ମଣିପୁର ହିଂସା ଜୋରଦାର ହୋଇଛି । ମଣିପୁରର ଜିରିବାମ ଜିଲ୍ଲାରେ ଆଜି ସିଆରପିଏଫ ଯବାନଙ୍କ ସହ ଗୁଳିମାଡ଼ରେ 11 ସନ୍ଦିଗ୍ଧ କୁବି ଉଗ୍ରପନ୍ଥୀ ନିପାତ ହୋଇଛନ୍ତି । ଉଗ୍ରପନ୍ଥୀଙ୍କ ପକ୍ଷରୁ ହୋଇଥିବା ଗୁଳିମାଡ଼ରେ 2 ଜଣ ସିଆରପିଏଫ ଯବାନ ମଧ୍ୟ ଆହତ ହୋଇଛନ୍ତି । ବୋରବେକ୍ରା ସବଡ଼ିଭିଜନ ଅଧୀନ ଜାକୁରାଡ଼ର କାରୋଙ୍ଗରେ ଆଜି ସୁରକ୍ଷାକର୍ମୀ ଏବଂ ଉଗ୍ରପନ୍ଥୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ପ୍ରଥମେ ସନ୍ଦିଗ୍ଧ କୁବି ଉଗପନ୍ଥୀମାନେ ଆଜି ଅପରାହ୍ନରେ 2 ପାର୍ଶରେ ଜିରିବାମ ଥାନା ଉରପକୁ ଆକ୍ରମଣ କରିବାପରେ ଏନକାଉଣ୍ଟର ଆରମ୍ଭ ହୋଇଥିଲା । ଥାନା ନିକଟରେ ଏକ ରିଲିଫ ଶିବିର ମଧ୍ୟ ଥିଲା ଉଲ୍ଲେଖଯୋଗ୍ୟ ଯେ ଜିରିବାମର ବୋରବେକ୍ରାରେ ଥିବା ଏହି ଥାନା ଉପରେ ଗତ କିଛି ମାସ ମଧ୍ୟରେ ଲଗାତାର ଆକ୍ରମଣ ହେଉଛି । ଥାନା ଉପରେ ଆକ୍ରମଣ କରିବା ପରେ ସନ୍ଦିଗ୍ଧ ଉଗ୍ରପନ୍ଥୀମାନେ ସେଠାରୁ 1 କିମି ଦୂର ଜାକୁରାଡ଼ର କାରୋଙ୍ଗର କ୍ଷୁଦ୍ର ବସତିକୁ ଯାଇ ସେଠାରେ ଥିବା ଘର ଗୁଡ଼ିକରେ ନିଆ୍ଁ ଲଗାଇ ଦେଇଥିଲେ । ଏହାପରେ ସୁରକ୍ଷାକର୍ମୀ ଏବଂ ଉଗ୍ରପନ୍ଥୀଙ୍କ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଯାଇଥିଲା । ସୁରକ୍ଷାମର୍ମୀଙ୍କ ଗୁଳିମାଡ଼ରେ 11 ଉଗ୍ରପନ୍ଥୀ ନିପାତ ହୋଇଛନ୍ତି । ଗୁଳିମାଡ଼ରେ 2 ଜଣ ସିଆରପିଏଫ ଯବାନଙ୍କ ଅବସ୍ଥା ମଧ୍ୟ ସଙ୍କଟାପନ୍ନ ଅଛି ।
