ । କୁକୁର ସହ ତୁଳନା କରି ବିବାଦର ପରିସର ଭିତରକୁ ଆସିଛନ୍ତି ଏହି ବରିଷ୍ଠ ନେତା ।
ଓବିସି ସମ୍ପଦ୍ରାୟର ଲୋକଙ୍କୁ ଅପମାନିତ ବିଜେପି କରୁଛି ଏହି ଅଭିଯୋଗ ଆଣି ସେ ବିଜେପିକୁ ଏଭଳି କହିଛନ୍ତି । ଆକୋଲା ଠାରେ ଏକ ରାଲିକୁ ସମ୍ବୋଧିତ କରି ପାଟୋଲ କହିଛନ୍ତି ଯେ ବିଜେପିର ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାଭିସ ନିଜକୁ ଇଶ୍ବର ବୋଲି ଭାବନ୍ତି । ସେ ଯାହା ଚାହିଁବେ ତାହା ହେବ କିନ୍ତୁ ସେପରି କିଛି ହେଉନାହିଁ ।
ଆକୋଲା ଜିଲ୍ଲାରେ ଓବିସି ଲୋକମାନେ କୁକୁର ବୋଲି କହୁଥିବା ବିଜେପିକୁ ଭୋଟ ଦେବେ କି? ବର୍ତମାନ ବିଜେପିକୁ କୁକୁର କହିବାର ସମୟ ଆସିଛି । ବୋଲି ସେ ତାଙ୍କ ଭାଷଣରେ କହିଛନ୍ତି । ଯାହାକୁ ନେଇ ମହାରାଷ୍ଟ୍ର ରାଜନୀତି ସରଗରମ ହୋଇଛି । ବିଜେପି କର୍ମୀମାନେ ଓ ନେତାମାନେ ଏହି କଥାକୁ ନେଇ ପ୍ରଶ୍ନ ଉଠାଇଛନ୍ତି ।
