ବଲିଉଡ଼ ତାରକା ଶାହରୁଖ ଖାନଙ୍କୁ ହତ୍ୟା ଧମକ ଦେଇଥିବା ଛତିଶଗଡ଼ର ଜଣେ ଓକିଲ ମଙ୍ଗଳବାର ମୁମ୍ବାଇ ପୋଲିସ ଦ୍ବାରା ଗିରଫ ହୋଇଛନ୍ତି । ଅନ୍ୟ ଜଣେ ଅଭିଯୁକ୍ତ ଫୈଜାନ ଖାନ ଶାହରୁଖଙ୍କୁ ହତ୍ୟା ଧମକ ଦେଇ 50 ଲକ୍ଷ ଟଙ୍କା ଦାବି କରିଥବା ବେଳେ ପୂର୍ବରୁ ତାଙ୍କୁ ତାଙ୍କ ରାୟପୁର ବାସଭବନରୁ ଗିରଫ କରାଯାଇସାରିଛି ।
ଫୈଜାନ ଖାନ ଏହା ପୂର୍ବରୁ କହିଥିଲା ଯେ ସେ ନଭେମ୍ବର 14 ତାରିଖରେ ବାନ୍ଦ୍ରା ପୁଲିସକୁ ନିଜର ବିବୃତି ଦେବାକୁ ମୁମ୍ବାଇ ଆସିବେ । ତେବେ ଗତ ଦୁଇ ଦିନ ହେବ ଶାହରୁଖଙ୍କୁ ଅନେକ ଧମକ ମିଳୁଥିବାରୁ ସେ ମୁମ୍ବାଇ ପୁଲିସ କମିସନରଙ୍କୁ ଚିଠି ଲେଖି ତାଙ୍କ ସୁରକ୍ଷା ଦୃଷ୍ଟିରୁ ତାଙ୍କ ବିବୃତି ରେକର୍ଡ଼ କରିବାକୁ ଅନୁରୋଧ କରିଥିଲେ ।
ଜବାନ ଅଭିନେତାଙ୍କୁ ମଧ୍ୟ ଦବଙ୍ଗ ଷ୍ଟାର ସଲମାନ ଖାନଙ୍କୁ ଧମକ ଦେଉଥିବା ଲରେନ୍ସ ବିଷ୍ନୋଇ ଗ୍ୟାଙ୍ଗରୁ ମିଳିଛି ବୋଲି ଜଣାପଡ଼ିଛି । ଗତ ସପ୍ତାହରେ ବାନ୍ଦ୍ରା ପୁଲିସ ଷ୍ଟେସନ ଦ୍ବାରା ଏହି ଧମକ ବାର୍ତା ଗ୍ରହଣ କରାଯାଇଥିଲା ଯାହା ପରେ ଏକ ନିର୍ଯ୍ୟାତନା ମାମଲା ରୁଜୁ ହୋଇଥିଲା ।
ଅନୁସନ୍ଧାନ ବେଳେ ପୁଲିସ ଜାଣିବାକୁ ପାଇଛି ଯେ ଫୈଜାନ ଖାନଙ୍କ ନାମରେ ପଞ୍ଜୀକୃତ ହୋଇଥିବା ଏକ ଫୋନ ନମ୍ବରରୁ ଅଭିନେତାଙ୍କୁ ଧମକ ଦିଆଯାଇଥିଲା ।
ତା’ପରେ ମୁମ୍ବାଇର ଏକ ପୁଲିସ ଦଳ ରାୟପୁର ଗସ୍ତ କରି ଫୈଜାନଙ୍କୁ ଜେରା ପାଇଁ ସମନ ପଠାଇଥିଲା। ଜେରା ସମୟରେ ଫୈଜାନ କହିଥିଲେ ଯେ ତାଙ୍କ ଫୋନ୍ ନଭେମ୍ବର ୨ ତାରିଖରୁ ହଜିଯାଇଛି।
