ବିସ୍ଫୋରଣ ବୟାନ ଦେଇଛନ୍ତି ପୂର୍ବତନ ମନ୍ତ୍ରୀ ଅତନୁ ସବ୍ୟସାଚୀ ନାୟକ । କେନ୍ଦ୍ରାପଡ଼ା ମହାକାଳପଡ଼ା ଆୟୋଜିତ ଏକ ସଭାରେ ଅତନୁ କହିଛନ୍ତି , ପୁଣିଥରେ ଲୋକ ନବୀନଙ୍କୁ ମୁଖ୍ୟମନ୍ତ୍ରୀ କରିବାକୁ ପ୍ରସ୍ତୁତ ହେଲାଣି । ଆମର 51 ଓ କଂଗ୍ରେସ 14 ଏବଂ ସ୍ବାଧୀନର 3 ବିଧାୟକଙ୍କ ସମର୍ଥନ ଅଛି । ଆଉ ମାତ୍ର ଆଠ ଦଶଟି ବିଧାୟକ ଦରକାର । ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ନାହାନ୍ତି ବୋଲି ଲୋକେ ବିଶ୍ବାସ କରି ପାରୁନାହାନ୍ତି । 5 ମାସ ହେଲାଣି ସମସ୍ତ ବିକାଶ କାମ ଠପ ହୋଇ ପଡ଼ିଛି । ଖୁବଶୀଘ୍ର ନବୀନ ପଟ୍ଟନାୟକ ପୁଣିଥିରେ ମୁଖ୍ୟମନ୍ତ୍ରୀ ହେବେ ବୋଲି ଅତନୁ କହିଛନ୍ତି ।
ଅନ୍ୟପଟେ ଗଞ୍ଜାମ ଜିଲ୍ଲା ଆସିକା ଭାଜପା ବିଧାୟକ ସରୋଜ ପାଢୀ ସୋମବାର ଏକ ବିସ୍ଫୋରକ ବୟାନ ଦେଇ କହିଛନ୍ତି । ବିଜେଡ଼ିର 27 ବିଧାୟକ ଭାଜପାର ଶୀର୍ଷ ନେତୃତ୍ବ ସହ ଯୋଗାଯୋଗରେ ଅଛନ୍ତି । ବିଧାୟକ ସରୋଜଙ୍କ ବୟାନକୁ ନେଇ ଏବେ ରାଜନୈତିକ ଚର୍ଚ୍ଚା ଆରମ୍ଭ ହୋଇଯାଇଛି ।
ଏପରିକି ୩ ଦିନ ତଳେ ବିଜେଡିର ୨୭ ବିଧାୟକ ଏକାଠି ହୋଇଥିଲେ। ସେମାନେ ଭାଜପା ଆସିବା ପାଇଁ ଯୋଗାଯୋଗରେ ରହିଥିବା ବିଧାୟକ ପାଢ଼ୀ ପ୍ରକାଶ କରିଛନ୍ତି। ଅନ୍ୟପକ୍ଷେ ୨୦୨୯ ବେଳକୁ କଂଗ୍ରେସ ୫ ଫାଳ ହୋଇଯାଇଥିବ ବୋଲି ସେ କହିଛନ୍ତି।
